Biblia Todo Logo
Bib sou entènèt

- Piblisite -




मत्ती 23:13 - डोटेली नयाँ करार

13 “तमन भयानक समस्यामि छौ! तमन मोशाको कानुन सिकाउन्यावाला रे फरिसि मान्सनको समुह हो, कपटि! तम मान्सलाइ स्वर्गका राज्यमि जानाइलाइ अनुमति दिनानु, क्याकि तमन न त आफ पसन्छौ, न त औरलाइ पस्स दिन्छौ।

Gade chapit la Kopi




मत्ती 23:13
25 Referans Kwoze  

तम मोशाको कानुन सिकाउन्यावालालाइ धिक्‍कार! क्याकि तमनले ज्ञानको साँचो लइन त लैय्या, तर तमन आफइ लगइ भितर गयान, रे और जान्यालाइ लगइ रोक्या।


“तमन भयानक समस्यामि छौ! तम मोशाको कानुन सिकाउन्यावाला रे फरिसि मान्सनको समुह हो कपटि! क्याकि तमन अगमबक्तानका चिहान बनाउछौ जइलाइ तमरा पुर्खाले माणाथ्यो रे धार्मिजनलाइ आदर अद्दाइ तिनरा चिहानलाइ सिंगारन्छौ।


“तमन भयानक समस्यामि छौ! तम मोशाको कानुन सिकाउन्यावाला रे फरिसि मान्सनको समुह हो, कपटि! क्याकि तमन चुना लाया चिहान जसा छौ, जो बाइर सुन्दर धेकिनाहान तर भित्तर भण्या मर्या मान्सका हाड खोड रे सब अशुद्ताले भरिएका हुनाहान।


“तमन भयानक समस्यामि छौ! तमन मोशाको कानुन सिकाउन्यावाला रे फरिसि मान्सनको समुह हो, कपटि! क्याकि तमन पदम, सुप रे जिराको दशांश दिन्छौ, तर मोशाको कानुनका गहकिला बिषय अर्थात न्याय, दया रे बिश्वसनियताको इन्कार अर्न्छौ। तमनले दशांश दिन्या काम अद्दु पड्ड्या थ्यो, पइ तिन गहकिला बिसयको इन्कार नअददु पड्ड्या थ्यो।


स्तिफानसका हत्यामि शाउल लगइ सहमत थ्या। तसइ दिन यरुशलेम सहरमि भया मण्डलिका बिरोधमी ठुलो सतावट सुरु भयो, रे येशू ख्रीष्टका छान्या शिष्या बाहेक तिनन सब यहुदिया जिल्ला रे सामरिया जिल्लातिर छरिया।


तु तइ बठेइ आफइ होशियार बस, क्याकि तइले ख्रीष्टका बारेमि हामरो शिक्षाको भौत बिरोध अर्यो।


यिन झुटा शिक्षकले सत्य सन्देश प्रचार हुना बठेइ रोक्द्या कोशिस अद्दाहान जसेरि यान्नेस रे याम्‍ब्रेसले मोशाको बिरोध अर्याथ्या। तिनरि बुद्दि भ्रष्ट छ रे तिनन साच्ची सत्यका बिरोधमि हुनाहान।


तर एलुमास जादुगरले (एलुमासलाइ ग्रीक भाषामि तइका नाउँको अर्थ जादुगर हो) सर्गियस पौलसलाइ येशूमि बिश्वास बठेइ फर्काउनाइ खोज्यो।


तब तिननले तिनरो सल्लाह माण्यो। पइ तिननले येशू ख्रीष्टका छान्या शिष्यालाइ भितर बोलाइबर हाण्यो, रे आब बठेइ येशूका नाउँमि प्रचार जन अर्या भण्न्या आज्ञा दिइबर तिननलाइ छाडदियो।


“हामले तमनलाइ येशू ख्रीष्टका नाउँमि कसइलाइ केइ जन भण भणबर कडा चेतावनी दिइराइथ्या, तर तमनले आफना शिक्षाले जम्माइ यरुशलेम सहर भरिसक्या, रे तइ मान्सको हत्याको दोस जबरजस्ती हाममि लाउन खोज्जा छौ।”


तिननले तइलाइ भण्यो, “तु त बिल्कुलइ पापी जन्मिरइथि, रे कि आब तु हामलाइ सिकाउन चाहान्छइ?” तइ पछा तिननले तइ मान्सलाइ सभाघर बठेइ बाइर निकाल्दियो।


तब यहुदि अगुवानले तइ आखा धेक्द्या मान्सलाइ दोसर्या बोलाइबर भण्यो, “परमेश्वरको कसम खाइबर भण। हाम जाण्नाउ कि यो मान्स पापी हो।”


तइका इजा बाले यिन कुरणी भण्यो, क्याकि उन यहुदि अगुवानसित डराउथ्या। क्याकि कसइले येशूलाइ ख्रीष्ट भणि स्वीकार अर्यो भण्या, तइलाइ यहुदि सभाघर बठेइ निकाल्दिनु पणन्छ भणि यहुदि अगुवान पइल्ली बठेइ सहमत होइरइथ्या।


“तमन भयानक समस्यामि छौ! तम मोशाको कानुन सिकाउन्यावाला, फरिसि मान्सनको समुह हो कपटि!, तमन उन कटौरा जसाइ छौ जो बाइर साप छ तर भितर मैलिया छ। तम आफलाइ और मान्सनका अगाडी धर्मि जसा धेकिन्या बनाउछौ तर तमरा हृदयमि भितर लोभ रे स्वार्थले भरिया हुन्छौ।


फरिसि मान्सनको समुह रे सदुकीको समुहमी हइ भौत जाना बप्तिस्मा लिनाइ यूहन्नाका वाँ आया। तिननलाइ आउनार्या धेकिबर यूहन्नाले भण्यो, “तमन बिखालु स्यापका छाउना जसाइ छौ! आउन्लाग्या परमेश्वरको क्रोध बठेइ भाग्दाइ कइले तमनलाइ चेताउनी दियो?”


“तमन भयानक समस्यामि छौ! तम अन्धा अगुवा हो जइले भणन्छौ, ‘यदि कसइ मान्सले मन्दिरको कसम खायाले उइले त्यो कसम तोड्ड सकन्छ। तर तम भणन्छौ मन्दिरका सुनको कसम खायाले उइले कसम खाया अनसार अददु पणन्छ।’


Swiv nou:

Piblisite


Piblisite