मत्ती 20:8 - डोटेली नयाँ करार

⁸ जब साँज पड्यो, तब अंगुर बारिका मालिकले आफना मेटलाइ भण्यो, ‘कामदारलाइ बोलाइबर छाड्डीबार आउन्या बठेइ पइलि आउन्या सम्मलाइ लैजाइबर तिनरो द्याणी दिदे।’

मत्ती 20:8 Referans Kwoze

१ पत्रुस 4:10

हरेक मान्सले परमेश्वरको अनुग्रह बठेइ बरदान पाया छ रे तिननले त्यो बरदान औरलाइ सहयोग अददाइ प्रयोग अददु पणन्छ। तिननले आफ्ना बरदान परमेश्वरका असल दासकि जसेरि निक्केरि प्रयोग अददु पणन्छ।

हिब्रु 9:28

तसेरि भौत मान्सनका पाप उठाइबर लइजानाइ ख्रीष्टले आफइलाइ एक बेर बलि अर्यो। रे उन दोसर्या लगइ आउन्याहुन। तइ बेला आफइलाइ पापकी निउति बलि अददाइलाइ होइन, तर उनरो बाटो हेरिबर बस्यालाइ बचाउनाइ आउन्याहुन।

तितस 1:7

क्याकि परमेश्वरको काम अद्द्या अगुवा भया हुनाले उ दोस रहित हुनु पणन्छ। उ हटि, छिट्टाइ रिसाउन्या, दराहा, सदाइ झगडा अद्द्या, पैसाको लोप अद्द्या हुनु पड्डइन।

२ कोरिन्थी 5:10

क्याकि हाम सब ख्रीष्टका न्याय आसनका अगाडी खडा हुनु पणन्छ, इसेरि सरीरमि हुन्ज्या आफले अर्या अनसार हरेकले निका वाँ खराब प्रतिफल पाउन्या हुन।

लूका 12:42

प्रभुले भण्यो, “त्यो बिश्वासि रे बुद्दिमानि दास को हो, जइलाइ तइका मालिकले आफना परिवारलाइ ठीक समयमि तिनरा भाग पड्या खानाइ दिनाइलाइ खटाउन्या हुन?”

लूका 10:7

तिननले दिया चिज खानपिन अरिबर तसइ घर बस। क्याकि खेताला आफना द्याणीको लायक हुन्छ। तबइकिलाइ घर-घर बास बसिबर जन हिँट।

लूका 8:3

राजा हेरोदको भणडारे खुजासइकि स्वानी योअन्ना, रे सुसन्ना। यिन स्वानिन रे औरले आफना धनले येशू रे उनरा शिष्याको सेवा अरन्थ्या।

मत्ती 25:31

जब म, मान्सको चेलो आजी आउन्या हु, म महिमामि आउन्या हु रे सारा स्वर्गदुत आफ्नो सित ल्याउन्या हु। रे म महिमामय सिंहासनमि बसिबर सब मान्सनको न्याय अद्दया हु।

मत्ती 25:19

भौत समय पछा तिन नौकरका मालिक घर फर्क्या, रे तिनले सबलाइ सङइ बोलाइबर उनले दिया धन सम्पति कि अर्यो भणि पत्ता लायो।

मत्ती 20:7

तिननले उइलाइ भण्यो, ‘कसइले हामलाइ द्याणीमि लाया आथिन।’ उइले तिननलाइ भण्यो, ‘तमन लगइ मेरा अंगुरको बारीमि जा रे ताँ काम अर।’

मत्ती 20:9

पाँच बजै काम अद्दयावाला आया, रे तिनन सबले एक दिनको द्याणी पायो।