मत्ती 20:19 - डोटेली नयाँ करार

¹⁹ उइलाइ खिसि काट्ट्या हुन, कोर्रा लाउन्या हुन, रे क्रुसमि झुण्न्याउन भणि तिननले उइलाइ गैर-यहुदि मान्सनका हातमि सुम्पिन्या हुन, तर उ तेसरा दिनमि मर्या बठेइ जिउनो होइबर उठन्छ।”

मत्ती 20:19 Referans Kwoze

मत्ती 16:21

येशू कसेरी यरुशलेम सहरमि जानु पणन्छ, यहुदि मान्सनका अगुवा रे धर्म-गुरु रे यहुदि मुख्य पुजारि रे मोशाको कानुन सिकाउन्यावाला बठेइ भौत दु:ख भोग्दु पणन्छ, मद्दु पणन्छ रे तेसरा दिनमि मर्या बठेइ जिउनो हुनु पणन्छ भणि उनले तइ बेला बठेइ आफना शिष्यालाइ बताउन लाग्या।

प्रेरित 2:23

परमेश्वर बठेइ ठहराया पक्‍का उद्देश्य रे पइल्लिको ज्ञान अन्सार उनलाइ तमरा हातमि सुम्पिदियो। तमनले उनलाइ अधर्मि मान्सनको सायताले क्रुसमि किला ठोकिबर मार्या।

प्रेरित 21:11

उनले पावलको पेटी लेइबर आफना हात रे खुट्टा बादिबर भण्यो, “पबित्र आत्मा यिसो भण्नाहान, ‘यरुशलेम सहरमि गइबर यहुदि मान्सनले यो पेटिको मालिकलाइ यिसेरी बाद्या हुन रे गैर-यहुदि जातिका हातमि दिन्या हुन।’”

प्रेरित 4:27

क्याकि भण्या साँच्चि तमनले अभिषेक अर्या, तमरा पबित्र सेवक येशूको बिरोधमी राजा हेरोद रे पन्तियस पिलातस हाकिम दुइ जाना, गैर-यहुदि रे इस्राएल देशका मान्सनसित इसइ सहरमि जम्मा भयाथ्या।

लूका 24:46

उनले तिननलाइ भण्यो, “पबित्र सास्त्रमि यिसो लेखिया छ, कि ख्रीष्टले दु:ख भोग्दु रे तेसरा दिनमि मर्या बठेइ जिउनो हुनु पणन्छ,

लूका 23:11

राजा हेरोदले आफना सिपाइनसित मिलिबर उनलाइ तिरस्कारपूर्ण ब्यबहार अर्यो, रे उनरो खिसि काट्यो। तइ पछा उनलाइ चहकिलो लत्ता लाइबर पिलातस हाकिमका वाँ पठाइदियो।

मर्कुस 15:1

परभातइ यहुदि मुख्य पुजारिनले यहुदि मान्सनका अगुवा, मोशाको कानुन सिकाउन्यावाला रे सब यहुदि महासभा सदस्य सित बसिबर येशूलाइ आरोप लाउन्या सल्लाह अर्यो। रे तिननले येशूलाइ यहुदिया राज्यको रोमिको पिलातस हाकिमको राजमहलमि न्याय अद्दाइलाइ लैयाथ्यो।

मर्कुस 14:65

तइ पछा कोइ उनलाइ थुक्द लाग्या, कोइ मुक्‍कि हाण्न पस्या, रे तिननले उनरा आँखा बुजिबर भण्न लाग्या, “यदि तु अगमबक्ता हइ भण्या, भण कइले तुलाइ हाण्यो!” रे मन्दिरका चौकिदारनले उनलाइ समाइबर थप्पडी हाण्यो।

मत्ती 12:40

क्याकि जसेरि योना ठुलो माछाका पेट भित्तर तीन दिन तीन रात थ्या, उसेरी म, मान्सको चेलो लगइ येइ पृथ्बीका भितर तीन दिन तीन रात रन्या हु।

मत्ती 17:23

रे उनले मलाइ माद्या हुन, रे तेसरा दिन उन आजी जिउना हुन्या हुन।” तइ पछा उन भौत दु:खित भया।

मत्ती 27:26

तब तिनले भिडलाइ सन्तुष्ट पड्डया इच्छाले तिनका निउति बरब्बालाइ छाडिदियो रे येशूलाइ कोर्रा लाइबर क्रुसमि माद्दाइ रोमी सिपाइलाइ सुम्पि दियो।

मत्ती 27:63

तिननले भण्यो, “हजुर, हामलाइ याद छ त्यो ठग जिउनोइ छ, उनले भण्याथ्यो, तीन दिन पछा म आजी जीउनो हुन्या हु।”

मर्कुस 15:15

पइ पिलातस हाकिमले भिडलाइ सन्तुष्ट पड्डया इच्छाले तिनरि निउति बरब्बालाइ छाडिदियो रे येशूलाइ कोर्रा लाइबर क्रुसमि माद्दालाइ रोमी सिपाइलाइ सुम्पिदियो।

लूका 18:32

क्याकि उ और गैर-यहुदि मान्सनका हातमि सुम्पिन्या हो, रे तिननले उइको खिसि काट्ट्या हुन, रे उइसित दुर्ब्यहार अद्दया हुन, रे उइलाइ थुक्द्या हुन।