मत्ती 2:13 - डोटेली नयाँ करार

¹³ बुद्दिमान मान्सन गया पछा, प्रभुका एक स्वर्गदुत सुइनामी योसेफका वाँ धेका पड्या रे तिनले यिसो भण्यो, “उठ, बालक रे उनरी इजा मरियमलाइ लैयइबर मिश्र देशमि भाग। तुलाइ मइले नभणइय्याँ सम्म ताँइ बस, क्याकि राजा हेरोदले बालकलाइ माद्दाइ उनरो खोजी अद्दा छ।”

मत्ती 2:13 Referans Kwoze

प्रेरित 12:11

जबइ पत्रुसको होस खुलि तब तिनले भण्यो, “आब मलाइ साँच्चि था भयो, कि प्रभुले आफना स्वर्गदुत पठाइबर राजा हेरोदका सक्ति बठेइ, रे यहुदि अगुवानले जी अद्द खोजन्थ्या तिन सब बठेइ मलाइ छुटकारा दियो।”

प्रेरित 10:7

जब तिनसित बोल्ल्या स्वर्गदुत बिदा भया तब कर्नेलियसले आफना घरका दुइ जाना नौकर रे एक जानो भक्त सिपाहिलाइ सदाइ तिनरो सेवा अददाइ बोलायो।

प्रेरित 5:19

तर प्रभुका एक दुतले रात झेलका ढोका खोल्दियो, रे तिननलाइ बाइर लेइबर भण्यो,

मत्ती 2:12

पइ सुइनामी राजा हेरोदका वाँ फर्कि जन जा भण्न्या चेताउनी पाइबर, राजा हेरोदलाइ खबर नअरेइ तिनन अर्खाइ बाटा होइबर आफना देस फर्क्या।

मत्ती 1:20

तइ पछा जब उन यिन कुरणी बिचार अद्दाथ्या, सुइनामी प्रभुका स्वर्गदुत धेका पड्या, रे उनलाइ यिसो भण्यो, “योसेफ, राजा दाउदका बंस, मरियमलाइ तेरि स्वानिका रुपमि स्वीकार अद्दाइ जनडराइ, क्याकि जो तइका गर्भइनि छन, उन पबित्र आत्माका सक्ति बठेइ हुन।

मत्ती 2:16

राजा हेरोद रिसले चुर भया जब बुद्दिमान मान्सनले उनलाइ छकाएइ कुरणी था पायो। यो पइल्ली बेर तारा धेक्या आधारमी बुद्दिमान मान्सनले भण्या बिबरण अन्सार राजा हेरोदले आफना सीपाहीनलाइ बेतलेहेम गाउँ रे तइका वलतिर पलतिरका दुइ बर्ष रे दुइ बर्ष हइ कम उमेर भया सब बालकलाइ माद्द लायो।

प्रकाश 12:14

तर तइ आइमाइलाइ तइ स्यापका वाँ बठेइ उजाड ठाउँमि उडिबर जानाइ ठुला बाजका दुइ पख्यार दिइया। त्यो उजाड़ स्थानमि साडे तीन बर्ष सम्म तइ आइमाइको स्याहार सुसार अद्दाइ तयार अरियाथ्यो।

प्रेरित 16:36

तब झेलका हाकिमले पावललाइ यिन कुरणी भण्यो, “सहरका हाकिमले तमनलाइ छाडिदिन्या आज्ञा दिइराइछ। तबइकिलाइ आब निकलिबर सान्ति सित जा।”

प्रेरित 10:22

तिननले भण्यो, “कर्नेलियस नाउँ भया सुबेदारले हामलाइ पठायो हो। उन असल रे परमेश्वरकि डर माणन्या मान्स हुन, रे उनले पुरा यहुदि जाति बठेइ आदर पाया छ। एक पबित्र स्वर्गदुत उनरा वाँ धेका पण्या रे तमलाइ उनरा घरमि बोलाइबर तमरा बचन सुण्न्या आज्ञा स्वर्गदुतले दिया छ।

प्रेरित 7:19

उइले हामरा जातिसित चतुरता सित ब्यबहार अर्यो रे तिननलाइ अत्याचार अर्यो। उइले हामरा पुर्खाका बच्चा मरुन भणबर जन्मनजेइ जबरजस्ती घर बठेइ बाइर खित्त लाउन्थ्यो।”

मत्ती 10:23

जब तिनले तमनलाइ एक सहरमि सताउनाहान तब अर्खा सहरमि भाग्या। क्याकि साँच्चि म तमनलाइ भण्नउ, म, मान्सको चेलो आउना हइ पइलि तमन कसइ रितिले इस्राएल देशका सब सहर घुमि सक्द्या होनु।

प्रकाश 12:6

त्यो आइमाइ चाइ उजाड ठाउँमि भागि जाँ परमेश्वरले तइकि निउति ठाउँ राख्याथ्यो, ताकि ताँ तइको स्याहार एक हजार दुइ सय साठी दिन सम्म होउ।

प्रकाश 12:4

तइका पुछडले अग्गास एक तिहाइ तारालाइ सोइरिबर पृथ्बीमि खिद्दियो। बालक जन्मन्जेइ तइका बालकलाइ निल्दिउ भणि त्यो अजिङ्गर बालक जन्माउन लागेइ आइमाइका अगाडी कलियो।

मत्ती 2:22

तर जब योसेफले यहुदिया जिल्लामि आफना बा राजा हेरोदका ठाउँमि अर्खिलाउसले राज्य अरिराइछ भण्न्या सुण्यो, उ ताँ जानाइ डरायो। योसेफले सुइनामी परमेश्वर बठेइ चेताउनी पायो रे, तिनन सब गालीलका जिल्लामि गया।

मत्ती 2:14

योसेफ उठीबर बालक रे उनरी इजालाइ संङइनि लय्यइबर मिश्र देशमि राता रात गया।

प्रेरित 12:7

उतन्जेइ प्रभुका एक स्वर्गदुत पत्रुसका नजिकै धेका पड्या, रे झेलमि उज्यालो चम्कियो। स्वर्गदुतले पत्रुसलाइ घाचघच्यायो रे “छिटाइ उठ” भणबर तिनलाइ उठायो। तब साङला तिनरा हात हइ खुस्या।