मत्ती 19:12 - डोटेली नयाँ करार

¹² क्याकि कोइ गर्भ बठेइ हिजडा हुनाहान, कति मान्सन बठेइ हिजडा बनाइएका हुनाहान, कति आफइले आफइलाइ स्वर्गका राज्यकि निउति हिजडा बनाउनाहान। जइले यो ग्रहण अद्द सकन्छ, तइले ग्रहण अरउ।”

मत्ती 19:12 Referans Kwoze

१ कोरिन्थी 9:5

क्याकि और येशू ख्रीष्टको छान्या शिष्या रे प्रभुका भाइन रे पत्रुसले (केफास) आफ्ना स्वानिलाइ आफसित यात्रामि लइजानाहान, तबइकिलाइ हामलाइ लगइ यो अधिकार छ।

१ कोरिन्थी 9:15

तर मइले यिन अधिकार मध्ये कसइ अधिकार लिया आथिन। तमनले मेरा निउति आब केइ अरला भणबर मइले यो लेख्या होइन। बिलकुल होइन! मेरी निउति मद्दु असल हो! क्याकि मइले आफ्नो खर्च आफइ चलायामि मलाइ कसइले घमण्ड अद्द बठेइ रोक्द सक्दइन।

मत्ती 19:11

तर उनले तिननलाइ भण्यो, “सब मान्सनले यइ बचन ग्रहण अद्द सक्दैन, केवल तइले अद्द सकन्छ जइलाइ परमेश्वरले तइ अनसार जिउन्या क्षमता दिया छ।

मत्ती 19:13

तब मान्सले नाना बालकलाइ येशूले छोइबर प्रार्थना अरि दिउन भणि उनरा वाँ लेइबर आया, रे शिष्याले तिनन मान्सलाइ हकार्यो।

प्रकाश 14:4

तिनरो जीवन पबित्र छ। तिन उन बैकान जसा छन जइले कभइ व्यभिचार अर्या आथिन, जइले केइलगइ कुरणीको कभइ आराधना अर्या आथिन, तिनन केवल थुमाको मान्तर आराधना अददाहान। थुमा जाँ जानाहान, ताँ तिनन लगइ जानाहान। तिनन तिनइ हुन जइलाइ पृथ्बीका सब मान्सनमि हइ छुटाइया छन। मान्सनले आफ्नो फसलको पहिलो फल परमेश्वरलाइ चडाया जसेरि, तिनन परमेश्वर रे थुमालाइ पइलो भेटिका रुपमि चढाइया छन।