मत्ती 18:16 - डोटेली नयाँ करार

¹⁶ तर यदि तइले सुणेइन भण्या आफसित और एक कि दुइ जाना मान्स लैजा, क्याकि मोशाको कानुन अनसार, “सब दोस दुइ अथवा भौत साक्षि बठेइ सत्य साबित हुनु पणन्छ।”

मत्ती 18:16 Referans Kwoze

२ कोरिन्थी 13:1

पबित्र सास्त्रमि इसेरि लेखिया छ, “सब दोस दुइ या तीन साचि गवाही बठेइ साबित अरिनु पणन्छ” जब म दोसरा बेरका भेटमि ताँ थ्या, मइले पापमय काम अद्द्यालाइ पइल्ली चेताउनी दिसक्या थ्या। पइल्लिका चिठ्ठीमि तमनलाइ चेताउनी दिया जसेरि आजी म तमनलाइ रे औरलाइ लगइ चेताउनी दिनउ। आब म तेसरी बेर तमरा वाँ आउन्यावालो छु, यदि तिननले आजी लगइ पाप अद्द छाड्या आथिन भण्या कोइलगइ दण्ड बठेइ उम्कन सक्द्या आथिन।

१ तिमोथी 5:19

एक मण्डलिका अगुवाका बिरुद्दमि लायाको आरोपलाइ तब सम्म जन सुण जबसम्म दुइ अथवा तीन मान्सनले एकइ कुरणीकिलाइ तइलाइ आरोप जनलाउन।

यूहन्नाले लेख्या सुसमाचार 8:17

मोशाले दिया तमरा कानुनमी लेखिया छ कि दुइ मान्सले दिया गवाही सत्य ठहरिन्छ।

हिब्रु 10:28

मोशा कानुनलाइ कसइले नमाणनज्या दुइ-तीन जाना साक्षि भया भण्या, त्यो मान्स बिना दया मद्दु पणन्छ।

प्रकाश 11:3

म मेरा दुइ जाना साक्षि पठाउन्या हु जो मेरो सत्य सन्देश घोषणा अददाहान। तिननले भाङराका लत्ता लाउन्या हुन रे मेरो सत्य सन्देश तिनन एक हजार दुइ सय साठी दिनमि प्रचार अद्दया हुन।”