मत्ती 18:15 - डोटेली नयाँ करार

¹⁵ येशूले भण्यो, “तेरा बिश्वासि भाइबैनीले तेरा बिरुद्दमि अपराध अर्यो भण्या, गइबर तमन दुइ मान्तर हुन्ज्या तइको दोस धेकाइ दे। तिननले तेरो कुरणी सुण्यो भण्या, तेरा बिश्वासि भाइबैनी पाप अद्द छाडिबर परमेश्वरतिर फर्क्या भण्या तमले भाइबैनी लाइ बिश्वासमि फिर्ता लेया।”

मत्ती 18:15 Referans Kwoze

कलस्सी 3:13

एकले-अर्खालाइ सहन्या अर, कसइ मान्सका बिरुद्दमि केइ दोषको कारण छ भण्या एक-अर्खालाइ क्षमा अद्द्या अर। जसेरि प्रभुले तमनलाइ क्षमा अर्याछ, तसेरि तमनले लगइ क्षमा अददु पणन्छ।

गलाती 6:1

बिश्वासि भाइन हो, यदि कसइ मान्सले पाप अर्या भेट्यो भण्या, तमन जइलाइ पबित्र आत्माले अगुवाइ अरन्छ, तइले नम्रतापुर्वक तिननलाइ सुधार अर। तमन होशियार रअ, ताकि तमन लगइ पाप अद्दया परीक्षामि जन पण।

२ थेसलोनिकि 3:15

पइलगइ त्यो तमरो दुस्मन भया जसेरि तइसित ब्यबहार जन अर, तर तमनले आफना बिश्वासि भाइ सुधार्या जनि तइलाइ सुधार।

मत्ती 18:35

तमनले आफना बिश्वासि भाइलाइ आफना हृदय बठेइ क्षमा अर्यानु भण्या, स्वर्गमि हुन्या मेरा पिताले लगइ तमनसित तसोइ अदद्या हुन।”

रोमी 12:21

खराबिले जन जित, तर खराबिलाइ भलाइले जित।

१ पत्रुस 3:1

स्वानी हो, तमन लगइ आफ्ना बैकानका अधिनमी बस, ताकि यदि तिनन मध्ये कसइले परमेश्वरको बचनमी बिश्वास अद्द बठेइ इन्कार अददाहान भण्या, तमरो व्यबहारले तिननलाइ केइ नभणिबर लगइ बिश्वास अद्द्या बनाउन्या छ। तिननले ख्रीष्टमी बिश्वास अद्द्या छन, जब तिननले तमरो सुद्द रे भक्ति ब्यबहार धेक्दाहान।

१ कोरिन्थी 8:12

रे जब और बिश्वासि भाइनलाइ था छ कि तसो अददु गलत हो, तर तमनले तिननलाइ तसो अददाइ प्रोत्साहित अरिबर तइका बिरोधमी पाप अरन्छौ भण्या, तमन ख्रीष्टका बिरोधमी पाप अरन्छौ।

२ कोरिन्थी 7:12

मइले यो गम्भीर चिठ्ठी अन्याय अद्द्या मान्सका लाग्दा लेख्या होइन, न त अन्यायमि पड्डया मान्सका लाग्दा हो, तर परमेश्वरका नजरमि हाम प्रति तमरो उत्साह कसो छ, त्यो तमनलाइ था होस भणबर मइले लेख्या हु

१ थेसलोनिकि 4:6

तसोइ अरिबर कसइले आफना बिश्वासीनका बिरुद्दमि पाप जन अरउ अथवा तइको फाइदा जनउठाउ। क्याकि प्रभु येशूले इसा सब काम अद्द्यालाइ दण्ड दिन्या हुन। हामले तमनलाइ यइ बारेमि पइल्ली गम्भीर चेतावनी दियाछौ।

मत्ती 18:14

यिसेरी स्वर्गमि हुन्या तमरा पिताको यो इच्छा छ कि यिन नानामि हइ एक जाना लगइ नष्ट जन हुन।”

मत्ती 18:21

तब येशूका वाँ आइबर पत्रुसले भण्यो, “प्रभु, मेरा बिश्वासि भाइले मेरा बिरुद्दमि अपराध अर्यो भण्या मइले तइलाइ कति बेर क्षमा अदद्या?” कि सात बेर सम्म?

तितस 3:10

यदि कोइ मान्सले बिश्वासिनमि फुट ल्याउन्छ भण्या उइसित कडा भइबर बोल रे इसो ब्यबहार जन अरइ भण। यदि उइले इसो अददु छाणेइन भण्या तइलाइ आजी चेतावनी दिय। तइ पछा आजी इसो अददु छाणेइन भण्या तु यिसा मान्स बठेइ टाडा बस्सु पणन्छ।