मत्ती 16:24 - डोटेली नयाँ करार

²⁴ तब येशूले आफना शिष्यालाइ भण्यो, “कोइ मेरा पछा आउन्या मन अरन्छ भण्या, उइले आफलाइ इन्कार अरउ रे आफ्नो क्रुस उठाइबर शिष्य हुनाइलाइ मेरा पछा लागउ।”

मत्ती 16:24 Referans Kwoze

मत्ती 10:38

जो दुःख सइबर शिष्य हुनाइलाइ मेरा पछा लाग्दइन, त्यो मेरा शिष्य हुना लायकको हुनइन।

लूका 14:27

जो मान्स आफ्नो दुःख सन रे मद्दाइलाइ तयार हुनइन, त्यो मेरा शिष्य हुना लायकको हुनइन।

मर्कुस 10:21

येशूले तइलाइ प्रेमले हेर्यो, रे तइलाइ भण्यो, “तुइले आजी एक कुरणी अददु पडद्या छ। जा, रे तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

२ तिमोथी 3:12

हरेक मान्स जो परमेश्वरलाइ खुशी बनाउन्या काम अद्द चाहान्छ रे जइले येशू ख्रीष्टमी बिश्वास अरन्छ तिनन सतावटमी पड्डया हुन।

मर्कुस 8:34

तब येशूले आफना शिष्याका संङइनि भिडलाइ आफना वाँ बोलाइबर तिननलाइ भण्यो, “कोइ मान्स मेरो शिष्य बन्ना चाहन्छ भण्या तइले आफ्नो सब इच्छा त्यागउ। रे आफ्नो क्रुस उठाइबर शिष्य हुनाइलाइ मेरा पछा लागउ।

प्रेरित 14:22

रे शिष्याले हरेक गाउँका मान्सनको मनलाइ बनाउनाइ बिश्वासमि रइरनु पणन्छ भणि साहास दियो, रे भौत दुख कष्ट सइबर हामले परमेश्वरको राज्यमि पस्सु पणन्छ भणबर सिकायो।

कलस्सी 1:24

क्याकि मइले तमनलाइ सुसमाचार प्रचार अर्या हुनाले म अइल तमरा निउति कष्ट भोग्दाछु, रे म आफनाइ इच्छाले ख्रीष्टको तर्फ बठेइ यिन कष्ट भोग्दाछु, ताकि मण्डलिलाइ सहयोग अद्द सकु, जो उनरो शरीर जसाइ हुन।

यूहन्नाले लेख्या सुसमाचार 19:17

तब रोमी सिपाइले येशूलाइ पकडयो। तिननले उनलाइ आफ्नो क्रुस उठाइबर यरुशलेम सहर बठेइ बाइर खप्परे भण्न्या ठाउँमि लैजानाइकिलाइ भण्यो, जइलाइ हिब्रु भासामि गलगथा भणिन्छ।

१ थेसलोनिकि 3:3

तबइकिलाइ यिन कष्टका लाग्दा कोइ जनडगमगाओस। तमन आफइलाइ था छ कि हामले यिसेरी कष्ट भोग्दया हु, क्याकि हामरि निउति यो परमेश्वरको इच्छा हो।

मत्ती 27:32

जाना जानाइ तिननले सिमोन नामको कुरेनि सहरको मान्स गाउँ बठेइ यरुशलेम सहरमि जान्नारया भेट्यो रे उइलाइ क्रुस उठाइबर तइ ठाउ सम्म लइजानाइ कर अर्यो।

मर्कुस 15:21

जब तिनन सहर बठेइ बाइर जन्नाथ्या, तब सिमोन नाउको एक मान्स गाउँ बठेइ यरुशलेम सहरमि आउन्नाथ्यो। सिमोन कुरेनि सहरको थ्यो, रे उ सिकिंदर रे रुफसको बा थ्यो। सिपाइले उइलाइ आदेस दियो कि क्रुस उठाइबर तइ ठाउ सम्म लइजाउ, जाँ उन येशूलाइ क्रुसमि मद्द्या हुन।

लूका 23:26

तिननले येशूलाइ ताँ बठेइ लैजान्ज्या, सिमोन नामको कुरेनि सहरको मान्स गाउँ बठेइ आया मान्सलाइ समायो, रे क्रुस बोकिबर उनरा पछा-पछा जान लायो।

यूहन्नाले लेख्या सुसमाचार 21:19

येशूले यो कुरणी यइ उइले भण्यो कि पत्रुस कसेरी मद्या छ रे परमेश्वरको महिमा अद्द्या छ। तइ पछा येशूले भण्यो, “शिष्य हुनाइलाइ मेरा पछा लाग।”

यूहन्नाले लेख्या सुसमाचार 21:22

येशूले भण्यो, “म नआउनज्या जिउना रहिरहुन भण्न्या इच्छा मइले अरेले लगइ तुलाइ क्याको चासो? मेरो शिष्य हुनाइ तु मेरा पछा लाग।”

१ पत्रुस 2:21

परमेश्वरले तमनलाइ बोलाया एक कारण यो हो कि तमनले उनरो निउति कष्ट भोग्दु पड्डया हो। ख्रीष्ट, जइले तमरि निउति कष्ट भोग्यो, उन तमरो उदाहरण छन। तबइकिलाइ तमनले उनले अर्या कामको अनुकरण अददु पणन्छ।