मत्ती 15:9 - डोटेली नयाँ करार

⁹ तिनन व्यर्थमि मेरो आराधना अद्दाहान, तर तिनरा शिक्षा मान्सले सिकाया बिधि मान्तर हुन।’”

मत्ती 15:9 Referans Kwoze

मर्कुस 7:7

इन ब्यर्थमि मेरो आराधना अद्दाहान, क्याकि यीन मान्सले बनाया नियम पालन अद्द सिकाउनाहान।

१ तिमोथी 1:4

तिनन अनुमानका कुरणी मान्तरइ बडाउन्या दन्त्य काहानि रे नसकिन्या पुर्खाको लामो सुचीमि समय बर्बाद अद्द बन्द अरुन, यिसा बादबिबादले कसइलाइ परमेश्वरको काम अददाइलाइ सहयोग अद्दइन। तसो काम परमेश्वरमि बिश्वास अद्याले मान्तर अद्द सकन्छ।

तितस 1:14

रे सत्यतालाइ इन्कार अद्द्या मान्सका आज्ञा रे यहुदि मान्सनका दन्त्य काहानिमि ध्यान जनलाउन।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

याकुब 2:20

तम मुर्ख मान्सन! तमरो असल काम बिनाको बिश्वास व्यर्थ हुन्छ भणि कि तम प्रमाण चाहन्छौ?

प्रकाश 22:18

म, यूहन्ना, प्रत्येक मान्सलाइ चेतावनी दिनउ जइले अइल हुन्नारया रे भविष्यमी हुन्या कुरणीको सन्देश सुणन्छ। यइ किताबमी लेखिया: यदि कसइले यइ सन्देशमि केइलगइ थप्यो भण्या, परमेश्वरले तमरो सजायमि थप्द्या हुन। मइले यइ किताबमी बर्णन अर्या बिपत्तिसित उइले तमलाइ सजाय दिन्या हो।

१ कोरिन्थी 15:2

परमेश्वरले तमरो तइ सुसमाचार बठेइ उद्दार अर्यो, रे यदि तमन मइले प्रचार अर्या सुसमाचारमि बिश्वास अरिराख्या भण्या परमेश्वरले तमनलाइ बचाउन्या हुन, नतित तमनले व्यर्थमि बिश्वास अर्या।

मत्ती 15:10

उनले जम्माइ मान्सनलाइ आफना वाँ बोलायो रे उनले तिननलाइ भण्यो, “तमन हरेकले मेरी कुरणी सुण रे बुज,