मत्ती 15:32 - डोटेली नयाँ करार

³² तब येशूले आफना शिष्यालाइ आफना वाँ बोलाइबर भण्यो, “यइ भीडकि म खाँति माण्नउ, क्याकि यिन मसित रया आज तीन दिन होइय्यो, रे आब यिनसित खानाइ केइ बचेइन। यिनमि हइ कोइ-कोइ दुर हइ आइरइछन यदि यिनलाइ केइ नख्वाइबर भोकाइ घर पठाया भण्या यिन बाटाइनि बिहोस होइजान्या हुन।”

मत्ती 15:32 Referans Kwoze

मत्ती 9:36

तर भिड धेकिबर उनरो मन तिनरा निउति दयाले भरियो। क्याकि तिनन ग्वालो नभया भेडा जसा हैरान रे साहारा नभया जसा थ्या।

प्रेरित 27:33

झिसमिस्या उजालो हुन्नाथ्यो, पावलले तिनन सबलाइ खानाइ खान्या बिन्ति अर्यो। रे तिननलाइ भण्यो, “आज चौद्द दिन भइय्या, तमन चिन्ता अद्दा-अद्दाइ भोक्भोकाइ केइ नखाइबर बसिरइछौ।

हिब्रु 4:15

क्याकि हामरा यहुदि प्रधान पुजारिले पक्‍कालगइ हामरो कमजोरीमी हामसित सहानुभुति धेकाउनाहान। रे हाम जसाइ येशू सब कुरणीमि परिक्षित भया, तर उनले केइ पाप अरेइन।

लूका 7:13

जब प्रभुले तइलाइ धेक्यो, तब उनले दयाले भारिबर भण्यो, “जनरोइ।”

मर्कुस 9:22

येइ केटालाइ भौत बेर माद्दाइ भूतले कभइ आगाइनी, कभइ पानीनि फाल्दिन्छ, यदि तम केइ अद्द सकन्छौ भण्या दया अरिबर हामलाइ सहयोग अर।

मत्ती 27:63

तिननले भण्यो, “हजुर, हामलाइ याद छ त्यो ठग जिउनोइ छ, उनले भण्याथ्यो, तीन दिन पछा म आजी जीउनो हुन्या हु।”

मत्ती 20:34

येशूले दया माणिबर तिनरा आँखा छोइदियो रे उतन्जेइ बठेइ तिनन धेक्द सक्द्या भया रे तिनन उनरा पछा लाग्या।

मत्ती 12:40

क्याकि जसेरि योना ठुलो माछाका पेट भित्तर तीन दिन तीन रात थ्या, उसेरी म, मान्सको चेलो लगइ येइ पृथ्बीका भितर तीन दिन तीन रात रन्या हु।

मत्ती 14:13

जब येशूले यो सुण्यो, उन नामि चढबर एक अलगै एकान्त ठाउँमि गया। यो सुणिबर भिडले गाउँ बठेइ हिटिबर उनलाइ पछ्यायो।

मत्ती 15:33

शिष्याले उनलाइ भण्यो, “यिति ठुलो भिडलाइ यइ एकान्त ठाउँमि ख्वाउनाइ पुग्द्या खानाइ काँ बठेइ पाउनाउ?”