मत्ती 12:41 - डोटेली नयाँ करार

⁴¹ न्यायका दिनमि निनवे देशका मान्सन येइ पुस्ताका मान्सनसित खडा हुन्या हुन रे यिनलाइ दोषि ठहराउन्या हुन। क्याकि तिननले योनाका प्रचार बठेइ पाप अद्द छाडिबर परमेश्वरतिर फर्क्या, तर हेर, योना भण्ना लगइ और महान कोइ याँ छ। तर तमनले पाप अद्द छाडिबर परमेश्वरतिर फर्किनाइ इन्कार अर्या।

मत्ती 12:41 Referans Kwoze

मत्ती 12:42

न्यायका दिनमि दक्षिणकि महारानी यइ पुस्ताका मान्सनसित खडा हुनेइहुन रे यिनलाइ दोषि ठहर्याउन्या हुन। क्याकि तिन पृथ्बीका पल्ला किनार बठेइ सोलोमनको बुद्दिकि कुरणी सुण्नाइ आइन। तर हेर सोलोमन भण्ना लगइ महान कोइ याँ छ, तर तम पाप अद्द छाडिबर परमेश्वरतिर फर्किनाइ इन्कार अर्या।”

हिब्रु 11:7

बिश्वास बठेइ नोआ नाउ भया मान्सले कभइ नधेक्या बाढीका बारेमि परमेश्वर बठेइ चेताउनी पाया पछा उनरो आज्ञापालन अरिबर आफ्नो परिवारलाइ बचाउनाइ एक ठुलो जहाज बनायो। रे नोआको बिश्वास भणना पइल्ली, और बिश्वास नअद्द्या मान्सन दोषि ठहरिया, रे बिश्वास बठेइ परमेश्वरले नोआलाइ धर्मि घोषणा अर्यो।

रोमी 2:27

रे सरीरमि खतना नहोइबर लगइ कानुन पालना अद्द्याले तमनलाइ दोषि बनाउन्या हो। क्याकि तमनसित मोशाको कानुन छ रे तमरो खतना लगइ भया छ, तर तमन कानुनको पालना अददानु।

यूहन्नाले लेख्या सुसमाचार 3:31

“मल्तिर बठेइ आउन्या सब भण्ना उच्च छन। धर्ति बठेइ हुन्या धर्तिको हो, रे धर्तीकि कुरणी अरन्छ। स्वर्ग बठेइ आउन्या सब भण्ना उच्च छन।

मत्ती 12:6

तर तमनलाइ भण्नउ मन्दिर भण्नालै ठुलो याँ को छ।

यूहन्नाले लेख्या सुसमाचार 4:12

क्या तम हामरा पुर्खा याकुब भण्ना ठुला हउ? उनुइले हामलाइ यो इनार बनाइ दिया हो, उन आफइ, उनरा सन्तान रे उनरा गोरु बाकराले यइ इनारको पानी खाया हो।”

लूका 11:32

निनवे देशका मान्सले न्यायमि यइ पुस्तासित खडा होइबर यइलाइ दोषि माण्न्याहुन, क्याकि तिननले योनाका प्रचारमि पश्चात्ताप अरिराइथ्यो, तर हेर, योना भण्नालगइ और महान कोइ याँ छ।

मत्ती 23:36

साँच्चि म तमलाइ भण्नउ, यिन सब हत्याको दण्ड इसइ पुस्तामी आइ पड्डे हो।”

मत्ती 17:17

तब येशूले भण्यो, “हे बिश्वासहिन मान्सन! म कब सम्म तमसित रउलो? रे म कब सम्म तमरो बिश्वास किलाइ रोकुँ? तइ केटालाइ मेरा वाँ ल्यास।”

मत्ती 16:4

दुष्ट रे व्यभिचारि पुस्ताले चिन्ह खोजन्छ, तर येइ पुस्तालाइ योना अगमबक्तालाइ भया चमत्कारी चिन्ह बाहेक और चिन्ह दिइन्या आथिन।” तइ पछा तिननलाइ छाडिबर उन गया।

मत्ती 12:45

तब त्यो भूत जान्छ, रे आफ भण्ना बड्ता दुष्ट और सात भूतलाइ आफसित ल्याउछ, रे तिनन मान्सनका भित्तर पसिबर बसाहान, छाड्डीबार तइ मान्सनको हालत पइल्लिको भण्ना झिक खराब हुन्छ। येइ दुष्ट मान्सनका पुस्तालाइ लगइ इसोइ हुन्या हो।”

मत्ती 12:39

तर येशूले तिननलाइ जबाफ दियो, “दुष्ट रे व्यभिचारि पुस्ताले चमत्कारको चिन्ह खोजन्छ। तर येइ पुस्तालाइ योना अगमबक्तालाइ भया चिन्ह बाहेक और चिन्ह दिइन्या आथिन।