मत्ती 12:24 - डोटेली नयाँ करार

²⁴ तर इसो सुणिबर फरिसि मान्सनको समुहले भाण्यो, “येइ मान्सले भूतका मालिक सैतान बठेइ मान्तर भूत धपाउछ।”

मत्ती 12:24 Referans Kwoze

मर्कुस 3:22

केइ मान्स जो मोशाको कानुन सिकाउन्यावाला थ्या, तिनन यरुशलेम सहर बठेइ आयाथ्या। तिननले इसो भण्यो, “उइमि सैतान छ, उइले भूतका मालिक सैतानका सहयोगले भूतलाइ निकालन्छ।”

मत्ती 9:34

तर फरिसि मान्सन भण्न पस्या, “भूतका मालिकले उइलाइ सक्ति दिन्छ रे उइले भूत निकालन्छ।”

लूका 11:15

तर तिननमि हइ कसइ-कसइले भण्यो, येइ मान्सले भूतका मालिक सैतान बठेइ मान्तर भूत धपाउछ।

मत्ती 9:32

जब उन दुइ अन्धा मान्सन तइ घर बठेइ निकलिबर बाइर जान्नाथ्या, तब केइ मान्सनले एक भूत लागीबर बोल्ल नसक्द्या मान्सलाइ येशूका वाँ लेया।

मत्ती 10:25

शिष्या आफना गुरु जसो रे नौकर आफना मालिक जसो हुनु भौत छ। यदि तिननले आफना मालिकसित ननिको ब्यबहार अद्दान रे उइलाइ सैतान भण्नाहान भण्या, तिननले उइका नौकरसित झिक कति बड्ता ननिको ब्यबहार अद्दान।

लूका 11:14

उन एक भूत निकाल्लाथ्या, जो लाटो थ्यो। भूत निकल्या पछा त्यो लाटो मान्स बोल्ल पस्यो, रे मान्स सब अचम्म पड्या।