मत्ती 10:2 - डोटेली नयाँ करार

² येशूले बार छान्या शिष्याका नाउँ यिनइ हुन, पइलो पत्रुस भणिन्या सिमोन रे तइको भाइ अन्द्रियास, जब्दियाका चेला याकुब रे तइको भाइ यूहन्ना,

मत्ती 10:2 Referans Kwoze

प्रेरित 1:13

यरुशलेम सहरमि पुग्या पछा तिनन आफ बस्या घरको मल्लो तल्लाका एक कोठामी उकल्या। तिनन पत्रुस, यूहन्ना, याकुब, अन्द्रियास, फिलिप, रे थोमा, बारथोलोमाइ रे मत्ती, अल्फयसको चेलो याकुब रे उग्रपन्थी दलको सिमोन रे याकुबको चेलो यहूदा थ्या।

मत्ती 4:21

येशू किनारइ किनार बठेइ जान्ज्या अर्खा दुइ भाइ, जब्दियाका चेला याकुब रे तइको भाइ यूहन्नालाइ धेक्यो। तिनन आफना बा जब्दियाससित नामि बसिबर माछा माद्दाइलाइ आफ्ना जाल सिलाउनाथ्या। रे उनले तिननलाइ बोलायो।

यूहन्नाले लेख्या सुसमाचार 12:22

फिलिपले गइबर अन्द्रियासलाइ भण्यो, रे अन्द्रियास रे फिलिप दुएइ गइबर येशूलाइ भण्यो।

यूहन्नाले लेख्या सुसमाचार 6:8

उनरा शिष्या मध्ये एक जना सिमोन पत्रुसका दाइ अन्द्रियासले उनलाइ भण्यो।

लूका 5:10

तसोइ अरिबर तइका साथी, याकुब रे यूहन्ना जो जब्दियाका चेला थ्या, तिनन लगइ अचम्म पड्या। तब येशूले सिमोनलाइ भण्यो, “जन डराइ, आब बठेइ तु माछा होइन तर मान्सनलाइ पकडीबर मेरो शिष्या हुनाइलाइ जम्मा अद्दया हइ।”

मत्ती 4:18

जब एक दिन येशू गालील समुद्रका किनारइ किनार जानाथ्या, उनले दुइ भाइन पत्रुस भण्न्या सिमोन रे तइको भाइ अन्द्रियासलाइ समुद्रमी जाल हाण्नार्या धेक्यो, क्याकि तिनन माछा माद्या काम अरन्थ्या।

लूका 11:49

तबइकिलाइ परमेश्वरको बुद्दिले लगइ भणन्छ, म तमन वाँ अगमबक्ता रे छान्या शिष्य पठाउन्या हु। उननमि हइ कसइलाइ तिनन माद्दया हुन रे कसइलाइ सताउन्याहुन।

प्रकाश 1:9

म यूहन्ना, तमरो साथी बिश्वासि, हाम सब येशू ख्रीष्टको राज्यका भाग हौ, रे हाम सबइ दुःख कष्ट भोग्दाउ रे येशूका लाग्दा धीरजी भइबर सनु पणन्छ। परमेश्वरको बचन रे येशू ख्रीष्टको गवाहिका खातिर म पत्मोस भण्न्या टापुमि थ्या।

२ यूहन्ना 1:1

म, यूहन्ना मण्डलिको अगुवा यो चिठ्ठी परमेश्वरले चुनेकि महिला रे तिनरा चेला चेलीलाइ लेख्दाछु, जइलाइ म साच्ची प्रेम अददु रे म मान्तर होइन सत्यलाइ चिन्या सबले प्रेम अददाहान।

२ पत्रुस 1:1

म, सिमोन पत्रुस तमनलाइ लेख्दाछु, म येशू ख्रीष्टको सेवक रे छान्या शिष्य हु। म तमन सबलाइ लेख्दाछु, जइले हाम सबइको समान अनमोल बिश्वास पाया छन, यो बिश्वास हामरा परमेश्वर रे मुक्तिदाता येशू ख्रीष्ट बठेइ हामलाइ दिइया हो, जइले हामलाइ परमेश्वरका नजरमि जी ठीक छ त्यो बनाउनाहान।

१ पत्रुस 1:1

यो चिठ्ठी येशू ख्रीष्टको छान्या शिष्य पत्रुस बठेइ हो। यो चिठ्ठी परमेश्वरका चुनिया मान्सनकि निउति लेखिया हो, जो परदेशी जसाइ भइबर पोन्टस, गलातिया, कापाडोकिया, एसिया रे बिथिनिया प्रदेशका बिभिन्न सहरमि बस्साहान।

हिब्रु 3:1

तबइकिलाइ परमेश्वरले स्वर्गमि उनसित सहभागी हुनाइलाइ बोलाया बिश्वासि भाइन हो, येशूमि मन ला, जो हामरा निउति परमेश्वरका राजदुत रे यहुदि प्रधान पुजारि छन।

एफिसी 4:11

ख्रीष्टइले मण्डलिलाइ यिन जिम्मेवारी दियो: उनले कसइलाइ छान्या शिष्य, कसइलाइ अगमबक्ता, कसइलाइ प्रचारक, कसइलाइ मण्डलिका पास्टर रे कसइलाइ शिक्षक हुनाइ चुन्यो।

१ कोरिन्थी 15:7

तइ पछा याकुब रे सब छान्या शिष्याका वाँ धेकिया।

प्रेरित 12:2

उइले येशूका शिष्य यूहन्नाको दाइ याकुबलाइ तरबारले मार्यो।

प्रेरित 3:1

पत्रुस रे यूहन्ना दिनको तीन बजे प्रार्थना अद्दाइ मन्दिरमि जान्नाथ्या।

प्रेरित 1:26

पइ तिननले तिन दुइका बिचमि चिट्ठा हाल्यो, रे चिट्ठा मत्तीयासको नाउँमि पड्यो, रे छान्या शिष्या एघार शिष्यामि त्यो गणियो।

यूहन्नाले लेख्या सुसमाचार 21:24

यिन कुरणीको बिसयमि गवाही दिन्या शिष्य यिन हुन रे यि कुरणी लेख्यो, रे हाम जाण्नाउ यिनरो गवाही सत्य छ।

यूहन्नाले लेख्या सुसमाचार 21:20

पत्रुसले पछाडी फर्किबर हेर्नज्या एक जानो शिष्यालाइ पछाडी-पछाडी आउन्नार्या धेक्यो, जइलाइ येशूले प्रेम अरन्थ्या। यिनइले बसाइतकको खाना खान्या बेला येशूका छातिमि लधरिबर सोद्याथ्यो, “प्रभु, तमलाइ पकडाइ दिन्या को हो?”

यूहन्नाले लेख्या सुसमाचार 21:2

ताँ सिमोन पत्रुस जइलाइ दिदुमस भणिन्या थोमा गालील जिल्लाको काना गाउँका नथानेल जब्दियाका शिष्या रे उनरा शिष्यामि हइ और दुइ जनासितथ्या।

यूहन्नाले लेख्या सुसमाचार 20:2

तबइकिलाइ उन सिमोन पत्रुस रे येशूलाइ प्रेम अद्द्या अर्खो शिष्याका वाँ दौडिबर गइन, रे तिननलाइ भणिन कि, “प्रभु येशूको लासलाइ त लैजाइ सक्या रैछ उनलाइ काँ ब लैया। उनलाइ काँ लैया हामलाइ था आथिन।”

यूहन्नाले लेख्या सुसमाचार 13:23

आब उनरा शिष्यामि हइ एक जानो युहुन्ना नाउँ भया शिष्य जइलाइ येशूले प्रेम अरन्थ्या उ उनरा छातिमि लधरिबर बसिरैथ्यो।

लूका 22:14

जब बेला भयो, तब उन छान्या शिष्यासित खानाइ खान बस्या।

लूका 22:8

उनले पत्रुस रे यूहन्नालाइ यिसो भणबर पठायो, “गइबर हामरा निउति निस्तार काजबारको खानाइ तयार अर।”

लूका 9:10

तइ पछा येशूका छान्या शिष्या फर्किबर तिननले अर्या सब काम येशूलाइ बयान अर्यो। उनले तिननलाइ सँङैनि लैजाइ बेथसेदा गाउँ बठेइ अलगै गया।

मर्कुस 13:3

पइ येशूले मन्दिर छाडिबर जैतुन डाङामि गया रे समतल ठाउँमि मन्दिरका अगाडी बस्या। पत्रुस, याकुब, यूहन्ना रे अन्द्रियास येशूसित एकलाइ थ्या, रे तिननले येशूलाइ सोध्यो,

मर्कुस 1:29

तइ पछा येशू रे उनरा शिष्या यहुदि सभाघर बठेइ निकलिबर सिमोन रे अन्द्रियासका घर गया। याकुब रे यूहन्ना लगइ तिननसित गया।

मत्ती 26:37

येशूले पत्रुस, रे जब्दियाका दुइ चेला यूहन्ना रे याकुबलाइ आफसित बगैचाको पलतिर लइय्या रे येशू भौत ब्याकुल रे बिचैन हुन पस्या।

मत्ती 20:20

तब जब्दियाका चेलाकि इजाले आफना चेलालाइ सँङैनि लैजाइबर उनरा साम्नेइ घुडा टेकिबर बिन्ति अरि।

मत्ती 17:1

पइ छ दिन पछा येशूले पत्रुस, याकुब रे यूहन्नालाइ एक उच्चा पहाड तिर एकान्तमी लइयइबर गया,

प्रकाश 22:8

म यूहन्ना हु। जइले यिन कुरणी सुण्या रे धेक्या जबइ मइले यिन कुरणी सुण्या रे धेक्या, तब मइले स्वर्गदुतको आराधना अददाइ उनरा चरणमी घोप्टिया, जइले मलाइ तिन कुरणी धेकाउन्नाथ्या।

प्रकाश 1:1

परमेश्वरले येशू ख्रीष्टलाइ तिन गोप्य कुरणी धेकायो जो छिट्टाइ हुन्या हुन, ताकि उनले आफना सेवकनलाइ यिन कुरणी प्रकट अद्द सकुन। तइ पछा येशूले आफ्नो सेवक यूहन्नालाइ यिन कुरणी धेकाउनाइ आफना दुत पठायो।

३ यूहन्ना 1:1

म, मण्डलिको अगुवा यूहन्ना यो चिठ्ठी मेरा प्रिय मित्र गायसलाइ लेख्दाछु जइलाइ म साँचो प्रेम अद्दउ।

प्रकाश 18:20

तमन जो स्वर्गमि बसन्छौ, तइका इन्साफमि रमा! हे परमेश्वरका पबित्र मान्सन, छान्या शिष्या रे अगमबक्तान, तमनमि अर्या अन्यायका निउति परमेश्वरले बेबिलोनलाइ उइले अर्या सब कुरणीकी निउति दोषि ठहराया छ।”

मर्कुस 6:30

जब पठाइएका बार जाना येशूका छान्या शिष्या येशूका वाँ फिर्ता भइबर जमघट भया, रे तिनले जी-जी अरिराइथ्यो, रे सिकाइराइथ्यो, तिन सब उनलाइ बयान अर्यो।

यूहन्नाले लेख्या सुसमाचार 6:67

तब येशूले तिन बार शिष्यालाइ भण्यो, “कि तमन मलाइ छाडबर जान चाहन्छौ?”

यूहन्नाले लेख्या सुसमाचार 6:70

येशूले तिननलाइ भण्यो, “कि तमन बार जनालाइ मइले चुनेइन ब? तर तमनमि हइ एक जाना सैतानको कब्जामी छ।”

यूहन्नाले लेख्या सुसमाचार 6:71

उनले सिमोनको चेलो यहूदा इस्करियोतका बारेमि भण्या हो क्याकि उ बार जानामि हइ एक जना होइबर लगइ येशूलाइ धोका दिन्या उइ थ्यो।