लूका 9:19 - डोटेली नयाँ करार

¹⁹ तिननले उनलाइ भण्यो, “कोइ मान्सन भण्नाहान तम बप्तिस्मा दिन्या यूहन्ना हउ। कसइले भण्नाहान तम एलिया अगमबक्ता हौ, रे कसइले भण्नाहान, पइल्लिका अगमबक्तामी हइ एक जाना आजी उठिरइछन।”

डोटेलि

¹⁹ तिनुनले भुन्‍यो, “कसइले बप्‍तिस्‍मा दिन्‍या युहन्‍ना हो भन्‍नाहान् रे कसइले एलिया हो भन्‍नाहान् कसइले पइलिका अगमबक्‍तानमध्‍ये एक जनो जिउनो भइ उठ्‌या हुन् भन्‍नाहान्।”

लूका 9:19 Referans Kwoze

यूहन्नाले लेख्या सुसमाचार 1:21

तब तिननले उइलाइ सोध्यो, “तसो भया तु को हइ? कि तु एलिया अगमबक्ता हइ?” उइले भण्यो, “म होइन” उनले आजी सोध्यो, “कि तु त्यो अगमबक्ता हइ?” उइले जबाफ दियो, “होइन।”

मर्कुस 6:15

और मान्सनले भण्यो, “यिन एलिया अगमबक्ता हुन”, रे और मान्सले भण्यो, “यिन और अगमबक्तान जसाइ एक हुन जो भौत समय पइल्ली थ्या।”

मत्ती 14:2

तइले आफना सल्लाकारलाइ भण्यो, उन बप्तिस्मा दिन्या यूहन्ना हुन। उन मर्या बठेइ जिउना होइरइछन। तसो भया हुनाले उनसित यिन अचम्मका काम अद्द्या सक्ति छ।

यूहन्नाले लेख्या सुसमाचार 9:17

तिननले तइ अन्धालाइ आजी सोध्यो, “उइले तुलाइ धेक्द्या बनाया हुनाले तु उइका बारेमि कि भणन्छइ?” तइले भण्यो, “उन अगमबक्ता हुन।”

यूहन्नाले लेख्या सुसमाचार 7:40

यिन कुरणी सुण्न्या कसइ कसइ मान्सले भण्यो, “यिन त साँच्चि अगमबक्ता रइछन, जइलाइ हाम पखिरइथ्या।”

यूहन्नाले लेख्या सुसमाचार 1:25

पइ तिननले उइलाइ सोध्यो “तु ख्रीष्ट लगइ हइनि, एलिया अगमबक्ता लगइ हइनि, त्यो अगमबक्ता लगइ हइनि भण्या, क्याइ बप्तिस्मा दिन्छइ?”

मत्ती 3:1

तसइ बेला बप्तिस्मा-दिन्या यूहन्ना यहुदिया जिल्लाको एक उजाड ठाउँमि बसनथ्या, रे यिसो भण्नाइ प्रचार अरन्थ्या,

मर्कुस 6:14

राजा हेरोदले येशूले अर्या कामको चर्चा सुण्यो, क्याकि भौत मान्स येशूका कामका बारेमि जण्न्थ्या रे और मान्स उनरो कामको चर्चा अद्दाथ्या। कोइ मान्सनले भण्नाथ्या, “यो बप्तिस्मा-दिन्या यूहन्ना हुनु पणन्छ जो मर्या बठेइ जिउना होइरइछन, तबइकिलाइ त यिनले यिसा अचम्मका काम अद्दा छन।”

लूका 9:18

एक बेर येशू एकलाइ प्रार्थना अद्दाथ्या, शिष्या लगइ उनसित थ्या, रे उनले तिननलाइ सोध्यो, “मान्सले मलाइ को हो भण्नाहान?”

लूका 9:20

येशूले तिननलाइ सोध्यो, “तर तमन कि भणन्छौ, म को हु?” पत्रुसले उत्तर दिइबर भण्यो, “परमेश्वरका ख्रीष्ट!”