लूका 7:9 - डोटेली नयाँ करार

⁹ यो कुरणी सुणिबर येशूले तइसित अचम्म माण्यो, रे फर्किबर आफना पछा आउन्या भिडलाइ भण्यो, “म तमनलाइ भण्नउ, मइले इस्राएल देशमि लगइ यिसो बिश्वास धेकया आथिन।”

डोटेलि

⁹ यो कुरडि सुनिबर इसु अचम्‍ममि पण्‍या रे आफना पाछालाग्‍द्‌या मान्‍सका भिडतिर हेरिबर उनुले भुन्‍यो, “मु तमुखि भन्‍नउ, इति ठुलो बिस्‍वास त मुइले इज्राएलिनमि लइ धेकेइन्।”

लूका 7:9 Referans Kwoze

मत्ती 15:28

तब येशूले तइलाइ जबाफ दियो, “ए नारी, तेरो बिश्वास ठुलो रइछ। तुइले मन अर्या जसो तुलाइ होइजाउ।” तइकि चेली तसइ बेला निकी होइगइ।

मत्ती 8:10

येशूले तइकि कुरणी सुणिबर अचम्म माण्यो, रे उनरा पछा आउन्यालाइ भण्यो, “साँच्चि, म तमनलाइ भण्नउ, मइले पुराइ इस्राएल देशमि इसो एक मान्स लगइ भेटेइन कि यो गैर-यहुदि जइले ममि इति ठुलो बिश्वास अरन्छ।

मत्ती 9:33

जब येशूले उइ मान्स बठेइ भूत निकाल्यो, रे लाटो बोल्ल पस्यो। भिडले यो धेक्यो रे अचम्म माणिबर इसो भण्यो, “इस्राएल देशमि यिसो कभइ धेक्या थेइन।”

लूका 7:8

क्याकि म लगइ अधिकारीका अधिनमी छु, मेरा अधिनमी सिपाइ छन। म एकलाइ जा भण्नउ, त्यो जान्छ, रे अर्खालाइ आ भण्नउ, त्यो आउन्छ। मेरा नौकरलाइ यो अर भण्नउ, तइले त्यो अरन्छ।”

लूका 7:10

जब पठाया साथिन घर फर्किबर गया, तिननले तइ नौकरलाइ निको भया पायो।

लूका 7:50

उनले तइ आइमाइलाइ भण्यो, “परमेश्वरले तुलाइ बचाया छ क्याकि तुइले ममि बिश्वास अरि, सान्ति सित जा।”