लूका 6:37 - डोटेली नयाँ करार

³⁷ “औरको न्याय जन अर रे तमरो लगइ न्याय अरिन्या आथिन। औरलाइ दोषि जन माण, रे तमन लगइ दोषि माणिन्या होनु। क्षमा अर, रे तमलाइ लगइ क्षमा अरिन्या हो।

डोटेलि

³⁷ “अउरको गल्‍ति जनखोजउ रे परमेस्‍वरले तमरो गल्‍तिलइ खोज्‍या आथिनन्। अउरलाइ दोस जनलगा रे परमेस्‍वरले लइ तमुलाइ दोस लाउन्‍या आथिनन्। अउरलाइ छिमा दिय रे परमेस्‍वरले लइ तमुलाइ छिमा दिन्‍याछन्।

लूका 6:37 Referans Kwoze

एफिसी 4:32

जसेरि परमेश्वरले ख्रीष्टमी तमनलाइ क्षमा अर्यो, तसेरि एकले अर्खालाइ क्षमा अरिबर तमन एक अर्खा प्रति कोमल मनका रे दयालु होउ।

याकुब 5:9

बिश्वासि भाइन हो, एक-अर्खाको बिरोधमी गनगन जन अर, नतित तमन दोषि ठहरिन्या हो। हेर, प्रभु आउनाइलाइ तयार छन रे सबको न्याय अद्द्या हुन।

मर्कुस 11:25

रे इसेरि जब तमन प्रार्थना अरन्छौ, तब कसइका बिरुद्द तमरा मनमि केइ छ भण्या क्षमा अर, ताकि स्वर्गमि हुन्या तमरा पिताले लगइ तमरा पाप क्षमा अरि दिन्या हुन।

कलस्सी 3:13

एकले-अर्खालाइ सहन्या अर, कसइ मान्सका बिरुद्दमि केइ दोषको कारण छ भण्या एक-अर्खालाइ क्षमा अद्द्या अर। जसेरि प्रभुले तमनलाइ क्षमा अर्याछ, तसेरि तमनले लगइ क्षमा अददु पणन्छ।

मत्ती 5:7

धन्य हुन जो दयालु छन, क्याकि परमेश्वर तिनरि निउति दयालु हुन्या हुन।

मत्ती 18:30

तर तइले माणेइन, रे गइबर ऋण नतिरन्ज्या सम्म उइलाइ झेल हाल्दियो।

लूका 6:36

तमरा स्वर्गमि हुन्या पिता कृपालु भया जसेरि तमन लगइ कृपालु होउ।”

लूका 23:16

तबइकिलाइ म यिनलाइ कोर्रा लाइबर छाडिदिनउ।”

प्रेरित 3:13

हामरा पुर्खा अब्राहाम, इसहाक रे याकुबका परमेश्वरले आफना सेवक येशूलाइ मर्या बठेइ जिउना बनाइबर भौत आदर दियो, तर तमनले उइलाइ माद्दाइ यहुदि अगुवानका हातमि सुम्पिदिया, रे पिलातस हाकिमले उनलाइ छाड्दिन्या बिचार अर्या लगइ तमनले उनलाइ जन छाड भण्या।

याकुब 2:13

क्याकि जइ मान्सले औरलाइ दया धेकाया आथिन, उइलाइ लगइ दया धेकाइन्या आथिन तर यदि तमनले दया धेकाया भण्या, जब परमेश्वरले न्याय अद्द्या हुन उनले लगइ तमनलाइ दया धेकाउन्या हुन।