लूका 4:41 - डोटेली नयाँ करार

⁴¹ भौत मान्सन बठेइ भूत लगइ कला हाल्लाइ रे इसो भण्नाइ निकल्या, “तम परमेश्वरको चेलो हौ।” तर उनले तिनलाइ हकारिबर बोल्लइ दिएइन, क्याकि भूतले उन येशू ख्रीष्ट हुन भणि चिन्याथ्यो।

डोटेलि

⁴¹ भउत मान्‍सबटहइ भुत डाको छाणिबर यसो भनिबर निकल्‍यो, “तम परमेस्‍वरका चेला हउ” रे इसुले तइ भुतलाइ हाकारिबर बोल्‍ल दिएन क्‍यालाइकि उन मुक्‍तिदिन्‍या राजा ख्रिस्‍ट हुन् भनिबर तिनुन चिनन्‍थ्‍या।

लूका 4:41 Referans Kwoze

मर्कुस 1:34

भौत मान्स जो भौत किसम्का रोगले सिकिस्त थ्या, येशूले सबलाइ तिनरा बिमार बठेइ निको अर्यो रे भूतलाइ निकाल्यो, उनले भूतलाइ बोल्लु दिएइन क्याकि भूतलाइ थाथ्यो कि उन येशू खिष्ट हुन।

याकुब 2:19

तमन बिश्वास अरन्छौ कि परमेश्वर एकै छन। त्यो असल हो। भूतले लगइ बिश्वास अरन्छ रे त्यो थरथर कामन्छ।

यूहन्नाले लेख्या सुसमाचार 20:31

तर इसो लेखिया छ, कि येशूइ परमेश्वरको चेलो ख्रीष्ट हुन भणबर तमन उनमी बिश्वास अद्द सक रे बिश्वास अरिबर उनरा नाउँमि अनन्त जीवन पाओस।

मर्कुस 3:11

जब भूत लाग्या मान्सले येशूलाइ धेकन्थ्या, तब उनलाइ आदर अर्या धेकाउनाइलाइ उनरा अगाडी घोप्टो पण्नथ्या। यिसो भण्नाइ कला हालन्थ्या, “तम परमेश्वरका चेला हौ।”

मत्ती 4:3

तसइ बेला सैतानले येशूका वाँ आइबर भण्यो, “यदि तम परमेश्वरका चेला हौ भण्या, यिन ढुङालाइ रोटा होइजाउन भणि आज्ञा अरिबर साबित अर ताकि तम तिन रोटा खान सक।”

मत्ती 26:63

तर येशू चुप्प रया। यहुदि प्रधान पुजारिले उनलाइ भण्यो, “जिउना परमेश्वरको कसम खाइबर भण्नउ, हामलाइ भण, कि तु परमेश्वरको चेलो ख्रीष्ट हइ?”

मत्ती 8:29

तिनन यिसो भण्नाइ कला हालिबर बोल्या, “हे येशू, महान परमेश्वरको चेलो, तम मेरो काममी क्याकि समस्या अददाछौ? परमेश्वरको नाउँमि मसित बाचा अर कि तम हामलाइ दु:ख दिन्या आथिन!”

मर्कुस 1:25

येशूले भूतलाइ यिसो भणि हकाद्द पस्या, “चुप लाग, रे तइ बठेइ निकलिबर जा!”

मत्ती 8:4

तब येशूले तइलाइ भण्यो, “हेर तुइले यो कसइलाइ जन भणेइ। जा, रे आफलाइ यहुदि पुजारिका वाँ धेका, रे मोशाले आज्ञा अर्या भेटी चढा, रे सब मान्सनले था पाउन्या हुन कि तु निको भइरइछ।”

मत्ती 8:16

बसाइतक, तिनले भौत मान्सन जो बिमारी रे जइलाइ भूत लाग्याथ्यो। तिन मान्सनलाइ लेइबर उनरा वाँ आया। रे उनले बचन बठेइ भूत निकाल्यो, रे जति लगइ बिमारी थ्या, सबलाइ निका बनायो।

मर्कुस 1:32

बसाइतक, बिश्रामको दिन बित्या पछा भौत मान्सन जो बिमारी रे जइलाइ भूत लाग्याथ्यो। तिनन मान्सनलाइ लेइबर उनरा वाँ आया।

लूका 4:39

उइका नजिकै गइबर उनले जरलाइ हकार्यो, रे जरले उइलाइ छाड्यो, उतनजेइ उठीबर उइले तिननलाइ खानाइ दियो।