लूका 4:15 - डोटेली नयाँ करार

¹⁵ येशूले यहुदि सभाघरमी सिकाउन लाग्या, रे सबले उनरो प्रसंसा अर्यो।

डोटेलि

¹⁵ उनुले सभाघरमि सिछ्‍या दियो रे सप्‍पइले उनरो बडाइ अर्‍यो।

लूका 4:15 Referans Kwoze

मत्ती 4:23

तइ पछा येशू तिनरा यहुदि सभाघरमी सिकाउनाइ, परमेश्वरको राज्यको सुसमाचार सुणाउनाइ, रे मान्सनमि लाग्या सब किसिमका रोग रे दुर्बलता निका बनाउनाइ सारा गालील जिल्ला भरि घुम्या।

मत्ती 9:8

जब भिडले यो धेक्यो, तब तिनन डराया, रे मान्सनलाइ यिसो सक्ति दिन्या परमेश्वरको महिमा अर्यो।

लूका 13:10

बिश्राम दिनमि येशूले कसइ एक यहुदि सभाघरमी शिक्षा दिन्नाथ्या।

मर्कुस 1:45

तर कोडी मान्स तइ ठाउँ बठेइ गयो, रे येशूले निको अरेइ कुरणी सब मान्सलाइ भण्यो। इसो भया हुनाले येशू खुला रुपले मान्सका बिचमि जान पाएइन, रे गाउँका बाइर एकान्त ठाउँमि रया। पइलगइ मान्स सब जगा हइ उनरा वाँ आया।

मर्कुस 1:39

तबइकिलाइ येशू रे उनका शिष्या गालील जिल्लाका भौत सहर रे गाउँमी गया, ताँ उनले यहुदि सभाघरमी प्रचार अद्दाइ रया रे मान्सन बठेइ भूत निकाल्लाइ रया।

मर्कुस 1:27

यहुदि सभाघरमी भया सब मान्सले भौत अचम्म माण्यो। रे तिन एक अर्खालाइ सोद्द लाग्या, “यो एक नयाँ प्रकारको ज्ञानकि कुरणी रइछ। क्याकि येशू उनसित एक इसो शिक्षककि जसेरी कुरणी अरन्थ्या जइसित अधिकार छ, रे याँ सम्मकि येशूले भूतलाइ आज्ञा दिनाहान रे भूतले उनरो आज्ञा माणनाहान।”

मत्ती 13:54

पइ आफना सहरमि आया पछा उनले तिननलाइ तिनरा यहुदि सभाघरमी जाइबर सिकाउन पस्या, याँ सम्मकि तिनन सब छक्‍क पण्या रे इसो भण्न लाग्या “यइ मान्सले यिन सब ज्ञान काँ बठेइ रे एसो महान अचम्मका काम अद्द्या क्षमता पायो?

मत्ती 9:35

तइ पछा येशू रे उनरा शिष्या गालील जिल्लाका भौत सहर रे गाउँ बठेइ गया। तिनन यहुदि सभाघरमी सिकाउनाइ, परमेश्वरको राज्यको सुसमाचार प्रचार अद्दाइ रे सब किसिमका रोग रे दुर्बलता निको अद्दाइ गया।

लूका 4:16

उन नासरत गाउँमी फर्किबर गया, जाँ उन हुर्क्या। उन आफ्नो चलन अन्सार बिश्राम दिन यहुदि सभाघरमी गया, रे पबित्र सास्त्र पड्डाइलाइ कलिया।