लूका 3:11 - डोटेली नयाँ करार

¹¹ तइले तिननलाइ भण्यो, “जइसित दुइ कुर्ता छन, तइले नहुन्यालाइ एक दिइहालउ, रे जइसित खानाइ छ, तइले लगइ तसोइ अरउ।”

डोटेलि

¹¹ तनले उनुनलाइ जवाफ दियो, “दुइ लत्‍ता हुन्‍याले एक नहुन्‍यालाइ दिय, तसेरि खान्‍या कुरालइ नहुन्‍यालाइ दिय।”

लूका 3:11 Referans Kwoze

१ यूहन्ना 3:17

कसइसित संसारको धन सम्पति छ, रे आफना और बिश्वासिन खाचोमी पण्या धेकिबरलइ सहयोग नअर्यो भण्या, परमेश्वरको प्रेमले कसेरी तइमि बास अरन्छ?

१ तिमोथी 6:18

तिननलाइ निका काम अद्दाइलाइ, रे खाचोमी भयालाइ उदारतासित दिनाइ, रे बिना करकाप आफसित भया चिज बाणनाइ निउति भण।

लूका 18:22

यो सुण्या पछा येशूले तइलाइ भण्यो, “तुलाइ आजी एक कुरणी कमी छ। तुसित भया तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

१ यूहन्ना 4:20

यदि कसइले “म परमेश्वरलाइ प्रेम अद्दउ” भणन्छ, तर और बिश्वासिनलाइ घृणा अरन्छ भण्या त्यो झुट हो, क्याकि आफले धेक्या बिश्वासिनलाइ प्रेम नअद्द्याले, नधेक्या परमेश्वरलाइ प्रेम अद्द सक्दइन।

याकुब 1:27

पिता परमेश्वरका सामने सुद्द रे पबित्र धर्म यइ हो: टुहुरा रे बिधवालाइ उनरा कष्टमी हेरचाह अद्दु, आफलाइ संसारको खराब ब्यबहार बठेइ प्रभाव पड्ड नदिनुहो।

लूका 11:41

तर भितरका चिज दानका रुपमि दिय, रे तेरो निउति सब कुरणी सुद्द हुन्या हो।

मत्ती 25:40

रे म, राजाले तिननलाइ जबाफ दिबर तिननलाइ भण्न्या हु, “साँच्चि म तमलाइ भणउ, तमनले इन सब मेरा शिष्या मध्ये सब भण्ना नानालाइ जी जति अर्या त्यो तमले मलाइ अर्या जसो हो।”

हिब्रु 6:10

परमेश्वर निष्पक्ष छन, उनले तमनले अर्या काम रे और बिश्वासिनलाइ सहयोग अरिबर उनरो निउति धेकाया प्रेम बिस्सद्या आथिन। रे उन सम्जन्या हुन कि तमनले तिननलाइ आजी लगइ सहयोग अददाछौ।

प्रेरित 10:31

रे भण्यो, ‘कर्नेलियस परमेश्वरले तेरो प्रार्थना सुण्या छ, रे तुइले गरिबलाइ दिया दानको सम्जना होइरइछ।

प्रेरित 10:4

पइ जब तिनले डिठ लाइबर तक्यो पइ तिन डराया रे कर्नेलियसले भण्यो, “प्रभु भण।” उनले तिनलाइ भण्यो, “तेरा प्रार्थना रे गरिबलाइ दिया दान सम्जनाका निउति परमेश्वरका वाँ पुग्या छन।

प्रेरित 10:2

जो परमेश्वरको आराधना अरन्थ्या रे तिनरा सब परिबारले परमेश्वरको डर माणन्थ्या, तिनले गरिब मान्सनलाइ भौत दान दिन्थ्या रे सदाइ परमेश्वरसित प्रार्थनामि अरिरन्थ्या।

यूहन्नाले लेख्या सुसमाचार 13:29

क्याकि यहूदा इस्करियोतसित पैसा थैली भया हुनाले येशूले तइलाइ काजबारका निउति हामलाइ केइ खाँचो छ कि तिन चिज किन्नाइ अथवा उइले गरिबलाइ केइ देउ भणबर भण्या हो कि भणि कत्तिले सोच्यो।

लूका 19:8

जखायसले खाना खान्ज्या कलिबर प्रभु येशूलाइ भण्यो, “प्रभु, हेर, म आफना सम्पतिको आधा भाग गरिबलाइ दिन्या हु, रे कोइ बठेइ अन्याय अरिबर कर लैजाइराइछु भण्या म तइको चार गुणा फिर्ता अरिदिन्या हुन।”

एफिसी 4:28

चोरी अद्द्याले आब जन चोरउ। बरु उइले आफना हातले इमान्दारिसित काम अरउ, ताकि उइसित गरिब मान्सनलाइ दिनाइ केइ हुन सकउ।

१ तिमोथी 6:17

यइ संसारका धनिलाइ आदेस दिय कि घमण्ड अददु पड्डइन, रे आफना सम्पतिमि भरोसा जन अर जो अस्थायि हो रे जो भर पड्डो आथिन। तर परमेश्वरमि भरोसा राख जइले उदारतासित सब कुरणी दिनाहान जो हामसित छ ताकि हाम आनन्द लिन सकु।

याकुब 2:14

मेरा भाइन हो। यदि कोइ मान्सले “म येशू ख्रीष्टलाइ बिश्वास अद्दउ” भणन्छ तर असल काम अद्दइन भण्या यइ बठेइ कि फाइदा भयो? कि उनरा बिश्वासले उइलाइ बचाउन सकन्छ?