लूका 24:36 - डोटेली नयाँ करार

³⁶ तिनन यिन कुरणी अद्दा-अद्दाइ येशू तिनरा बिचमि धेकिया, रे भण्यो, “तमनलाइ सान्ति होउ।”

डोटेलि

³⁶ तिनुनले यिन कुरा अद्‌दाअद्‌दाइ इसु तिनरा बिचमि खडा भया, रे भुन्‍यो, “तमुलाइ सान्‍ति हउ।”

लूका 24:36 Referans Kwoze

२ थेसलोनिकि 3:16

म प्रार्थना अद्दउ कि प्रभु जो सान्तिका स्रोत हुन उनले तमनलाइ हरेक समय रे सब किसिमले लगातार सान्ति दिउन। म प्रार्थना अद्दउ कि प्रभु तमन सबसित लगातार रहुन।

लूका 10:5

जइ घर पस्सया हौ, पइल्ली भण यइ घरानामि सान्ति होइजाउ!

मर्कुस 16:14

तइ पछा येशू एघार जाना शिष्याका वाँ धेकिया, जब तिनन खाना खानाइ बसिरैथ्या, रे येशूले तिनलाइ हकार्यो क्याकि तिनन भौत जिद्दी थ्या, रे येशूलाइ मर्या बठेइ जिउना भया पछा धेक्दया मान्सनका कुरणीमि अबिश्वास अर्यो।

प्रकाश 1:4

यो चिठ्ठी म यूहन्नाले एसियाका प्रान्तको सात मण्डलिलाइ लेख्दाछु। म तमरि निउति प्रार्थना अद्दउ कि परमेश्वरले तमनलाइ उनरो अनुग्रह रे सान्ति धेकाउन। उन जो छन, जो थ्या, जो आउन्याहुन, रे परमेश्वरको सिंहासन अगाडी रन्या सात आत्मा बठेइ,

१ कोरिन्थी 15:5

रे उन (पत्रुस) केफासका वाँ, रे बार जाना शिष्याका वाँ धेकिया।

यूहन्नाले लेख्या सुसमाचार 20:26

एक हप्ता पछा उनरा शिष्या आजी घर भित्तर थ्या। उनसित थोमा लगइ थ्यो तब ढोका बन्द थ्या, येशू आजी तिनरा बिचइनि प्रकट भया रे भण्यो, “तमनलाइ सान्ति होउ।”

यूहन्नाले लेख्या सुसमाचार 16:33

मइले तमनलाइ यिन कुरणी यइ उइले भणिराइछु, कि तमन मेरा शिष्य भया हुनाले ममि तमनलाइ सान्ति होइजाउ। संसारमी तमनलाइ संकट हुन्या छ, तर साहास अर, मइले यइ संसारको सासक सैतानलाइ जितिराइछु।”

यूहन्नाले लेख्या सुसमाचार 14:27

म तमनलाइ सान्ति दिनउ अर्थात तेइ सान्ति जो मसित छ, यो त्यो सान्ति होइन जो संसारले दिन्छ। तमरो मन ब्याकुल जनहउ रे भयभित जन हौ।

मत्ती 10:13

त्यो घराना योग्य छ भण्या, तमरो सान्ति तइ घरानामि आइजाउ, तर यदि त्यो योग्य रइन्छ भण्या, तमरो सान्ति तमइमि फर्कि आइजाउ।

प्रेरित 1:3

येशूले दु:ख रे मृत्यु पछा भौत किसिमका प्रमाण बठेइ तिनरा अगाडी उनले आफइलाइ जिउनो धेकायो। चालिस दिन सम्म उन तिनरा वाँ धेका पड्या। रे उनले परमेश्वरका राज्यको बारेमि तिननलाइ बतायो।

१ कोरिन्थी 15:7

तइ पछा याकुब रे सब छान्या शिष्याका वाँ धेकिया।