लूका 16:15 - डोटेली नयाँ करार

¹⁵ तब उनले तिननलाइ भण्यो, “मान्सनका अगाडी तमन धर्मि धेकिनाइ निको माण्न्छौ, तर परमेश्वरले तमरा हृदय जाण्नाहान, क्याकि मान्सका बिचइनि जी महत्वपूर्ण माणिन्छ, परमेश्वरको दृष्टिमि त्यो खराब माणिन्छ।”

डोटेलि

¹⁵ तबइ उनुले तिनुनलाइ भुन्‍यो, “मान्‍सनका आगाडि आफुलाइ धर्मि धेकाउन खोजन्‍छउ, रे परमेस्‍वरले तमरो ह्रिदय जान्‍नाहान, क्‍यालाइकि मान्‍सका बिचमि जो उच्‍चो गणिरइ छ, परमेस्‍वरका नजरमि त्‍यो तुछ्‍छ ठहरिन्‍या छ।

लूका 16:15 Referans Kwoze

१ कोरिन्थी 4:5

तबइकिलाइ प्रभुको आगमन नभया सम्म कसइको न्याय जन अर: उनले प्रस्ट रुपमि मान्सनमि भया सब बिचार भणन्या हुन, जो कसइलाइ था आथिन। उनले तिनरा हृदयमि भया उद्देश्य प्रकट अद्दया हुन। तइ बेला हरेक मान्सनले परमेश्वर बठेइ आफ्नो प्रसंसा पाउन्या हुन।

प्रेरित 15:8

सब मान्सनका मनकि कुरणी जाण्न्या परमेश्वरले तिननलाइ लगइ हामलाइ जसो पबित्र आत्मा दिइबर उनले धेकायो कि उनले तिननलाइ आफ्ना मान्सनका रुपमि स्वीकार अर्याछ।

१ पत्रुस 3:4

तमरा हृदयमि भया कुरणीले तमनलाइ सुन्दर बनाउन्छ। त्यो नम्र रे सान्त ब्यबहार हो, जो हरानइन जइलाइ परमेश्वरले भौत मूल्यवान माणनाहान।

लूका 11:39

तर प्रभुले तइलाइ भण्यो, तम फरिसि मान्सनको समुह कटौरा रे थालको बाइर मान्तर माजन्छौ, तर तमरो भितर लुट रे दुष्टताइले भरिया हुन्छ।

लूका 10:29

तर तइले आफनो कामलाइ धार्मिक धेकाउन्या मन अरिबर येशूलाइ भण्यो, “मेरो पडउसि को हो पुइ?”

प्रकाश 2:23

म तइका शिक्षालाइ पछ्याउन्या लाइ माद्द्या हु। रे सब मण्डलिले था पाउन्या छन कि म उइ हु जइले सबका बिचार रे आसयलाइ जाँच अरन्छ, रे म तमन हरेकलाइ तमनले अर्या काम अन्सार सबलाइ प्रतिफल दिन्या हु।

१ पत्रुस 5:5

तसेरि जबान हो, बुढापाकाका अधिनमी बस। तमन सबले नम्रतासित एक अर्खालाइ सहयोग अददु पणन्छ। क्याकि पबित्र सास्त्रमि लेखिया छ, “परमेश्वरले घमण्डिको बिरोध अददाहान, तर नम्रलाइ अनुग्रह अददाहान।”

रोमी 3:20

तबइकिलाइ कानुन पालन अर्या हुनाले कोइ मान्सन परमेश्वरसित धर्मि बनाइन्या आथिन, क्याकि मोशाको कानुनले हामलाइ धेकाउन्छ कि हाम पापी छु।

यूहन्नाले लेख्या सुसमाचार 2:25

उनले मान्सनकि मनकि कुरणी जाण्या हुनाले कसले लगइ उनलाइ कसइ मान्सको बारेमि भणनु आवश्यक थेइन।

मत्ती 23:5

तर तिनन आफना जम्माइ काम मान्सलाइ धेकाउनाइ अद्दाहान। तबइकिलाइ तिननले आफ्ना चाना रे नाडिमि पबित्र सास्त्रका बचन भया ठुला प्रार्थनाका बट्टा बाद्दाहान, रे आफना लत्ताका छेउ लामा बनाउनाहान।

लूका 18:21

तइले भण्यो, यिन सब त मेरो जवानी बठेइ पालना अरिराइछु।

लूका 18:11

फरिसि मान्सले कलिबर मनमनइ यिसेरी प्रार्थना अर्यो, ‘हे परमेश्वर, म तमलाइ धन्यबाद दिनउ, म और मान्सन जसो डाकु, अन्यायी, व्यभिचारि, अथवा यइ कर उठाउन्या जसो लगइ आथिन।

प्रेरित 1:18

जसेरि तमन जाणन्छौ, कि यहुदि अगुवानले यहूदालाइ रुप्या दियाथ्यो, जब तइले छल अरिबर येशूलाइ धोका दिन्या बाचा अर्यो। पछा यहूदाले तसइ रुप्या तिननलाइ फिर्ता अर्यो। जब यहूदा झुण्डिबर मर्यो, तब तइको शरीर भइयइनि झण्यो। तइको पेट फुट्यो रे तइका सब आनणा-भुँणी निकल्या। तबइकिलाइ यहुदि अगुवानले तइ रुप्याले एक जमिन किन्यो।

लूका 20:47

तिनन धोका दिइबर बिधवाका घरको सब सम्पति लइनाहान, रे तिनन मान्सलाइ आफ निको हु धेकाउनाइलाइ सार्वजनिक ठाउँमि लामा-लामा प्रार्थना अद्दाहन, यिसा मान्सलाइ परमेश्वर पक्‍का आजी बड्ता दण्ड दिन्या हुन।”

लूका 20:20

तिनन मौका हेद्द पस्या, रे धर्मि होइबर टोपल्या जासुसलाइ तिननले उनरा वाँ पठायो। येशूले भण्या कुरणीमि उनलाइ फसाइबर अधिकारी रे हाकिमका हात उनलाइ सुम्पिदिन्या दाउमि तिनन थ्या।

मत्ती 6:16

“जब तम बर्त बसन्छौ, तब कपटि अनार जन धेका। क्याकि मान्सनलाइ बर्त बस्या धेकाउनाइलाइ तिनन आफना मुख अनारा बनाउनाहान। साँच्चि म तमनलाइ भण्नउ, तिननले मान्सन बठेइ प्रसंसा पाइ सक्या छ।

मत्ती 6:5

“जब तु प्रार्थना अरन्छइ तब कपटि मान्स जसो जन होइ, क्याकि तिनन यहुदि सभाघरमी रे सडकका कुना-कुनामि मान्सनले धेकुन रे तिननलाइ महिमा अरुन भणि कलिबर प्रार्थना अद्दया मन अद्दाहन। साँच्चि म तमनलाइ भण्नउ, तिननले आफ्नो पुरा इनाम पाइ सक्या छन, त्यो भण्या मान्सनको प्रसंसा हो।

मत्ती 6:2

तसेरि जब तमन दान दिन्छौ, तब धेकाउनाइलाइ बिगुल जन बजा, जसो कपटिले यहुदि सभाघरमी रे सडकमि मान्स बठेइ प्रसंसा पाउनाइ अद्दाहन। साँच्चि, म तमनलाइ भण्नउ, तिननले मान्सन बठेइ महिमा पाइ सक्या छन।

यूहन्नाले लेख्या सुसमाचार 21:17

उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ।

लूका 18:9

आफना बारेमि सोच्यावाला रे आफइलाइ धर्मि माणिबर औरलाइ तुच्छ माण्न्या केइ मान्सनलाइ उनले यो काहानि सुणायो:

लूका 18:14

म तमनलाइ भण्नउ, यो कर उठाउन्या मान्स हो, फरिसि मान्स जब उ घर गयो तब परमेश्वरका अगाडी धर्मि ठहरिन्या हो। क्याकि हरेक जइले आफइलाइ ठुलो बनाउन्छ, त्यो नानो बनाइन्या हो, तर जइले आफइलाइ नानो बनाउन्छ, त्यो ठुलो बनाइन्या हो।”

प्रेरित 1:24

तिननले यिसेरी प्रार्थना अर्यो, “सब मान्सका मनको कुरणी जाण्न्या प्रभु, यिन दुइमि हइ तमले कइलाइ छानिराइछौ त्यो हामलाइ धेकाइ दिय,

रोमी 8:27

मान्सनका ह्रदय बुज्जया परमेश्वरले पबित्र आत्माको बिचार बुज्जाहान, क्याकि परमेश्वरका इच्छा अनसार पबित्र आत्माले परमेश्वरका मान्सनकि निउति मध्यस्थता अद्दाहन।