लूका 13:28 - डोटेली नयाँ करार

²⁸ तमनले अब्राहाम, इसहाक, याकुब रे सब अगमबक्तालाइ परमेश्वरको राज्य भितर धेक्द्या हउ, रे तमन आफइ बाइर फालिन्या हउ, तब तमन रुन्या हउ रे दाँत किटन्छौ।

डोटेलि

²⁸ रे तमले अब्राहाम, इसाहक, याकुब रे सप्‍पइ अगमबक्‍तालाइ परमेस्‍वरका राज्‍य भित्‌र धेक्‍द्‌या छउ, रे तमु आफुइ बाइर फालिया हुन्‍याछउ। तबइ तमु बिलाप अद्‌या छउ रे दाणा किट्‍टया छउ।

लूका 13:28 Referans Kwoze

मत्ती 25:30

तइ बेकम्मा नौकरलाइ बाइर अनाराइनि खिद्दिय, जाँ मान्स रुनाहान रे दारा किट्टाहान।”

मत्ती 22:13

तब राजाले सेबकलाइ भण्यो, “तइका हात खुट्टा बादिबर तइलाइ बाइर अनाराइनि खिद्दिय, जाँ मान्स रुन्या हुन रे दारा किरोल्ल्या हुन।”

प्रकाश 21:8

तर जइले ममि बिश्वास अद्दाइन, तिनन गंधकले बलल्या ठाउँमि सामेल हुन बाद्य हुन्या हुन, जो दोसरो मृत्यु हो। रे यइ परिणाम तिनरो हुन्या हो, जो मान्सनका अगाडी मलाइ चिन्न डराउनाहान, कुकर्म अददाहान, हत्यारा हुन, अनैतिक यौन सम्बन्ध राख्दाहान, जादु अददाहान, मुर्तिपुजा अददाहान वाँ झुट बोल्लाहान।”

२ थेसलोनिकि 1:5

तमन कष्ट सन्नाछौ रे जइले तमनलाइ परमेश्वरको राज्यमि जानाइ योग्य मान्स बनाउन्छ। यो यइ कुरणीको प्रमाण हो कि परमेश्वरका न्याय ठीक छन।

प्रकाश 22:15

खराब काम अद्द्या, रे मन्त्रतन्त्र अद्द्या, व्यभिचारि, हत्यारा, मुर्ति पुज्ज्या रे झुट बोलल्या तिनन कभइ लगइ सहर पस्स सक्दाइन।”

२ पत्रुस 1:11

रे परमेश्वरले तमनलाइ येशू ख्रीष्ट भया राज्यमि भव्य स्वागत दिन्या हुन, जो हामरा प्रभु रे मुक्तिदाता हुन, उनले ताँ सदासर्वदाकि निउति राजा भइबर राज्य अद्द्या हुन।

लूका 16:23

नरकमि कठोर कष्ट भोग्दार्या बेला उइले मलतिर हेर्यो, रे दुर अब्राहाम रे उनरा नजिक लाजरसलाइ धेक्यो।

लूका 14:15

उनसित खान बस्यामि हइ एक जनाले यिन कुरणी सुणिबर येशूलाइ भण्यो, “त्यो धन्य हो, जइले परमेश्वरो राज्यमि भोज खान्या हो!”

लूका 10:15

रे तमन कफर्नहुम गाउँका मान्सन, कि तु अग्गास सम्मइ उचिन्या हइ ब? तु नरक सम्मइ खितिनेहइ।”

मत्ती 24:51

मालिकले तइलाइ कडा दण्ड दिन्या हुन, रे तइलाइ कपटीका बिचइनि खिद्दिन्या हुन, जाँ मान्स रुन्या हुन रे दारा किट्या हुन।

मत्ती 13:50

रे दुष्ट मान्सनलाइ आगाका भट्टि भित्तर खित्तया, हुन जाँ मान्सन रुन्या हुन रे दारा किटाउन्या हुन।”

मत्ती 13:42

रे स्वर्गदुतले तिननलाइ आगाका भट्टीनि हाल्या हुन। ताँ मान्सन रुन्या हुन रे दारा किटाउन्या हुन।