लूका 12:48 - डोटेली नयाँ करार

⁴⁸ तर हरेक दास जइले आफना मालिकले उइले कि अरउ भणि जाण्नइन, रे जइले दण्ड पाउन्या काम अरन्छ उइले थोक्काइ हाणाइ खान्या हो। तर हरेक जइलाइ बड्ताइ दिइराइछ, तइ बठेइ बड्ताइ मागिन्या हो, रे हरेक जइलाइ बड्ताइ सुम्पिदिराइछ, तइ बठेइ आजी बड्ता लिइन्या हो।

डोटेलि

⁴⁸ रे मालिकको इछ्‍या नजाणिबर सजाइ पाउन्‌पड्‍या काम अद्‍या नउकरलाइ भन्‍या उनुले कम सजाइ दिन्‍या छन्। जइलाइ भउत दिय्‍या छ, तइले भउत दिन्‍पड्‍या छ तसोइ अरिबर जइलाइ भउत सउपिया छ, उइबटहइ अउर बर्ता मागिन्‍या छ।”

लूका 12:48 Referans Kwoze

याकुब 3:1

बिश्वासि भाइन हो, तमनमि हइ भौत जाना परमेश्वरको बचनका शिक्षक जन होउ। क्याकि तमन जाणन्छौ कि हाम शिक्षा दिन्यावालानको न्याय और भण्ना झिक कठोर हुन्या हो।

यूहन्नाले लेख्या सुसमाचार 15:22

म नआया भया रे तिननलाइ नभण्या भय तिननसित पाप हुन्या थेइन तर आब त आफना पापका निउति तिननसित केइ बाहाना आथिन।

मत्ती 13:12

जइले बुज्जया इच्छा अरन्छ तइलाइ परमेश्वरले बुज्जया सक्ति दिनाहान, रे जइले म कि सिकाउन्नाछु तइ बुज्जया इच्छा अद्दइन, तइको बुज्जया सक्ति परमेश्वरले खोस्साहान।

१ तिमोथी 1:13

म बिश्वासि हुनाहइ अगाडी ख्रीष्टको बिरुद्दमि निन्दा अर्या, बिश्वासिलाइ दुःख दिया, रे उनरो नकसान अर्या, तब सम्म मइले ख्रीष्टमी बिश्वास अरेइन तबइकिलाइ मइले बुजेइन कि जो मइले अद्दाथ्या त्यो गलत थ्यो। यिसो भया हुनाले ख्रीष्ट म प्रति दयालु थ्या।

प्रेरित 17:30

तबइकिलाइ परमेश्वरले मान्सनका नजाण्या बेलालाइ ध्यान दिएइन, तर आब हरेक ठाउँमि सब मान्सनलाइ पाप अद्द छाडिबर परमेश्वरतिर फर्क भण्न्या आज्ञा दिनाहान।

१ तिमोथी 1:11

यो शिक्षा अदभूत परमेश्वरका महिमाको बारेमि सुसमाचारमि आधारित छ, परमेश्वरले त्यो सुसमाचार औरलाइ भण्नाइ मलाइ दिया छ।

लूका 16:2

तब मालिकले ब्यवस्थापकलाइ बोलाइबर भण्यो, ‘तेरो बारेमि म जी सुण्ना छु त्यो कि हो? तुइले मेरा रुप्याले कीअरि तइको हिसाब दे। आब बठेइ तु ब्यवस्थापक रन्या आथिनी।’

१ तिमोथी 6:20

तिमोथी यो पक्‍का अर कि परमेश्वरले दिया काम तु अर। रे परमेश्वरलाइ महत्व नदिन्या रे दन्त्य काहानिमि छलफल अद्द्या रे त्यो शिक्षा जइले परमेश्वरको सत्य शिक्षालाइ बिरोध अरन्छ, जइलाइ तिननले गलत किसिमले “ज्ञान” भण्नाहान तइलाइ वास्ता जन अरइ।

तितस 1:3

रे आब ठीक बेलामि, परमेश्वरले मान्सनलाइ मेरा प्रचार बठेइ यो सुसमाचार प्रकट अर्याछ। परमेश्वर हामरा मुक्तिदाताले यो जिम्मा मलाइ दियो, यो काम उनकिलाइ अददाइलाइ आज्ञा दिया छन।

लूका 12:41

तब पत्रुसले भण्यो, “हे प्रभु, कि यो काहानि हामराइ निउति मान्तर भण्या हउ, कि और सबका निउति?”

लूका 12:49

“म पृथ्बीमि आगो खण्याँउनाइ आया हु, त्यो त बरु पइल्ली बठेइ सल्क्या भया हुनेइथ्यो!

मत्ती 23:14

तमन भयानक समस्यामि छौ! तम मोशाको कानुन सिकाउन्यावाला रे फरिसि हो, कपटिन! क्याकि तमनले बिधवालाइ धोका दीबर उनरा सम्पति रे उनरा घर लगइ दिनाइलाइ कर अरन्छौ, रे आफलाइ धर्मि धेकाउनाइलाइ लामा-लामा प्रार्थना अर्न्छौ। तबइकिलाइ तमनले बड्ता दण्ड पाउन्या हौ।”