लूका 12:19 - डोटेली नयाँ करार

¹⁹ तइ पछा म आफइलाइ भण्नउ, ए प्राण, भौत बर्ष पुग्द्या बड्ताइ अन्न तेरा निउति थुपदीरइछ। सुख-चैनमि बस। खा, पि, रे मजा अर।’

डोटेलि

¹⁹ रे तइपाछा मु आफना परानलाइ भुन्‍न्‍याछु, ए परान, कदबइ बर्ससम्‍म पुग्‍द्‌या भउत सम्‍पति तेरि निउति जम्‍मा अरिराइछु। आब सुख चइनमि बस्‌। खा, पि रे मोज अर!’

लूका 12:19 Referans Kwoze

१ कोरिन्थी 15:32

याँ एफिसस सहरमि, मेरा सतुर दुष्ट जंगली जनाबर जसाइ छन, जो मेरो हानि अद्दया इच्छा अददाहान। यदि मेरो इनाम यइ संसारमी मान्तर छ भण्या, क्याइ मइले अइल सम्म यो सहनु? यदि म अन्तका दिनमि मर्या बठेइ जिउनो हुनइन भणन्या कुरणी सत्य हो भण्या, मइले ब्या अर्या भया असल हुनेइथ्यो, जसो भणाइ छ, “हाम खाँउ रे पिउ, क्याकि भोल त हाम मरि जान्या हु।”

याकुब 5:5

तमन यइ पृथ्बीमि मोजमजामि रे सुख बिलासमि मस्त भइबर बस्याछौ। इसो अरिबर, तमन तिन पसु जसा भयाछौ जइलाइ मारिबर खाना भण्ना पइल्ली मोटो बनाउनाहान। तिन पसु जसाइ तमनलाइ था आथिन कि तमरो न्याय हुन्या दिन नजिक छ।

फिलिप्पी 3:19

तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

प्रकाश 18:7

तमले तइ सहरलाइ चरम पिडा रे दुःख दिनु पणन्छ जो उइको बिलासी जीवन रे आफइमी उनरो गर्बको बराबरि हुन्छ। उनले आफइलाइ भण्यो, ‘म मान्सनमि रानीले जसोइ सासन अद्द्या हु। म बिधवा होइन रे मइले सोकको अनुभव अद्द्या आथिन।’

१ पत्रुस 4:3

बितेका दिनमि तमनले अबिश्वासिनलाइ अद्द मन पड्डया काम अरिबर भौत समय बर्बाद अर्या। तमरो जीवन अनैतिकता, अभिलाषा, भोज, मद्यपान, मोजमज्जामि, रे मुर्ति पुजामी बित्यो, जइलाइ परमेश्वरले घृणा अददाहान।

२ तिमोथी 3:4

बिश्वासघाती, उत्ताउला, और भण्ना आफइलाइ महत्व दिन्या, परमेश्वरलाइ भण्ना सुख बिलासलाइ प्रेम अद्दया,

१ तिमोथी 6:17

यइ संसारका धनिलाइ आदेस दिय कि घमण्ड अददु पड्डइन, रे आफना सम्पतिमि भरोसा जन अर जो अस्थायि हो रे जो भर पड्डो आथिन। तर परमेश्वरमि भरोसा राख जइले उदारतासित सब कुरणी दिनाहान जो हामसित छ ताकि हाम आनन्द लिन सकु।

१ तिमोथी 5:6

तिन बिधवा जइले आफ्नो सब समय सुखमि बिताउछिन तिन सरीरमि बचेइ हुन्छिन तर आत्मामी मरेइ हुन्छिन।

लूका 21:34

तर तमन आफना बिसयमि होस अर्या, नत्र भण्या भोग-बिलास, मतवालीपन रे जीवनको फिक्रिले तमरो मन दबेलो, रे तमनमि अचानक पासो जसोइ आइ पड्डे हो।

लूका 16:19

“एक जानो धनि मान्स थ्यो, जइले भौत महंगा लत्ता लाइबर दिन दिनै सबहइ निको खाना खानथ्यो।

लूका 12:18

तब तइले भण्यो, ‘मलाइ था छ, मइले कि अददु पड्डया हो: म आफना भकारि खोलिबर यइ हइ ठुला-ठुला बनाउनउ, रे मेरा सब अन्न रे माल सामान ताँ राख्द्या हु।