लूका 11:9 - डोटेली नयाँ करार

⁹ म तमनलाइ भण्नउ, माग, तमलाइ दिइन्या हो। खोज रे तम पाउन्या हौ, ढकढक अर तमरा निउति उगाड्या हो।

डोटेलि

⁹ मु तमुखि भुन्‍नउ, माग त तमुलाइ दिइन्‍या छ। खोज त तमु पाउन्‍याछउ, घचघच्‍या त तमरि निउति देलो खोलिन्‍या छ।

लूका 11:9 Referans Kwoze

मर्कुस 11:24

तबइकिलाइ म तमलाइ भणनउ तमनले प्रार्थनामि परमेश्वर बठेइ जी मागन्छौ, त्यो पाइराइछौ भण्न्या परमेश्वरमि बिश्वास राख, रे परमेश्वरले तमरो निउति तसोइ अरिदिन्या हुन।

मत्ती 21:22

बिश्वास अरिबर जी प्रार्थनामि परमेश्वर बठेइ जी मागन्छौ, त्यो पाइराइछौ भण्न्या परमेश्वरमि बिश्वास राख तमनले पाउन्या हौ।”

यूहन्नाले लेख्या सुसमाचार 15:16

तमनले मलाइ चुन्यानु, तर मइले तमनलाइ चुन्या रे तमनलाइ नियुक्त अर्या, ताकि तमन जा रे फल फला रे तमरो फल रइ रओस। तबइकिलाइ तमनले पितालाइ मेरा नाउँमि जी मागला त्यो उनले तमनलाइ दिन्या हुन। क्याकि तमन मेरा शिष्या हौ।

यूहन्नाले लेख्या सुसमाचार 15:7

तमन ममि रया रे मेरा शिक्षा तमनसित रया भण्या तमन जी चाहान्छौ त्यो माग रे त्यो तमनका निउति दिइन्या हो।

यूहन्नाले लेख्या सुसमाचार 14:13

तमनले मेरा नाउँमि जसो सुकै माग्या लगइ चेलो बठेइ पिताको महिमा होइजाउ भणबर म त्यो अद्दउ।

१ यूहन्ना 3:22

रे हाम जी परमेश्वरसित माग्दाउ त्यो उन बठेइ पाउनाउ, क्याकि हाम उनरो आज्ञापालन अद्दाउ, रे हाम उनलाइ मन पड्डया काम अद्दाउ।

याकुब 1:5

तर यदि तमन मध्य कसइलाइ बुद्दिको कमी छ भण्या उइले उदार-चित्त सित दोस नलाइबर दिन्या परमेश्वरसित माग्दु पणन्छ, उनले तमनलाइ त्यो दिन्या हुन।

हिब्रु 11:6

उनमी बिश्वास अर्या मान्तर हामले परमेश्वरलाइ प्रसन्न बनाउन सक्दाउ। क्याकि परमेश्वरका वाँ आउन्याले बिश्वास अददु पणन्छ कि परमेश्वर छन रे साच्ची उनरो खोजी अद्द्यालाइ उनले इनाम दिन्या हुन।

याकुब 5:15

रे बिश्वासका प्रार्थनाले बिरामिलाइ बाचाउछ रे प्रभु उइलाइ निको बनाउन्या हुन। यदि उइले पाप अर्याछ भण्या उइलाइ परमेश्वरले क्षमा अद्द्या हुन।

हिब्रु 4:16

तबइकिलाइ साहससित परमेश्वरको अगाडी जा, जो अनुग्रहले भरिया छन। ताँ खाँचो पड्या बेला हामले दया रे अनुग्रह पाउन्या हु।

यूहन्नाले लेख्या सुसमाचार 4:10

येशूले तइलाइ भण्यो, “तु जान्निनी कि परमेश्वर तुलाइ कि दिन चाहानाहान, रे तु जान्निनी कि को तुसित पानी माग्दा छ। यदि तु जान्नेइ हइ त, तु मसित माग्देइ थी रे म तुलाइ त्यो पानी दिनेइथ्या जइले जीवन दिन्छ।”

मत्ती 6:29

रे म तमनलाइ भण्नउ, सोलोमन राजा लगइ आफना सब बैभवमि तिनमि हइ एक फुल जति सुन्दर रुपमि शिङारिया थेइन्न।

२ कोरिन्थी 6:2

क्याकि पबित्र सास्त्रमि परमेश्वरले भण्नाहान ग्रहणयोग्य समयमि मइले तमरो पुकार सुण्या रे मुक्तिका दिनमि मइले तमनलाइ सहायता अर्या। सुण, ग्रहणयोग्य समय अइल हो, मुक्तिको दिन अइल हो।

मर्कुस 13:37

रे जो म तमलाइ भण्नउ, तसोइ सबलाइ भण्नउ: सदाइ बिउजाइ रया।”

रोमी 2:7

धैर्यसित निका काम अरिबर महिमा, इज्जत रे अमरत्व खोज्ज्यालाइ परमेश्वरले अनन्त जीवन दिन्या हुन।

मत्ती 21:31

आब यिन दुइ चेलामी हइ कइले बाको इच्छाको पालन अर्यो?” तिननले जबाफ दियो, “पइल्लिकाले।” येशूले तिननलाइ भण्यो, “साँच्चि म तमनलाइ भण्नउ, कर उठाउन्या रे बेश्या तमन भण्ना अगाडी परमेश्वरको राज्यमि पस्साहान।

प्रकाश 2:24

तर थिआटीरामा तमन बाँकिले त्यो झुटा शिक्षालाइ माण्या छैन। तमनले तिन कुरणीमि भाग लिया आथिन जइलाइ तिननले भण्नाहान “भौत महत्त्वपुर्ण चिज जो सैतानले दिन्छ”। म तमनलाइ भणनउ कि म और केइ महत्वपूर्ण आदेस तमनलाइ भणन्या आथिन, यइ बाहेक कि तमनले ममि दृढ़ भइबर बिश्वास अरि राख जबसम्म म आउनइन।

लूका 11:10

क्याकि हरेक जइले मागन्छ तइले पाउछ, जइले खोजन्छ तइले भेट्टाउछ, रे जइले ढकढक अरन्छ तइकि निउति उगाडिन्छ।