लूका 11:2 - डोटेली नयाँ करार

² उनले तिननलाइ भण्यो, “तमनले प्रार्थना अद्दया बेला यिसो भण: हे पिता, तमरो नाउँ पबित्र होइजाउ, तमरो राज्य आइजाउ।

डोटेलि

² उनुले तिनुनलाइ भुन्‍यो, तमुले प्रार्थना अरनज्‍या यसो भुण, “हे पिता, तमरो नाउँ पबित्‍तर अरियोस। तमरो राज्‍य आइजाउ।

लूका 11:2 Referans Kwoze

प्रकाश 15:4

हे परमप्रभु, तमलाइ सब मान्सनले आदर अददाहान, रे तिनन सबले तमरा नाउँको सम्मान अददाहान, क्याकि तमइ मान्तरइ पबित्र परमेश्वर छौ। हरेक जाति तमरा वाँ आउनाहान रे तिननले तमरो आराधना अददाहान, क्याकि भण्या तमरा धार्मिक काम निक्केरि धेकिरइछन।”

प्रकाश 20:4

रे तइ पछा मइले केइ सिंहासन धेक्या, जइमि तिनन बसिरइथ्या जइको मुन्टो काटिया थ्यो क्याकि तिननले येशूका सन्देश रे परमेश्वरको बचनको घोषणा अर्याथ्या। यिन मान्सनले तइ राक्षसको रे तइका मुर्तिको आराधना अर्या थेइन, रे तिननले आफ्ना चानामि अथवा हातमि तइ राक्षसको छाप स्वीकार अरेइन। तिनन आजी जिउना भया रे सिंहासनमि बस्या। परमेश्वरले तिननलाइ सासन अद्द्या अधिकार दियो रे तिननले ख्रीष्टसित एक हजार बर्षकि निउति सासन अर्यो।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

फिलिप्पी 4:20

आब हामरा परमेश्वर रे पितालाइ सदाइ भरि महिमा होइरउ। आमेन।

फिलिप्पी 1:2

हाम प्रार्थना अद्दउ कि हामरा पिता परमेश्वर रे प्रभु येशू ख्रीष्टको अनुग्रह रे सान्ति तमनमि भइरउ।

एफिसी 1:2

म प्रार्थना अद्दउ कि हामरा पिता परमेश्वर रे प्रभु येशू ख्रीष्ट तमन प्रति अनुग्रही होउन रे तमनलाइ सान्तिमि बस्साइ सहयोग अर्या होउ।

२ कोरिन्थी 1:2

परमेश्वर हामरा पिता रे प्रभु येशू ख्रीष्ट बठेइ तमनलाइ अनुग्रह रे सान्ति।

१ कोरिन्थी 1:3

म प्रार्थना अद्दउ कि हामरा परमेश्वर पिता रे प्रभु येशू ख्रीष्ट तमन प्रति अनुग्रही हुन रे तमनलाइ सान्ति दिउन।

प्रकाश 19:6

तइ पछा, मइले यो कुरणी लगइ सुण्या कि भौत मान्सन कला हल्लाथ्या। तिनरो कला ठुलो झडया पानीको गर्जन जसोइथ्यो। मइले तिननलाइ भण्नार्या सुण्या, “हाम प्रभु, हामरा सर्वसक्तिमान परमेश्वरको प्रसंसा अरौं। क्याकि उनसित जाँसक्‍कइ सासन अददाइ सबइ सक्ति छ।

प्रकाश 11:15

पइ सातौ स्वर्गदुतले आफ्नो तुरहि बजायो। मइले स्वर्ग बठेइ इसो भण्नार्या ठुलो आवाज सुण्या, “संसारमी राज अद्द्या आब कोइलगइ छइन। केवल हामरा प्रभु, परमेश्वर रे उनरा चुनिया, ख्रीष्ट। रे उन सदासर्वदा राज्य अद्द्या हुन।”

१ थेसलोनिकि 1:1

यो चिठ्ठी म पावलसित भया, सिलास रे तिमोथी बठेइ हो। हाम थेसलोनिके सहरका बिश्वासिनलाइ लेख्दाछु, जो पिता परमेश्वर रे प्रभु येशू ख्रीष्टका हुन। म प्रार्थना अद्दउ कि परमेश्वरले तमनकीलाइ अनुग्रही होउन रे तमनलाइ सान्ति दिउन।

२ थेसलोनिकि 2:16

हामरा प्रभु येशू ख्रीष्ट आफइ रे परमेश्वर हामरा पिता जइले हामलाइ प्रेम अद्दाहन रे जइले आफना अनुग्रह बठेइ अनन्तको उत्साह रे पक्‍का आसा दिन्यासित हाम प्रार्थना अददाउ।

कलस्सी 1:2

ख्रीष्टमी भया कलस्से सहरका परमेश्वरको मान्स रे भाइनलाइ: हामरा पिता परमेश्वरले तमनलाइ अनुग्रह रे सान्ति दिइराखुन।

रोमी 8:15

क्याकि भण्या आजी डरमि पड्डाइलाइ दासत्वको आत्मा तमनले पाया आथिनु, तर परमेश्वरको आत्माले हामलाइ परमेश्वरका सन्तान बनाउनाहान। तबइकिलाइ जब हाम परमेश्वरलाइ “बा” भणि बोलाउनाउ,

मत्ती 10:32

तबइकिलाइ जइले लगइ मान्सनका अगाडी मलाइ स्वीकार अरन्छ, म लगइ तइलाइ स्वर्गमि हुन्या मेरा पिताका अगाडी स्वीकार अद्द्या हु।

मत्ती 5:16

यिसेरी तमरो ज्योति मान्सनका अगाडी चम्कउ, रे तिननले तमरा निका काम धेकुन, रे स्वर्गमि हुन्या तमरा पिताको महिमा अरुन्।”

मत्ती 3:2

“आफ्ना-आफना पाप अद्द छाडिबर परमेश्वरतिर फर्क, क्याकि स्वर्गको राज्य नजिक आइरइछ।”

गलाती 1:4

हामरा परमेश्वर रे पिताको इच्छा अन्सार येशू ख्रीष्ट हामरा पापकिलाइ मर्या ताकि हाम यइ बर्तमान संसारका मान्सनको प्रभाव बठेइ छुटकारा पाउन सकु।

रोमी 1:7

म यो चिठ्ठी रोम सहरमि भया तमन सबलाइ लेख्दाछु, जइलाइ परमेश्वरले प्रेम अददाहान रे जो उनरा आफ्ना पबित्र मान्स हुनाइलाइ बोलाइया छन: तमनलाइ परमेश्वर हामरा पिता रे प्रभु येशू ख्रीष्ट बठेइ अनुग्रहइ रे सान्ति।

लूका 11:1

येशू कसइ एक ठाउँमि प्रार्थना अद्दाथ्या। उनले प्रार्थना अरिसक्या पछा शिष्यामि हइ एक जनाले उनलाइ भण्यो, “हे प्रभु, यूहन्नाले आफना शिष्यालाइ सिकाया जसो हामलाइ लगइ प्रार्थना अद्द सिका।”