यूहन्नाले लेख्या सुसमाचार 9:35 - डोटेली नयाँ करार

³⁵ यहुदि अगुवानले निको भया मान्सलाइ बाइर निकाल्दियो भण्नेइ कुरणी येशूले सुण्यो, रे तइलाइ भेटीबर भण्यो, “कि तुइले म, मान्सको चेलोमी बिश्वास अरन्छइ?”

यूहन्नाले लेख्या सुसमाचार 9:35 Referans Kwoze

यूहन्नाले लेख्या सुसमाचार 20:31

तर इसो लेखिया छ, कि येशूइ परमेश्वरको चेलो ख्रीष्ट हुन भणबर तमन उनमी बिश्वास अद्द सक रे बिश्वास अरिबर उनरा नाउँमि अनन्त जीवन पाओस।

१ यूहन्ना 5:13

परमेश्वरका चेलोका नाउँमि बिश्वास अद्द्यालाइ म यो चिठ्ठी लेख्दाछु, ताकि तमन जाण्न सक कि तममि अनन्त जीवन छ।

यूहन्नाले लेख्या सुसमाचार 10:36

जब म परमेश्वरको चेलो हु भणनौ तर तमन मलाइ क्याइ भण्न्छौ, कि म परमेश्वरको बिरुद्द निन्दा अद्दाछु? म तेइ हु जइलाइ परमेश्वरले अलग अर्यो रे यइ संसारमी पठायो।

१ यूहन्ना 5:20

हाम जाण्नाउ कि परमेश्वरका चेलो, येशू ख्रीष्ट यइ संसारमी आया छन। रे हामलाइ समज दिया छन, ताकि हाम सत्य परमेश्वरलाइ जाण्न सकउ। हाम सत्य परमेश्वरसित एकतामी छौ क्याकि हाम उनरा चेलो येशू ख्रीष्टसित एकतामी छौ। उन सत्य परमेश्वर हुन रे जइले अनन्त जीवन दिनाहान।

१ यूहन्ना 5:10

जइले परमेश्वरका चेलो येशूमि बिश्वास अरन्छ, तइले पक्‍का बिश्वास अरन्छ कि परमेश्वरले भण्या कुरणी सत्य हो। परमेश्वरमि बिश्वास नअद्द्याले उनलाइ झुटा ठहरायाको हुन्छ। क्याकि परमेश्वरले आफना चेलोका बिसयमि दियाको गवाहीमी तइले बिश्वास अर्या हुनइन।

१ यूहन्ना 5:5

कइले यइ संसारका बिरोधमी युद्द जित्त सकन्छ? तेइ हो, जइले येशूइ परमेश्वरका चेलो हुन भणि बिश्वास अरन्छ।

१ यूहन्ना 4:15

जइले येशूलाइ परमेश्वरका चेलो हुन भणि स्वीकार अरन्छ, परमेश्वर तिननमि रनाहान रे तिनन परमेश्वरसित एकतामी रनाहान।

रोमी 10:20

रे यशैया अगमबक्ता साहससित भण्नाहान, मलाइ नखोज्ज्याले मलाइ पाइराइछन, जइले मेरो खोजी अरेइन तिनरा बिचमि मइले आफइलाइ प्रकट अरिराइछु।

रोमी 1:4

रे येशू ख्रीष्ट पबित्र आत्माको सक्ति बठेइ मर्या बठेइ जिउना भया। तबइकिलाइ परमेश्वरले प्रस्ट रुपमि धेकायो कि उन परमेश्वरका चेला हुन।

प्रेरित 9:20

पइ उतनजेइ तिनले दमस्कस सहरको यहुदि सभाघरमी येशूको प्रचार यिसेरी अर्यो, “प्रभु येशूइ परमेश्वरका चेलो हुन।”

प्रेरित 8:36

पइ उन बाटाका नजिकइ ताल धेक्यो। रे तइ नपुसकले भण्यो, “हेर, याँ ताल रइछ, मलाइ बप्तिस्मा हुनाइ क्याले रोक्द सकन्छ?”

यूहन्नाले लेख्या सुसमाचार 20:28

थोमाले उनलाइ भण्यो, “हे मेरा प्रभु हे मेरा परमेश्वर!”

यूहन्नाले लेख्या सुसमाचार 11:27

तइले उनलाइ भण्यो, “हो प्रभु, म बिश्वास अद्दउ, तम संसारमी आउन्या ख्रीष्ट, परमेश्वरको चेलो हौ।”

यूहन्नाले लेख्या सुसमाचार 6:69

रे तम पबित्र परमेश्वरका चेलो ख्रीष्ट हौ भणि हामले बिश्वास अरिराइछु रे पक्‍का जाण्या छु।”

यूहन्नाले लेख्या सुसमाचार 5:14

तइ पछा येशूले तइलाइ मन्दिरको आगनमी भेटीबर भण्यो, “हेर, तु निको होइरइछइ। आजी पाप जन अरेइ, रे तुमि आजी बड्ता खराबी आइ जन पडउ।”

यूहन्नाले लेख्या सुसमाचार 3:36

जइले परमेश्वरका चेलोमी बिश्वास अरन्छ, तइसित अनन्त जीवन छ। जइले चेलोको भण्या माण्नइन, तइले अनन्त जीवन पाया आथिन, तर परमेश्वरको दण्ड तइमि रइरन्छ।”

यूहन्नाले लेख्या सुसमाचार 1:34

मइले धेकिराइछु, रे म तमनलाइ साच्ची भण्नाछु, कि उनइ परमेश्वरको चेलो हुन”।

यूहन्नाले लेख्या सुसमाचार 1:18

परमेश्वरलाइ कसइले लगइ कभइ धेक्या आथिन। तर पितासित हुन्या एकइ चेलोले उनलाइ धेकिराइछ।

मर्कुस 1:1

यो सुसमाचार येशू ख्रीष्टको जीवनका बिसयमि सत्य काहानि हो। उन परमेश्वरका चेला हुन।

मत्ती 16:16

सिमोन पत्रुसले उत्तर दिइबर भण्यो, “तम ख्रीष्ट हौ, जिबित परमेश्वरको चेलो हौ।”

मत्ती 14:33

नामि हुन्याले उनलाइ आराधना अर्यो, रे भण्यो, साँच्चि तम परमेश्वरका चेला रइछौ।

मत्ती 4:3

तसइ बेला सैतानले येशूका वाँ आइबर भण्यो, “यदि तम परमेश्वरका चेला हौ भण्या, यिन ढुङालाइ रोटा होइजाउन भणि आज्ञा अरिबर साबित अर ताकि तम तिन रोटा खान सक।”

यूहन्नाले लेख्या सुसमाचार 9:22

तइका इजा बाले यिन कुरणी भण्यो, क्याकि उन यहुदि अगुवानसित डराउथ्या। क्याकि कसइले येशूलाइ ख्रीष्ट भणि स्वीकार अर्यो भण्या, तइलाइ यहुदि सभाघर बठेइ निकाल्दिनु पणन्छ भणि यहुदि अगुवान पइल्ली बठेइ सहमत होइरइथ्या।

यूहन्नाले लेख्या सुसमाचार 9:34

तिननले तइलाइ भण्यो, “तु त बिल्कुलइ पापी जन्मिरइथि, रे कि आब तु हामलाइ सिकाउन चाहान्छइ?” तइ पछा तिननले तइ मान्सलाइ सभाघर बठेइ बाइर निकाल्दियो।

३ यूहन्ना 1:10

तबइकिलाइ यदि म आयो भण्या, म खुल्ला रुपमि मण्डलिका मान्सनलाइ तइले अर्याका कामको कुरणी भण्नया हु। हामरा बिरुद्दमि तइले खराब कुरणी भणन्छ। यति मान्तर होइन, तइले ख्रीष्टको प्रचार अरिबर यात्रा अद्द्या भाइनलाइ सेवा सत्कार अद्द इन्कार अरन्छ, रे बिश्वासिनलाइ सेवा सत्कार अद्द्यालाइ लगइ रोकन्छ, रे तिननलाइ संगति बठेइ बाइर निकालिदिन्छ।

प्रेरित 8:37

फिलिपले भण्यो, “यदि सारा मनले बिश्वास अरन्छइ भण्या तुइले बप्तिस्मा लिन सकन्छइ।” तिनले जबाफ दियो, “येशू ख्रीष्टइ परमेश्वरका चेलो हुन भणि म बिश्वास अद्दउ।”