यूहन्नाले लेख्या सुसमाचार 8:55 - डोटेली नयाँ करार

⁵⁵ आजी लगइ तमनले उनलाइ पछण्या रइन्छौ, तर म उनलाइ पछयाण्नउ तर मइले उनलाइ पछण्नइन भण्या म लगइ तमन जसोइ झुट ठहरिनेइथ्या तर म उनलाइ पछेण्नउ रे उनरो आज्ञापालन अद्दउ।

यूहन्नाले लेख्या सुसमाचार 8:55 Referans Kwoze

यूहन्नाले लेख्या सुसमाचार 8:19

तब तिननले उनलाइ भण्यो; “तमरा पिता काँ छन?” येशूले जबाफ दियो, “तमन न त मलाइ चिनन्छौ न त मेरा पितालाइ पछयाणन्छौ। तमनले मलाइ चिन्या भएले मेरा पितालाइ लगइ पछयाण्न्याइ थ्या।”

यूहन्नाले लेख्या सुसमाचार 8:44

तमन आफना बा सैतान बठेइका हउ, तब आफनाइ बाका कुइच्छा पुरा अद्द चाहन्छौ। त्यो त सुरु बठेइ हत्यारा थ्यो रे सत्यमी रएन क्याकि तइमि सत्य आथिन, जब त्यो झुट बोलन्छ तब आफनोइ बानि ब्यबहार बठेइ बोलन्छ क्याकि त्यो झुट हो रे झुटको बा हो।

प्रकाश 3:9

तिन मान्सन जो सैतानको एक समुहका सदस्य हुन, तिनन दाबि अददाहान कि तिनन यहुदि हुन तर तिनन साँचो यहुदि होइन रे तिनन झुटि बोल्ला छन। म तिननलाइ आउन्या बनाइबर तमरा अगाडी ढोग्द्या बनाउन्या हु रे म तमनलाइ प्रेम अद्दउ भणन्या तिननले था पाउन्या हुन।

यूहन्नाले लेख्या सुसमाचार 8:51

साँच्चि, म तमनलाइ भण्नउ, कसइले मेरा बचन पालन अरन्छ भण्या त्यो कभइ मद्द्या आथिन।”

मत्ती 11:27

मेरा पिताले जम्माइ चिज मलाइ दिइराइछ। चेलोलाइ पछेण्न्या उन मान्तर हुन। पितालाइ साँच्चि पछेण्न्या चेलो मान्तर हुन। रे तिनन मान्सन जइलाइ म, चेलाले पितालाइ पछेण्न्या चाहानउ।

१ यूहन्ना 5:10

जइले परमेश्वरका चेलो येशूमि बिश्वास अरन्छ, तइले पक्‍का बिश्वास अरन्छ कि परमेश्वरले भण्या कुरणी सत्य हो। परमेश्वरमि बिश्वास नअद्द्याले उनलाइ झुटा ठहरायाको हुन्छ। क्याकि परमेश्वरले आफना चेलोका बिसयमि दियाको गवाहीमी तइले बिश्वास अर्या हुनइन।

यूहन्नाले लेख्या सुसमाचार 15:21

तिननले यिन सब कुरणी मेरा शिष्या भया हुनाले अद्दया हुन क्याकि तिनन मलाइ पठाउन्या परमेश्वरलाइ चिन्नाइन।

१ यूहन्ना 2:22

झुटो को हो? झुटो त्यो हो, जइले येशूइ ख्रीष्ट हुन भण्न्या कुरणी इन्कार अरन्छ। पिता परमेश्वर रे चेलोलाइ जइले इन्कार अरन्छ, ख्रीष्ट बिरोधी तेइ हो।

१ यूहन्ना 2:4

जइले म उनलाइ चिन्नौ भणन्छ तर परमेश्वरका आज्ञा माणनइन भण्या त्यो झुटो हो रे तइले परमेश्वरको सत्यता अनसार जीवन बितानाइन।

२ कोरिन्थी 4:6

तबइकिलाइ परमेश्वरले भण्यो, “अनारा बठेइ उजालो चम्कउ।” रे उनइ परमेश्वरले हामरा हृदयमि ज्योति जसोइ हामलाइ ज्ञान दियो, ताकि हामले परमेश्वरको महिमा येशू ख्रीष्टमी प्रकट भया धेक्दसकु।

प्रेरित 17:23

क्याकि घुम्दोइ जान्ज्या तमनले आराधना अद्द्या चिज मइले धेक्या छु। मइले एक यिसो बेदि लगइ भेट्या जइमि ‘न पछण्या देबताकि निउति’ भण्न्या लेख्या रइछ। तबइकिलाइ जइलाइ तमन नजाणिबर आराधना अरन्छौ, उइ परमेश्वरलाइ म तमरा बिचमि प्रचार अद्दउ।”

यूहन्नाले लेख्या सुसमाचार 17:25

हे धार्मिक पिता, संसारका मान्सनले तमलाइ पछेण्नइन, तर म तमलाइ पछेण्नउ, पइ तमले मलाइ पठाया हउ भणि शिष्या जाण्नाहान।

यूहन्नाले लेख्या सुसमाचार 16:3

तिननले यिन काम अद्देहुन, क्याकि तिननले पितालाइ पछेण्या आथिन रे मलाइ लगइ पछेण्नाइन।

यूहन्नाले लेख्या सुसमाचार 15:10

तमनले मेरा शिक्षा पालन अर्या भण्या तमन मेरा प्रेममि रन्याछौ जसेरि मइले लगइ मेरा पिताका शिक्षा पालन अर्या छु रे उनरा प्रेममि रइरइछु।

यूहन्नाले लेख्या सुसमाचार 10:15

जसेरि पिता मलाइ पछेण्नाहान, म पितालाइ पछेण्नउ, रे म भेडाकि निउति आफ्नो प्राण दिनाइ तयार हुनउ।

यूहन्नाले लेख्या सुसमाचार 8:29

जइले मलाइ पठायो उन मसित छन। पिताले मलाइ एकलोइ छाड्या आथिन क्याकि उनलाइ सदाइ खुशी पाड्डया कुरणी म सदाइ अद्दउ।”

यूहन्नाले लेख्या सुसमाचार 6:46

कसइ मान्सनले लगइ पिता परमेश्वरलाइ धेक्या आथिन। म मान्तर, जो परमेश्वर बठेइ आया हु, जइले उनलाइ धेक्या छ।”

यूहन्नाले लेख्या सुसमाचार 1:18

परमेश्वरलाइ कसइले लगइ कभइ धेक्या आथिन। तर पितासित हुन्या एकइ चेलोले उनलाइ धेकिराइछ।

लूका 10:22

“मेरा पिताले जम्माइ चिज मलाइ सुम्पिराइछ। चेलो को हो भणि पिता बाहेक कसइले जाण्नइन। पिता को हुन भणि चेला बाहेक, रे चेलाले उनलाइ जइका वाँ धेकाउन्या मन अद्दाहान, तइले बाहेक और कसइले जाण्नैन।”

यूहन्नाले लेख्या सुसमाचार 8:52

तब यहुदि अगुवानले येशूलाइ भण्यो, “आब हामलाइ था भयो कि तमलाइ भूतइ लाग्या छ। अब्राहाम रे अगमबक्तान लगइ मर्या तर तम भणन्छौ कसइले मेरो बचन पालन अरन्छ भण्या उ कभइ मद्द्या आथिन।

१ यूहन्ना 1:6

यदि परमेश्वरसित हामरि संगति छ भणि हाम भण्नाउ, तर आजी लगइ अन्धकार जसो दुष्टतामि जीवन बिताउनाउ भण्या, हाम झुट बोल्लाउ रे सत्यतामि जीवन बिताउनाइन।