यूहन्नाले लेख्या सुसमाचार 7:16 - डोटेली नयाँ करार

¹⁶ तब येशूले तिननलाइ जबाफ दिइबर भण्यो, “मेरो शिक्षा मेरो होइन, तर उनरो हो, जइले मलाइ पठाया हो।

यूहन्नाले लेख्या सुसमाचार 7:16 Referans Kwoze

यूहन्नाले लेख्या सुसमाचार 14:24

मलाइ प्रेम नअद्द्याले मेरा शिक्षा पालना अद्दैन। जइ शिक्षा तमन सुणन्छौ, त्यो मेरो होइन, तर मलाइ पठाउन्या पिताको हो।

यूहन्नाले लेख्या सुसमाचार 14:10

पिता परमेश्वर ममि छन, रे म पिता परमेश्वरमि छु भणबर कि तु बिश्वास अद्दैनी? जइ कुरणी म तमनलाइ भण्नउ, त्यो मइले मेरो आफनाइ अधिकारमि बोल्या होइन तर ममि बास अद्दया परमेश्वर जी अद्द चाहानाहान तेइ अद्दाहन।

यूहन्नाले लेख्या सुसमाचार 17:8

क्याकि जइ शिक्षा तमले मलाइ दिया, मइले तिननलाइ दिइराइछु, रे तिननले तिन शिक्षा स्वीकार अरिराइछ। म तम बठेइ आया हु भण्न्या तिननले साँच्चि जाणिराइछ, पइ तमले मलाइ पठाया हौ भणि तिननले बिश्वास अर्या छन।

यूहन्नाले लेख्या सुसमाचार 5:30

म आफइ केइ अद्द सक्दैन। मइले मान्सनको न्याय तसोइ अद्दउ जसो पिताले मलाइ उनरो न्याय अद्दाइ भण्या छ, रे मेरो न्याय ठीक माणिन्छ, क्याकि म आफ्नो इच्छा खोज्जइन, तर मलाइ पठाउन्याको इच्छा खोज्जउ।

यूहन्नाले लेख्या सुसमाचार 17:14

मइले तिननलाइ तमरो शिक्षा दिया, तर संसारका मान्सनले तिननलाइ घृणा अर्यो, क्याकि तिनन संसारका होइन, जसेरि म संसारको होइन।

यूहन्नाले लेख्या सुसमाचार 8:28

तब येशूले तिनलाइ भण्यो, “जब तमनले म, मान्सको चेलोलाइ क्रुसमि टाङ्द्या हौ तइ पछा ‘म जो हु तेइ हु’ भणि था पाउन्या हौ, रे म आफना अधिकार बठेइ केइ अद्दइन, तर मेरा पिताले मलाइ सिकाया अन्सार म यिन कुरणी बोल्ल्या रइछु भणि तमनले था पाउन्या हौ।

यूहन्नाले लेख्या सुसमाचार 3:11

साँच्चि, म तुलाइ भण्नउ, हाम जी जाण्नाउ त्यो भण्नाउ, रे हामले जी धेकिराइछौ तसइको गवाही दिनाउ, तर तमन हामरो गवाहीमी बिश्वास अद्दानु।

यूहन्नाले लेख्या सुसमाचार 6:44

मलाइ पठाउन्या पिताले उइलाइ मेरा वाँ आउन्या मन नदिन्ज्या सम्म कोइ मान्स मेरा वाँ आउन सक्दैन, मेरा वाँ आउन्या सबलाइ म संसारको न्यायको दिनमि जिउनो बनाउन्या छु।

यूहन्नाले लेख्या सुसमाचार 3:31

“मल्तिर बठेइ आउन्या सब भण्ना उच्च छन। धर्ति बठेइ हुन्या धर्तिको हो, रे धर्तीकि कुरणी अरन्छ। स्वर्ग बठेइ आउन्या सब भण्ना उच्च छन।

प्रकाश 1:1

परमेश्वरले येशू ख्रीष्टलाइ तिन गोप्य कुरणी धेकायो जो छिट्टाइ हुन्या हुन, ताकि उनले आफना सेवकनलाइ यिन कुरणी प्रकट अद्द सकुन। तइ पछा येशूले आफ्नो सेवक यूहन्नालाइ यिन कुरणी धेकाउनाइ आफना दुत पठायो।

२ यूहन्ना 1:9

म तमलाइ यो भणउ, कि यदि कसइले आफ्ना बिचार बठेइ केइ थपन्छ रे ख्रीष्टले सिकायाको शिक्षामि लगातार बिश्वास अद्दाइन्न भण्या, उ परमेश्वरसितको संगतिमि हुनइन। जो ख्रीष्टले सिकायाको शिक्षामि लगातार बिश्वास अरन्छ भण्या, उ परमेश्वर रे उनरो चेलो येशू ख्रीष्ट सितको संगतिमि हुन्छ।