यूहन्नाले लेख्या सुसमाचार 5:10 - डोटेली नयाँ करार

¹⁰ तबइकिलाइ निको बनाया तइ मान्सलाइ यहुदिले भण्यो, “यो त बिश्राम दिन हो, मोशाको कानुन अन्सार तुलाइ बिस्तरा बोक्दु ठीक आथिन।”

यूहन्नाले लेख्या सुसमाचार 5:10 Referans Kwoze

यूहन्नाले लेख्या सुसमाचार 9:16

फरिसि मान्सनको समुहमी हइ कसइले भण्यो, “त्यो मान्स परमेश्वर बठेइ आया होइन, क्याकि तइले बिश्राम दिन पालना अद्दइन।” तर औरले भण्यो, “यइ जसो पापी मान्सले कसेरी यिसा अचम्मका काम अद्द सकन्छ?” रे तिनरा बिचइनि फाटो हुन पस्यो।

लूका 6:2

तर फरिसि मान्सनमि हइ कसइ-कसइले तिननलाइ भण्यो, “बिश्राम दिनमि जी अददु ठीक आथिन तमन क्याकि त्यो अरन्छौ?”

लूका 13:14

तर यहुदि सभाघरको सासकलाइ बड्ताइ रिस उठ्यो, क्याकि येशूले बिश्राम दिनमि निको बनाइराइथ्यो, रे अगुवाले मान्सनलाइ भण्यो, “हामलाइ हप्तामि छ दिन काम अद्या अनुमति छ। यिन छइ दिन भितर आइबर निको होउ, बिश्राम दिनमि होइन।”

मर्कुस 3:4

येशूले तिननलाइ भण्यो, “परमेश्वरले हामलाइ बिश्राम दिनमि कि अद्द्या आज्ञा दिया छन, मान्सनलाइ भलो अद्दु कि खराबी अद्दु? उनले हामलाइ कि आज्ञा दिया छन, कसइको प्राण बचाउनु कि माद्दु?” रे तिन सब चुप लागिरया।

मर्कुस 2:24

फरिसि मान्सनले येशूलाइ भण्यो, “क्याइ तमरा शिष्या हामरा बिश्राम दिनमि यो काम अद्दाहान जो हामरा मोशाका नियमले अददु दिनइन? रे बिश्राम दिनमि यिनले कि अददु पण्न्छ त्यो तमले सिकाउनु पण्न्छ।”

यूहन्नाले लेख्या सुसमाचार 5:16

तइका लाग्दा यहुदि अगुवानले येशूलाइ खेदो अद्द पस्या, क्याकि उनले यो काम बिश्राम दिनमि अरिराइथ्यो।

यूहन्नाले लेख्या सुसमाचार 7:23

मोशाले दिया मोशाको कानुन रद्द जनहउ भणबर कसइ मान्सले बिश्राम दिनमि खतना अरन्छ भण्या, मइले एक जाना मान्सलाइ बिश्राम-दिनमि पुराइ निको बनाइ दिया भणबर कि तमन मसित रिस अरन्छौ?

लूका 23:56

तब तिनन आफना घर फर्किया रे तिननले सुगन्धित मसला रे अँत्तर येशूका सरीरमि लाउनाइ तयार अर्यो। रे मोशाको कानुन अन्सार बिश्राम दिनमि तिननले आराम अर्यो।

मत्ती 12:10

ताँ एक सुक्या हात भया मान्स थ्यो। येशूलाइ दोस लाउनालाइ तिननले उनलाइ सोध्यो, “कि बिश्राम दिनमि कसइलाइ निको पाड्डु उचित हो?”

यूहन्नाले लेख्या सुसमाचार 1:19

जब यरुशलेम सहर बठेइ यहुदि अगुवानले केइ यहुदि पुजारि रे मन्दिरको सेवामि सहयोग अद्द्या लेवि कुलकालाइ यूहन्ना को रइछ भणि सोद्दाइ पठायो, तब यूहन्नाको गवाही यो थ्यो।

यूहन्नाले लेख्या सुसमाचार 5:11

तइले तिननलाइ जबाफ दियो, “जइले मलाइ निको बनायो उनइले भण्यो, ‘आफ्नो बिस्तरा बोकिबर हिट।’”

यूहन्नाले लेख्या सुसमाचार 5:15

उइलाइ निको बनाउन्या त येशू रइछन भणबर तइ मान्सले गइबर यहुदि अगुवानलाइ भणिदियो।