यूहन्नाले लेख्या सुसमाचार 19:6 - डोटेली नयाँ करार

⁶ जब यहुदि मुख्य पुजारि रे मन्दिरका चौकिदारले उनलाइ धेक्यो, तिनन यिसो भण्न्नाइ कला हाल्ल पस्या, “तइलाइ क्रुसमि मारीदिय।” पिलातस हाकिमले तिननलाइ भण्यो, “तमनइ तइलाइ क्रुसमि मारीदिय, क्याकि म यिनमि केइ दोस पाउनइन!”

यूहन्नाले लेख्या सुसमाचार 19:6 Referans Kwoze

यूहन्नाले लेख्या सुसमाचार 18:31

पिलातस हाकिमले तिननलाइ भण्यो, “तमन उइलाइ लैजा रे आफ्नो मोशाको कानुन अन्सार उइको इन्साफ अर।” तब यहुदि अगुवानले उनलाइ भण्यो, “हामसित कसइलाइ मद्द्या अधिकार आथिन।”

यूहन्नाले लेख्या सुसमाचार 19:4

तब पिलातस हाकिमले बाइर निकलिबर तिननलाइ भण्यो, “हेर, म यिनलाइ तमरा वाँ बाइर ल्याउन्ना छु, रे तमनलाइ जणाउन चाहानौ, कि म यिनमि केइ दोस पाउनइन।”

प्रेरित 7:52

तमरा पुर्खाले सबइ अगमबक्तालाइ सतायो। तिननले तइ अगमबक्तालाइ लगइ मार्यो जइले ख्रीष्ट जो धार्मि छन तिन आउन्याहुन भणि भविष्यवाणी अर्याथ्यो। रे जब ख्रीष्ट आया, तब तमनले उनलाइ धोका दिइबर उनलाइ मार्या।

प्रेरित 2:23

परमेश्वर बठेइ ठहराया पक्‍का उद्देश्य रे पइल्लिको ज्ञान अन्सार उनलाइ तमरा हातमि सुम्पिदियो। तमनले उनलाइ अधर्मि मान्सनको सायताले क्रुसमि किला ठोकिबर मार्या।

यूहन्नाले लेख्या सुसमाचार 19:15

रे तिननले आजी कला हालिबर भण्न पस्या, “तइलाइ क्रुसमि मारीदिउ। तइलाइ क्रुसमि मारीदिउ।” तब पिलातस हाकिमले भण्यो, “तमरा राजालाइ क्रुसमि मारीदिउ?” पइ यहुदि मुख्य पुजारिले जबाफ दियो, “सम्राट बाहेक हामरो और कोइ राजा आथिन।”

लूका 23:4

तब पिलातस हाकिमले यहुदि मुख्य पुजारिन रे भिडलाइ भण्यो, “म इन मान्समि केइलगइ दोस भेटाउनइन।”

मत्ती 27:24

पइ पछा केइ सिप नलाग्या धेकिबर खैलाबैला मच्चिन्छ भण्न्या डरले पिलातस हाकिमले पानी ल्याइबर भिडका अगाडीतिर आफ्ना हात धोइबर भण्यो, “यो तमरो दोस हो! म येइ मान्सका रगत बठेइ निर्दोष छु”।

मत्ती 27:22

तब पिलातस हाकिमले तिननसित सोध्यो, “आब ख्रीष्ट भण्या येशूलाइ चाइ क्यारुँ पइ?” तिन सबले भण्यो, “तइलाइ क्रुसमि मारीदिय।”

मत्ती 26:58

तर पत्रुस दुर हइ यहुदि प्रधान पुजारिका घरका आगन सम्म येशूका पछा-पछा गयो, रे छाड्डीबार कि हुन्या हो, त्यो हेद्दाइ भितर पसिबर पाले सित बसिरयो।

यूहन्नाले लेख्या सुसमाचार 18:3

तब सिपाइको एक टोलि, रे यहुदि मुख्य पुजारि रे फरिसि मान्सनको समुह बठेइ चौकीदार पठाइबर यहूदा इस्करियोत बत्ति, राँका रे हतियार लेइबर आयाथ्या।

यूहन्नाले लेख्या सुसमाचार 18:38

पिलातस हाकिमले सोध्यो, “सत्य कि हो?” इसो भणबर उन आजी यहुदि अगुवानका वाँ गया रे भण्यो, “म येइ मान्समि एक लगइ दोस पाउनइन।”