यूहन्नाले लेख्या सुसमाचार 19:11 - डोटेली नयाँ करार

¹¹ येशूले जबाफ दियो, “यदि तमलाइ परमेश्वर बठेइ नदिया भया ममि तमरो केइ अधिकार हुनेइ थेइन। तबइकिलाइ मलाइ तमरा हातमि सुम्पिदिन्या मान्सन आजी बड्ता पापको दोषि हुन्या हुन।”

यूहन्नाले लेख्या सुसमाचार 19:11 Referans Kwoze

रोमी 13:1

हरेक मान्स सासन अद्द्या प्रशासकका अधिनमी बसउ। सब अधिकार परमेश्वर बठेइ आउन्छ। जो प्रशासक छन, तिनन परमेश्वर बठेइ खटाइया हुन।

यूहन्नाले लेख्या सुसमाचार 3:27

यूहन्नाले भण्यो, “मान्सलाइ स्वर्ग बठेइ नदिइय्या सम्म तइले केइ कुरणी पाउन सक्दैन।

प्रेरित 2:23

परमेश्वर बठेइ ठहराया पक्‍का उद्देश्य रे पइल्लिको ज्ञान अन्सार उनलाइ तमरा हातमि सुम्पिदियो। तमनले उनलाइ अधर्मि मान्सनको सायताले क्रुसमि किला ठोकिबर मार्या।

प्रेरित 3:13

हामरा पुर्खा अब्राहाम, इसहाक रे याकुबका परमेश्वरले आफना सेवक येशूलाइ मर्या बठेइ जिउना बनाइबर भौत आदर दियो, तर तमनले उइलाइ माद्दाइ यहुदि अगुवानका हातमि सुम्पिदिया, रे पिलातस हाकिमले उनलाइ छाड्दिन्या बिचार अर्या लगइ तमनले उनलाइ जन छाड भण्या।

यूहन्नाले लेख्या सुसमाचार 7:30

तबइकिलाइ यहुदि अगुवानले येशूलाइ पकोड्डाइ खोज्यो, तर कसइले उनमी हात हालेइन, क्याकि उनलाइ माद्दया समय आजी आया थेइन।

याकुब 1:17

हरेक असल दान रे हरेक सिद्द बरदान हामरा पिता परमेश्वर बठेइ हो, जइले अग्गासमी भया सब ज्योति बनायो, परमेश्वर सदाइ एकनास छन रे उन छाँया जसेरि बदलिनाइन।

मत्ती 6:13

हामलाइ परीक्षामि पड्ड जन दिय, तर सैतान बठेइ छुटाइ दिय, क्याकि राज्य, पराक्रम रे महिमा सदाइ तमराइ हुन, आमिन।”

याकुब 4:17

तबइकिलाइ जइले भलाइ अद्द जाणिबर लगइ भलाइ अद्दैन तइले पाप अरन्छ।

रोमी 11:36

क्याकि सब चिज परमेश्वर बठेइ आउनाहान। सब चिज उनले बनाया छन, रे सब चिज उनराइ हुन। उनले सदाइ महिमा पाउनु पणन्छ! आमेन।

प्रेरित 4:28

तिननले तेइ अर्यो, तर तिननले तमरो सक्ति रे तमरा इच्छा बठेइ तमले पइल्ली बठेइ बिचार अर्या अन्सार मान्तर काम अर्यो।

मत्ती 27:2

तिननले येशूलाइ बादिबर लैया रे पिलातस हाकिमको राज महलमि न्याय अद्दाइलाइ लैया।

मर्कुस 14:44

पइ उननले येशूलाइ पकडाउनालाइ मदत अद्द्या यहूदाले तइ भिडका मान्सलाइ पइल्ली भणिराइथ्यो कि जइलाइ म गुरु जी भणबर अबिबादन अद्दउ, उन त्यो मान्स हुन उनलाइ पकडीबर चौकिदारका वाँ लैजा।

यूहन्नाले लेख्या सुसमाचार 18:3

तब सिपाइको एक टोलि, रे यहुदि मुख्य पुजारि रे फरिसि मान्सनको समुह बठेइ चौकीदार पठाइबर यहूदा इस्करियोत बत्ति, राँका रे हतियार लेइबर आयाथ्या।

यूहन्नाले लेख्या सुसमाचार 9:41

येशूले तिननलाइ भण्यो, “तमन अन्धा भया लगइ पापको दोषि हुनेइ थ्यानु, तर तमन हाम धेक्दाउ भणन्छौ, तबइकिलाइ तमन पापको क्षमा पाउन्या हौउनु।”

लूका 22:53

म दिन दिनइ तमसित मन्दिरमि बसिबर शिक्षा दिन्थ्या, रे तमले मलाइ पकोडेइ पकोड्यान। तर आब तमरो समय हो, रे अन्धकारको सक्ति यइ हो।”

मत्ती 26:65

यहुदि प्रधान पुजारिले येशूले भण्या कुरणी सुणबर रिसले आफना लत्ता चिरिबर भण्यो, “हामलाइ कोइ साक्षि चाइनइन! तमनले उइले परमेश्वरको बिरुद्दमि निन्दा अर्याको सुणिहाल्या। यइमि तम सबैको निर्णय कि छ?”

यूहन्नाले लेख्या सुसमाचार 18:13

पइ तिननले उनलाइ हन्नासका वाँ लैया, जो तइ सालका यहुदि प्रधान पुजारि कैयाफाका ससुरा थ्या।

यूहन्नाले लेख्या सुसमाचार 19:10

तबइकिलाइ पिलातस हाकिमले उनलाइ भण्यो, “कि तु मसित बोल्लइनि? तुलाइ छाडि दिन्या अधिकार मसित छ, रे तुलाइ क्रुसमि टाँङ्द्या अधिकार लगइ मसित छ भण्न्या तुलाइ था आथिन?”