यूहन्नाले लेख्या सुसमाचार 15:24 - डोटेली नयाँ करार

²⁴ और कसइले नअर्या अचम्मका काम मइले अर्या छु। यदि तिननले मइले अर्या यिन काम नधेक्या भया तिननमि पाप हुन्या थेइन। तर आब तिननले यिन अचम्मका काम धेक्या छन, पइलगइ तिननले मलाइ रे मेरा पिता दुएइलाइ घृणा अर्या छन।

यूहन्नाले लेख्या सुसमाचार 15:24 Referans Kwoze

यूहन्नाले लेख्या सुसमाचार 14:9

येशूले तइलाइ भण्यो, “फिलिप, यितिका समय सम्म म तमनसित छु, रे पइलगइ तुइले मलाइ पछेणिनी? जइले मलाइ धेकिराइछ, तइले पितालाइ धेकिराइछ। तु कसेरी भण्न सकन्छइ, हामलाइ पिता धेकाइ दिय?

यूहन्नाले लेख्या सुसमाचार 5:36

तर मसित जी गवाही छ, त्यो यूहन्ना भण्ना ठुलो छ। क्याकि जइ काम पुरा अद्दाइ पिताले मलाइ दिइराइछ, तिन काम म अद्दाछु, तिनइले मेरा बारेमि गवाही दिइराइछ कि पिताले मलाइ पठाया हो।

यूहन्नाले लेख्या सुसमाचार 10:37

यदि मइले मेरा पिताको काम अर्या आथिन भण्या ममि बिश्वास जन अर।

यूहन्नाले लेख्या सुसमाचार 10:32

येशूले तिननलाइ भण्यो, “मइले तमनलाइ मेरा पिता बठेइ भौत ठुला अचम्मका काम धेकाया, तिनमि हइ कइ कामको निउति तमन मलाइ ढुङाले हाण्न चाहान्छौ?”

यूहन्नाले लेख्या सुसमाचार 9:32

संसारको सृष्टि भया बठेइ अइल सम्म यिसो जन्मनइको अन्धो कसइले धेक्द्या बनायो भण्नेइ कुरणी कभइ सुणिएइन।

यूहन्नाले लेख्या सुसमाचार 7:31

तर भिडका भौत मान्सनले उनमी बिश्वास अर्यो। तिननले भण्यो, “जब ख्रीष्ट आउनाहान, तब कि यिनले अर्या चिन्ह भण्ना बड्ता चिन्ह उन अद्दया हुन ब?”

यूहन्नाले लेख्या सुसमाचार 3:2

निकोदेमस रात येशूका वाँ आइबर उनलाइ भण्यो, “गुरुज्यू, हाम जाण्नाउ कि परमेश्वरले तमलाइ हामलाइ सिकाउनाइ पठया हो, क्याकि परमेश्वर संङइनि भएइन भण्या तमले अर्या यिन चिन्ह कोइलगइ अद्द सक्दइन”।

मत्ती 9:33

जब येशूले उइ मान्स बठेइ भूत निकाल्यो, रे लाटो बोल्ल पस्यो। भिडले यो धेक्यो रे अचम्म माणिबर इसो भण्यो, “इस्राएल देशमि यिसो कभइ धेक्या थेइन।”

याकुब 4:4

बिश्वासघाती मान्सन हो, यइ संसारको चिजसितको मित्रता परमेश्वरसितको शत्रुता हो भण्न्या कुरणी कि तमन जाण्नानु? तबइकिलाइ जो संसारको मित्तुर हुन चाहन्छ, उइले आफइलाइ परमेश्वरको सत्तुर बनाउछ।

२ तिमोथी 3:4

बिश्वासघाती, उत्ताउला, और भण्ना आफइलाइ महत्व दिन्या, परमेश्वरलाइ भण्ना सुख बिलासलाइ प्रेम अद्दया,

रोमी 1:30

रे औरको बदिनाम अद्द्या, परमेश्वरलाइ घृणा अद्द्या, ढीट, घमण्डि, अभिमानी, दुष्ट कुरणी बनाइ हिट्ट्या, इजा-बाको भण्या नमाणन्या,

प्रेरित 10:38

अर्थात नासरत गाउँका येशूलाइ परमेश्वरले पबित्र आत्मा रे सक्तिले अभिषेक अर्यो, उन भलाइका काम अद्दाइ रे सैतान लाग्या मान्सनलाइ निको पाड्डाइ सबतिर घुम्या, क्याकि परमेश्वर उनसित थ्या।”

प्रेरित 2:22

इस्राएल देशका मान्सन हो, यिन कुरणी सुण, नासरत गाउँका येशू यिसा मान्स थ्या, जइलाइ परमेश्वर बठेइ साबित अर्याथ्यो, त्यो अचम्मका काम, चमत्कारी काम रे चिन्ह परमेश्वरले येशू बठेइ अर्यो। तमन आफइ जाण्न्छौ, कि यो सत्य हो।

यूहन्नाले लेख्या सुसमाचार 12:45

जइले मलाइ धेकन्छ, तइले मलाइ पठाउन्यालाइ धेकन्छ।

यूहन्नाले लेख्या सुसमाचार 6:36

तर मइले तमनलाइ पइल्ली भण्याथ्या, तमनले मलाइ धेकिबर लगइ, ममि बिश्वास अर्यानु।

लूका 24:19

येशूले तिननलाइ सोध्यो, “कि कुरणी?” तिननले जबाफ दियो, “नासरत गाउँका येशूका बारेमि, उन एक जाना अगमबक्ता थ्या, रे परमेश्वर रे सब मान्सका सामने अचम्मका काम रे सक्तिशाली बचनका शिक्षा दिन्थ्या।

मर्कुस 2:12

पइ उतन्जेइ त्यो मान्स उठयो, आफ्नो बिस्तरा उठायो रे सबका अगाडी घर गयो, यो धेकिबर सब छक्‍क पण्या, रे तिन सबले परमेश्वरको प्रसंसा अददाइ भण्यो, “हामले पइल्ली कभइ इसो धेक्या थेइन।”

मत्ती 21:32

म यो भण्नउ क्याकि जब बप्तिस्मा दिन्या यूहन्नाले कसेरी धर्मि जीवन जिउन्या भणिराइथ्यो, तमनले उनलाइ बिश्वास अर्यानु। तर कर उठाउन्यावाला रे बेश्याले उनमी बिश्वास अर्यो, रे तमनले यो धेकिबर लगइ पाप अद्द छाडिबर परमेश्वरतिर फर्कीयानु, रे उनमी बिश्वास अर्यानु।”

मत्ती 11:5

कि अन्धा धेक्दाहान, लङडा हिट्टाहान, कोणी सुद्द हुनाहान, टोल्या सुण्नाहान, मर्या जिउना हुनाहान, गरिबलाइ सुसमाचार सुणाइन्छ।

यूहन्नाले लेख्या सुसमाचार 12:10

तब यहुदि मुख्य पुजारिनले लाजरसलाइ लगइ माद्या सल्लाह अर्यो।

यूहन्नाले लेख्या सुसमाचार 9:41

येशूले तिननलाइ भण्यो, “तमन अन्धा भया लगइ पापको दोषि हुनेइ थ्यानु, तर तमन हाम धेक्दाउ भणन्छौ, तबइकिलाइ तमन पापको क्षमा पाउन्या हौउनु।”

यूहन्नाले लेख्या सुसमाचार 15:21

तिननले यिन सब कुरणी मेरा शिष्या भया हुनाले अद्दया हुन क्याकि तिनन मलाइ पठाउन्या परमेश्वरलाइ चिन्नाइन।

यूहन्नाले लेख्या सुसमाचार 15:22

म नआया भया रे तिननलाइ नभण्या भय तिननसित पाप हुन्या थेइन तर आब त आफना पापका निउति तिननसित केइ बाहाना आथिन।

यूहन्नाले लेख्या सुसमाचार 15:23

जइले मलाइ घृणा अरन्छ तइले मेरा पितालाइ लगइ घृणा अरन्छ।

यूहन्नाले लेख्या सुसमाचार 16:9

उनले तिननलाइ पापका बारेमि धेकाउन्या हुन क्याकि तिनन मलाइ बिश्वास अदाइन।