यूहन्नाले लेख्या सुसमाचार 14:10 - डोटेली नयाँ करार

¹⁰ पिता परमेश्वर ममि छन, रे म पिता परमेश्वरमि छु भणबर कि तु बिश्वास अद्दैनी? जइ कुरणी म तमनलाइ भण्नउ, त्यो मइले मेरो आफनाइ अधिकारमि बोल्या होइन तर ममि बास अद्दया परमेश्वर जी अद्द चाहानाहान तेइ अद्दाहन।

यूहन्नाले लेख्या सुसमाचार 14:10 Referans Kwoze

यूहन्नाले लेख्या सुसमाचार 5:19

येशूले तिननलाइ भण्यो, “साँच्चि, म तमनलाइ भण्नउ, चेलो आफइले केइ अद्द सक्दैन, तर पिताले जी अर्या धेकन्छ तेइ मान्तर अरन्छ, क्याकि पिताले जी अरन्छ, म मान्सको चेलो लगइ तसोइ अद्दउ।

यूहन्नाले लेख्या सुसमाचार 10:38

तर यदि म पिताको काम अद्दउ रे पइलगइ तमन ममि बिश्वास अद्दानु भण्या यिन काममी बिश्वास अर, रे तमनले था पाउन सकन्छौ रे बुजन्छौ, कि परमेश्वर ममि छन, रे म परमेश्वरमि छु।”

प्रेरित 10:38

अर्थात नासरत गाउँका येशूलाइ परमेश्वरले पबित्र आत्मा रे सक्तिले अभिषेक अर्यो, उन भलाइका काम अद्दाइ रे सैतान लाग्या मान्सनलाइ निको पाड्डाइ सबतिर घुम्या, क्याकि परमेश्वर उनसित थ्या।”

यूहन्नाले लेख्या सुसमाचार 12:49

क्याकि, मइले आफना अधिकार बठेइ बोलेइन, तर मइले कि भण्नु पड्डया हो, रे कसेरी बोल्लु पड्डया हो, मलाइ पठाउन्या पिता आफइले मलाइ आज्ञा दिराइछ।

यूहन्नाले लेख्या सुसमाचार 10:30

पिता रे म एकै हु।”

यूहन्नाले लेख्या सुसमाचार 8:28

तब येशूले तिनलाइ भण्यो, “जब तमनले म, मान्सको चेलोलाइ क्रुसमि टाङ्द्या हौ तइ पछा ‘म जो हु तेइ हु’ भणि था पाउन्या हौ, रे म आफना अधिकार बठेइ केइ अद्दइन, तर मेरा पिताले मलाइ सिकाया अन्सार म यिन कुरणी बोल्ल्या रइछु भणि तमनले था पाउन्या हौ।

कलस्सी 2:9

क्याकि ख्रीष्ट मान्स भइबर आउन्ज्या, उन पूर्ण रुपमि परमेश्वर थ्या।

यूहन्नाले लेख्या सुसमाचार 17:8

क्याकि जइ शिक्षा तमले मलाइ दिया, मइले तिननलाइ दिइराइछु, रे तिननले तिन शिक्षा स्वीकार अरिराइछ। म तम बठेइ आया हु भण्न्या तिननले साँच्चि जाणिराइछ, पइ तमले मलाइ पठाया हौ भणि तिननले बिश्वास अर्या छन।

यूहन्नाले लेख्या सुसमाचार 5:17

तब येशूले तिननलाइ भण्यो, “परमेश्वर, मेरो पिताले दिना दिन काम अरिराइछन, रे म लगइ काम अद्दइ लाछु।”

१ यूहन्ना 5:7

यिन तीन कुरणीले गवाही दिनाहान कि येशू परमेश्वर बठेइ आया हुन:

२ कोरिन्थी 5:19

क्याकि मान्सनका पापको लेखा नलिबर ख्रीष्टले जी अर्याछ तइ बठेइ परमेश्वरले संसारका सब मान्सनलाइ मिलापमी ल्याउनाइ एक बाटो बनाउनाथ्या। रे परमेश्वरले हामलाइ मिलाप अराउन्या सन्देश प्रचार अददाइ सुम्प्या छ।

यूहन्नाले लेख्या सुसमाचार 8:38

मइले मेरा पिताका वाँ हुन्ज्या जी धेक्या छु त्यइ कुरणी बोल्लउ और तमनले आफना पिताका वाँ जी सुण्याछौ त्यइ अरन्छौ।”

कलस्सी 1:19

क्याकि परमेश्वरको आफइले निर्णय अर्यो कि उनरा चेलोमी पुरा स्वभाव होउ।

यूहन्नाले लेख्या सुसमाचार 14:20

जब म जिउनो भइबर आउन्या हु तइ दिन तमन जाण्न्या हौ कि म मेरा पितामि छु, रे तमन ममि रे म तमनमि छु।

यूहन्नाले लेख्या सुसमाचार 7:16

तब येशूले तिननलाइ जबाफ दिइबर भण्यो, “मेरो शिक्षा मेरो होइन, तर उनरो हो, जइले मलाइ पठाया हो।

यूहन्नाले लेख्या सुसमाचार 8:40

तर आब तमन मलाइ माद्द खोजन्छौ। क्याकि मइले तमनलाइ सत्य कुरणी भणन्ना छु, जो मइले परमेश्वर बठेइ सुण्याछु यो ताँ इसा काम अब्राहामले अरेन।

यूहन्नाले लेख्या सुसमाचार 11:26

पइ जिउन्या रे ममि बिश्वास अद्द्या सब कभइ मद्द्या आथिन। कि तु यो बिश्वास अरन्छेइ?”

यूहन्नाले लेख्या सुसमाचार 3:2

निकोदेमस रात येशूका वाँ आइबर उनलाइ भण्यो, “गुरुज्यू, हाम जाण्नाउ कि परमेश्वरले तमलाइ हामलाइ सिकाउनाइ पठया हो, क्याकि परमेश्वर संङइनि भएइन भण्या तमले अर्या यिन चिन्ह कोइलगइ अद्द सक्दइन”।

यूहन्नाले लेख्या सुसमाचार 14:11

मलाइ बिश्वास अर, कि परमेश्वर ममि छन, रे म परमेश्वरमि छु। नभया यिन अचम्मका काम मइले अर्या छु तिनमि बिश्वास अर।

यूहन्नाले लेख्या सुसमाचार 14:24

मलाइ प्रेम नअद्द्याले मेरा शिक्षा पालना अद्दैन। जइ शिक्षा तमन सुणन्छौ, त्यो मेरो होइन, तर मलाइ पठाउन्या पिताको हो।