यूहन्नाले लेख्या सुसमाचार 11:33 - डोटेली नयाँ करार

³³ जब येशूले तइलाइ रून्नारएइ रे तइसित आउन्या यहुदि मान्सन लगइ रुन्नारया धेक्यो, तब उन बड्ताइ ब्याकुल भया रे भौत दुःखित भया

यूहन्नाले लेख्या सुसमाचार 11:33 Referans Kwoze

यूहन्नाले लेख्या सुसमाचार 11:38

तब येशू आजी भौत ब्याकुल होइबर चिहानमि गया। रे त्यो चिहान एक गुफा थ्यो, तइको मुख ठुला ढुंगाले ढाकिराइथ्यो।

यूहन्नाले लेख्या सुसमाचार 12:27

आब म भौत ब्याकुल होइरइ छु, रे म कि भणु? ‘हे मेरो पिता, मलाइ यइ दुख बठेइ बचा?’ होइन, म यइ संसारमी यइउइले आया हु कि दुख उठाउ।

मर्कुस 3:5

उनले वलतिर पलतिर सब ठाउँ हेर्यो उन रिसाया रे उदास भया क्याकि उन सब सहमत भयइन रे तइ मान्सलाइ भण्यो, “तेरो हात सिदा अर।” तइ लुलो मान्सले येशूतिर आफ्नो हात लइय्यो रे त्यो निको भयो।

रोमी 12:15

आनन्द अद्द्यासित आनन्द अर। रुन्या सित रोअ।

हिब्रु 4:15

क्याकि हामरा यहुदि प्रधान पुजारिले पक्‍कालगइ हामरो कमजोरीमी हामसित सहानुभुति धेकाउनाहान। रे हाम जसाइ येशू सब कुरणीमि परिक्षित भया, तर उनले केइ पाप अरेइन।

मर्कुस 9:19

यो सुणिबर येशूले भण्यो, “हे बिश्वासहिन मान्सन! म कब सम्म तमसित रउलो? रे म कब सम्म म तमरो बिश्वास किलाइ रोकुँ? तइ केटालाइ मेरा वाँ ल्यास।”

यूहन्नाले लेख्या सुसमाचार 13:21

जब येशूले यिन कुरणी भण्यो तब उन आत्मामी ब्याकुल भया रे आफ्ना शिष्यालाइ भण्यो, “साँच्चि, म तमनलाइ भण्नउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

यूहन्नाले लेख्या सुसमाचार 11:19

भौत यहुदि मान्सन मार्था रे मरियमका भाइ मर्या हुनाले तिननलाइ सान्त्वना दिनाइ आइरइथ्या।

यूहन्नाले लेख्या सुसमाचार 11:31

घरमि तिनलाइ सान्त्वना दिनाइ आया यहुदि मान्सनले मरियम झट्ट उठीबर गया धेकिबर, त्यो चिहानमि रुनाइ गएइ हो भणि सम्जिबर तइका पछा लाग्या।

यूहन्नाले लेख्या सुसमाचार 11:34

उनले तिननलाइ सोध्यो, “तमनले तइलाइ काँ राखिराइछौ?” तिननले उनलाइ भण्यो, “प्रभु आइबर, हेर।”

यूहन्नाले लेख्या सुसमाचार 11:35

येशू रोया।