याकुब 5:16 - डोटेली नयाँ करार

¹⁶ तबइकिलाइ तमन एक-अर्खाका सामने आफना-आफना पापलाइ स्वीकार अर, ताकि तमन निको हुन सक, रे एक-अर्खाका निउति प्रार्थना अर। धर्मिजनको प्रार्थना सक्तिशाली रे प्रभाबशाली हुन्छ।

याकुब 5:16 Referans Kwoze

मत्ती 21:22

बिश्वास अरिबर जी प्रार्थनामि परमेश्वर बठेइ जी मागन्छौ, त्यो पाइराइछौ भण्न्या परमेश्वरमि बिश्वास राख तमनले पाउन्या हौ।”

यूहन्नाले लेख्या सुसमाचार 9:31

हाम जाँण्नाउ कि, परमेश्वर पापिका कुरणी सुणनाइन, तर परमेश्वरको डर माण्न्या रे उनरो इच्छा पालन अद्द्या मान्सनकि कुरणी परमेश्वर सुण्नाहान।

१ पत्रुस 2:24

जब ख्रीष्ट मर्या, उनले क्रुसमि हामरा पापकी निउति आफ्नो सरीरमि दण्ड भोग्यो। उनले इसो अर्यो ताकि हामले पाप अद्द छाडिबर धर्मि भइबर जीवन जिउन सुरु अद्द सकौ। रे उनले सया चोट बठेइ हाम निको भयाछौ।

१ यूहन्ना 3:22

रे हाम जी परमेश्वरसित माग्दाउ त्यो उन बठेइ पाउनाउ, क्याकि हाम उनरो आज्ञापालन अद्दाउ, रे हाम उनलाइ मन पड्डया काम अद्दाउ।

प्रेरित 19:18

बिश्वास अद्द्यामि हइ भौत जाना आया रे आफले अर्या ननिका काम सबइ मान्सनका अगाडी स्वीकार अर्यो।

१ थेसलोनिकि 5:17

निरन्तर प्रार्थना अरि राख।

हिब्रु 12:13

सिदा बाटामि हिटी राख। तब तमरो अनुसण अद्द्या कमजोर रे लङ्गडो भया लगइ तिनन ठेस लागीबर लोटया आथिन, बरु बलिया हुन्या हुन।

१ थेसलोनिकि 5:25

बिश्वासि भाइन हो, हामरा निउति प्रार्थना अर।

मत्ती 3:6

रे सबले आफ्ना पापमाणि लिया रे यर्दन नदिमी यूहन्ना बठेइ बप्तिस्मा लियो।

हिब्रु 13:18

हामरा निउति प्रार्थना अर। हामलाइ निश्चय था छ कि हामरो बिबेक स्वच्छ छ, रे हामले अद्दया सब कुरणीमि हाम परमेश्वरलाइ आदर दिन चाहानाउ।

हिब्रु 11:7

बिश्वास बठेइ नोआ नाउ भया मान्सले कभइ नधेक्या बाढीका बारेमि परमेश्वर बठेइ चेताउनी पाया पछा उनरो आज्ञापालन अरिबर आफ्नो परिवारलाइ बचाउनाइ एक ठुलो जहाज बनायो। रे नोआको बिश्वास भणना पइल्ली, और बिश्वास नअद्द्या मान्सन दोषि ठहरिया, रे बिश्वास बठेइ परमेश्वरले नोआलाइ धर्मि घोषणा अर्यो।

रोमी 5:19

क्याकि जसेरि एकइ मान्सको अनाज्ञाकारिताले भौत जाना पापी बनाइया, तसेरि एकइ जनाको आज्ञाकारिता बठेइ भौत जाना धर्मि बनाइया।

रोमी 3:10

जसो पबित्र सास्त्रमि लेखिया छ: परमेश्वरका अगाडी कोइ धर्मि आथिन, एक जानो लगइ आथिन,

हिब्रु 11:4

बिश्वास बठेइ आदमको चेलो हाबिलले परमेश्वरलाइ आफ्नो दाइ कयिन भण्ना और ग्रहणयोग्य बलि चडायो, रे तसइ बलि बठेइ परमेश्वरले हाबिललाइ धर्मि मान्सका रुपमि ग्रहण अर्यो। हाबिलले चडाया बलि बठेइ परमेश्वर प्रसन्न भया भणबर धेकायो। रे हाबिल मर्या लगइ परमेश्वरमि बिश्वास अद्द्या बारेमि अइल लगइ उनले हामलाइ सिकाउनाहान।

प्रेरित 10:38

अर्थात नासरत गाउँका येशूलाइ परमेश्वरले पबित्र आत्मा रे सक्तिले अभिषेक अर्यो, उन भलाइका काम अद्दाइ रे सैतान लाग्या मान्सनलाइ निको पाड्डाइ सबतिर घुम्या, क्याकि परमेश्वर उनसित थ्या।”

१ थेसलोनिकि 5:23

परमेश्वर जइले सान्ति दिनाहान उन आफइले पूरारुपमी तमनलाइ पबित्र बनाउन, रे तमरा समस्त आत्मा, प्राण रे शरीर हामरा प्रभु येशू ख्रीष्ट फर्कि आउन्या दिन सम्म निष्कलंक रहुन।

कलस्सी 1:9

तबइकिलाइ हामले तमरा बारेमि सुण्या दिन बठेइ, हाम तमरा निउति सदाइ प्रार्थना अद्दउ कि परमेश्वरका आत्माले तमनलाइ आत्मिक ज्ञान रे समझसक्ति दिउन, रे परमेश्वरले तमनलाइ पूर्ण रुपमि उनरो इच्छा बुज्न सहयोग अरुन।

लूका 9:6

तब तिनन बिदा भया, रे सुसमाचार प्रचार अद्दाइ रे सब ठाउँमि रोगिलाइ निको बनाउनाइ गाँउ-गाँउ गया।

मर्कुस 1:5

यहुदिया जिल्ला रे यरुशलेम सहरका सब मान्सन निकलिबर यूहन्नाको प्रचार सुण्नालाइ तइ उजाड ठाउँमि गया। जाँ तिन सबले आफ्ना पाप माणि लिया, तइ पछा यूहन्नाले उनलाइ यर्दन नदिमी बप्तिस्मा दियो।

प्रेरित 8:24

तब सिमोनले भण्यो, “तमनइ मेरा निउति प्रार्थना अरिदिय, रे तमनले भणेइ केइ कुरणी लगइ ममि जन आउ।”