याकुब 5:14 - डोटेली नयाँ करार

¹⁴ यदि तमनका बिचमि कोइ बिरामी छ, उइले मण्डलिका अगुवानलाइ बोलाओस, तिननले प्रभुका नाउँमि उइलाइ तेलले अभिषेक अरिबर उइकीलाइ प्रार्थना अरुन।

याकुब 5:14 Referans Kwoze

मर्कुस 6:13

तिनले भौत भूत निकाल्यो, रे भौत बिमारीलाइ लगइ जैतुन तेलले अभिषेक अरिबर निको बनायो।

प्रेरित 28:8

पब्लियसका बा जर रे जल्मासी रोगले बिमारी थ्या। पावल तिनलाइ हेद्दाइ कोठा भितर गया रे तिनरि निउति प्रार्थना अर्यो, रे आफ्नो हात तिनमि राखिबर तिनलाइ निको बनायो।

मर्कुस 16:18

यदि तिननले बिसालु स्याप समायो, भण्या स्याप तिननलाइ हानि अद्दया आथिन। यदि उइले जहर चिज पिया भण्या, तिननलाइ हानि हुन्या आथिन। तिननले मेरो नाउँमि बिरामीमि हात राख्यो भण्या बिरामी निको हुन्या हुन।

तितस 1:5

तबइकिलाइ मइले तुलाइ क्रेट टापुमि छाडिबर आया, ताकि तुइले ताँ हामरो काम पुरा अद्द सक रे मइले आदेस दिया जसेरि तुइले क्रेट टापुका हरेक सहरमि मण्डलिका अगुवान नियुक्त अर।

प्रेरित 15:4

जब पावल रे बारनाबास यरुशलेम सहरमि पुग्या, तब तिननलाइ मण्डलि, येशू ख्रीष्टका छान्या शिष्या रे मण्डलिका अगुवानले स्वागत अर्यो। परमेश्वरले तिननसित अर्या सब कुरणी तिननलाइ ताँ भण्यो।

प्रेरित 14:23

पइ हरेक मण्डलिमि तिनरा निउति मण्डलिका अगुवान नियुक अरिबर उपवास रे प्रार्थना अरिबर तिननलाइ प्रभु येशूलाइ सुम्पिदियो। जइमि तिननले बिश्वास अर्याथ्यो।

प्रेरित 9:40

तर पत्रुसले तिनन सबलाइ बाइर पठाइबर घुडा टेक्यो, रे प्रार्थना अर्यो, रे तइ लासतिर फर्किबर भण्यो, “तबिता, उठ।” तइले आँखा उगाड्यो, रे पत्रुसलाइ धेकि रे उठीबर बसि।

प्रेरित 11:30

तिननले तसोइ अर्यो, रे बारनाबास रे शाउलका हात बठेइ तिननले यरुशलेम सहरमि भया मण्डलिका अगुवानलाइ रुप्प्या पठाइदियो।