याकुब 4:2 - डोटेली नयाँ करार

² तमन इच्छा त अरन्छौ तर तमन पाउनानु। तबइकिलाइ तमन हत्या अददाइलाइ तयार छौ, रे तमन औरसित भया कुरणी प्राप्त अद्दाइ इच्छा अरन्छौ, तर केइ पाउनानु। तबइकिलाइ तमन लडाइ रे झगडा अरन्छौ। तमन पाउनानु क्याकि तमन परमेश्वरसित माग्दानु।

याकुब 4:2 Referans Kwoze

यूहन्नाले लेख्या सुसमाचार 16:24

अइल सम्म तमनले मेरा अधिकारमि पितासित केइ माग्या आथिनऊ। माग, तमनलाइ दिइन्या हो। यिसेरी तमरो आनन्द पुरा होइजाउ।

याकुब 1:5

तर यदि तमन मध्य कसइलाइ बुद्दिको कमी छ भण्या उइले उदार-चित्त सित दोस नलाइबर दिन्या परमेश्वरसित माग्दु पणन्छ, उनले तमनलाइ त्यो दिन्या हुन।

यूहन्नाले लेख्या सुसमाचार 4:10

येशूले तइलाइ भण्यो, “तु जान्निनी कि परमेश्वर तुलाइ कि दिन चाहानाहान, रे तु जान्निनी कि को तुसित पानी माग्दा छ। यदि तु जान्नेइ हइ त, तु मसित माग्देइ थी रे म तुलाइ त्यो पानी दिनेइथ्या जइले जीवन दिन्छ।”

याकुब 5:6

तमरो बिरोध नअद्द्या धर्मिलाइ दोषि बनायाछौ रे तमनले मार्याछौ।

१ यूहन्ना 3:15

और बिश्वासिनलाइ घृणा अद्दया हरेक हत्यारा जसोइ हो, रे कसइ हत्यारा सित अनन्त जीवन हुनइन भण्न्या तमनलाइ थाइछ।