याकुब 4:1 - डोटेली नयाँ करार

¹ तमनका बिचमि लडाइ रे झगणा कि कारणले आउनाहान? तिनन स्वार्थि इच्छा बठेइ आउनाहान जइले तमरो भितर संघर्ष अरन्छ।

याकुब 4:1 Referans Kwoze

१ पत्रुस 2:11

प्रिय हो, तमन यइ संसारमी बिदेशी रे प्रबासी जसाइ बन्याछौ। म तमनलाइ बिन्ति अद्दउ कि तिन सबइ दुष्ट शारीरिक इच्छा बठेइ टाडा बस, क्याकि इसा चाहाना तमरा आत्माको बिरोधमी सदाइ लड्डाहान।

गलाती 5:17

क्याकि पापमय स्वभाव पबित्र आत्माका बिरोध हुनाहान, रे पबित्र आत्मा पापमय स्वभाबका बिरोध हुनाहान। क्याकि यिन दुइ एक अर्खाका सतुर हुन। तबइकिलाइ तमन सदाइ निको काम अद्द सक्दानु, जो तमन अद्द चाहान्छौ।

रोमी 7:23

तर मेरा शरीरका अंगमी अर्खा नियमले मेरा हृदयमि भया नियमसित युद्द अरन्छ, रे मेरा शरीरका अंगमी भया पापका नियमले मलाइ पापको अधिनमी पाणन्छ।

रोमी 8:7

क्याकि पापी स्वभाव बठेइ नियन्त्रण हुनु भण्या परमेश्वरसितको सत्तुता हो। तिनन परमेश्वरको कानुन पालन अद्दाइन, रे अद्द सक्दाइन।

याकुब 1:14

तर हरेक मान्स आफनाइ खराब इच्छा बठेइ परीक्षामि पड्डाहान, यो एक जनाबर जसो हो जो पासा तिर आकर्षित हुन्छ।

१ पत्रुस 1:14

आफ्ना बाको आज्ञापालन अद्द्या निका बच्चाइकि जसेरि परमेश्वरको आज्ञापालन अर। तमनले परमेश्वरको सत्यता नजाण्या बेला इच्छा भया ननिका काम जन अर जो तमन पइल्ली अद्द्या अरन्थ्या।

कलस्सी 3:5

तबइकिलाइ तमरो पापी स्वभाव सित जोडीया ननिका काम: सब किसिमका व्यभिचार, अशुद्द्ता कामुकता खराब इच्छा रे लोप अद्द छाड। यो मुर्तिपुजा अर्या जसोइ हो।

२ पत्रुस 3:3

सब भण्ना महत्त्वपुर्ण कुरणी यो हो कि तमनले यो बुज्जु पणन्छ कि अन्तिम दिन भण्ना ठीक पइल्लिका दिनमि केइ मान्सन धेका पड्डया हुन, जइको जीवन आफनाइ ननिका इच्छा बठेइ नियन्त्रित हुन्छ। तिननले ख्रीष्ट फर्कि आउन्या कुरणीलाइ ठट्टामी उडाउन्या हुन।

याकुब 4:3

तमन मागन्छौ तर तमनले चाया कुरणी पाउनानु, क्याकि तमन आफना खराब अभिलाषा पुरा अद्दाइ निउति कुइच्छाले मागन्छौ।

२ पत्रुस 2:18

तिननले तिन मान्सनलाइ लोपमि पाड्डाहान जो भर्खरइ बिश्वासि भया छन रे दुष्ट मान्सनले अद्द्या काम अद्द छाडया छन। तिननले तिनरो पापी मानब स्वभाबले अद्द चाया खराब काम अददाइ उत्साहित अरिबर तिननलाइ पापको लोपमि फसाउनाहान।

तितस 3:3

क्याकि हाम लगइ बिश्वासि हुनाहइ पइल्ली मुर्ख, परमेश्वरको आज्ञा नमाणन्या, रे मान्सनले हामलाइ धोकामी पाड्या थ्यो, रे हरेक किसिमका दुष्ट काम अद्द्या इच्छाले नियंत्रित अर्या हुनाले, हाम नौकर जसाइथ्या, हाम यिसो अददु निको माणन्थ्या, रे हामले आफ्नो जीवन दुष्ट काममी रे औरकि रिस माणिबर बिताया, हरेकले हामलाइ घृणा अरन्थ्या रे हाम तिननलाइ घृणा अरन्थ्या।

तितस 3:9

तर मुर्ख सवाल जबाफ, पुर्खाको लामो सुचि, बिबाद रे मोशाको कानुन सम्बन्धि झगडा अद्द खोज्जया बठेइ अलग बस, क्याकि तिनन बेफाइदा रे ब्यर्थका हुनाहान।

रोमी 7:5

जब हाम हामरा पापी स्वभाबका अधिनमी हुनाउ, तब कानुन बठेइ हामरा सरीरमि भया पापी इच्छा जागन्छ, रे हामले अर्या कामकाले मृत्यु ल्याउन्छ।

मत्ती 15:19

क्याकि ह्रदय बठेइ परमेश्वरको बिरुद्द खराब बिचार, परस्त्रीगमन, व्यभिचार, हत्या, चोरी, झुटो गवाही रे निन्दा बाइर निकलन्छ।

यूहन्नाले लेख्या सुसमाचार 8:44

तमन आफना बा सैतान बठेइका हउ, तब आफनाइ बाका कुइच्छा पुरा अद्द चाहन्छौ। त्यो त सुरु बठेइ हत्यारा थ्यो रे सत्यमी रएन क्याकि तइमि सत्य आथिन, जब त्यो झुट बोलन्छ तब आफनोइ बानि ब्यबहार बठेइ बोलन्छ क्याकि त्यो झुट हो रे झुटको बा हो।

२ तिमोथी 2:23

तर मुर्ख रे बेसमजका सवाल जबाफलाइ इन्कार अर, तमनलाइ था छ कि इन बठेइ झगडा हुन्छ।