याकुब 3:2 - डोटेली नयाँ करार

² हाम सब भौत भुल अददाउ। तर यदि एक मान्सले आफले बोल्या कुरणीमि कभइ भुल अद्दइन, तइले आफलाइ पूर्ण रुपमि नियन्त्रण अद्द सकन्छ, रे त्यो सिद्द मान्स हुन्छ।

याकुब 3:2 Referans Kwoze

याकुब 1:26

यदि कसइ मान्सले आफलाइ धर्मि समजन्छ तर आफना जिबणामि लगाम लाउनइन, रे आफना हृदयलाइ धोका दिन्छ भण्या तइ मान्सको धर्म व्यर्थ हुन्छ।

१ पत्रुस 3:10

क्याकि पबित्र सास्त्रमि लेखिया छ, “यदि एक ब्यक्तिले आफ्नो जीवनको आनन्द लिन चाहन्छ, रे निको दिन धेक्दा इच्छा अरन्छ भण्या, उइले खराब कुरणी भण्ना बठेइ होशियार हुनु पणन्छ। रे उइले तसा कुरणी बोल्ल छाड्डु पणन्छ जो सत्य आथिन।

मत्ती 12:37

क्याकि परमेश्वरले तमरा बोल्या बचन बठेइ न्याय अरिबर तम निर्दोष छौ भणि घोषणा अद्द्या हुन, रे परमेश्वरले तमरा बोल्या बचन बठेइ न्याय अरिबर तम दोषि छौ भणि घोषणा अद्द्या हुन।”

रोमी 3:10

जसो पबित्र सास्त्रमि लेखिया छ: परमेश्वरका अगाडी कोइ धर्मि आथिन, एक जानो लगइ आथिन,

याकुब 1:4

तमनले सब कुरणी सन सिक्दु पणन्छ, ताकि तमनमि केइ असल गुणको अभाब नहोउ, रे तमन आत्मिक रुपमि परिपक्व रे पूर्ण होउ।

याकुब 2:10

क्याकि जो कसइले सम्पूर्ण कानुन पालन अरन्छ तर एक आज्ञा मान्तर माणनइन भण्या बाकि सब कानुन तोड्यामि त्यो दोषि ठहरियाको हुन्छ।

१ कोरिन्थी 9:27

म आफ्नो शरीरलाइ नियन्त्रण अद्दउ, ताकि म दुष्ट इच्छा अनसार जीवन जन बिताउ। नतित मइले और मान्सनलाइ सुसमाचार प्रचार अर्या इनाम पाउन्या होइन।

कलस्सी 4:12

तमरा सहर बठेइ आया येशू ख्रीष्टका दास इपाफ्रासले लगइ अबिबादन पठाया छन। तिन सदाइ तमनकीलाइ लगनशिल भइबर प्रार्थना अददाहान, ताकि परमेश्वरले तमनलाइ बलिया रे सिद्द बनाउन सकुन, रे तमन परमेश्वरको पुरा इच्छा पालन अद्दाछौ भणबर पक्‍का हुन सक।

कलस्सी 1:28

हाम और मान्सलाइ ख्रीष्टको बारेमि भण्नाउ, रे परमेश्वरले दियाको सारा बुद्दीसित हरेकलाइ सिकाउनाउ रे चेतावनी दिनाउ ताकि परमेश्वरको अगाडी खड़ा हुन्या बेला सम्म हाम सब मान्सनलाइ ख्रीष्टमी परिपक्व बनाउन सकु।

गलाती 3:22

तर पबित्र सास्त्रले धेकाउन्छ कि यइ संसारका सब मान्सन पापका अधिनमी छन, ताकि येशू ख्रीष्टमी बिश्वास अद्द्या मान्सनलाइ परमेश्वरले करार अर्या कुरणी दिन सकुन।

रोमी 7:21

यिसेरी यइ नियमले काम अर्या म पाउनउ। जब म भलो अद्द चाहानउ, तब म दुष्ट काम अद्दउ।

१ पत्रुस 5:10

परमेश्वर, जो पूरारुपमी अनुग्रहकारि छन हामरो ख्रीष्ट सितको सम्बन्धका लाग्दा आफ्नो अनन्त महिमामि हामलाइ साजेदार हुनाइ बोलाया छ। तमनले केइ बेर सम्म कष्ट भोग्या पछा, परमेश्वरले तमनलाइ असल बनाउन्या हुन ताकि तमनमि केइ गल्ती जन होउ रे उनले तमरो हृदयलाइ बलियो बनाउन्या हुन रे दृढ हुनाइलाइ उनमी बिश्वास अद्दया बनाउन्या हुन।

गलाती 5:17

क्याकि पापमय स्वभाव पबित्र आत्माका बिरोध हुनाहान, रे पबित्र आत्मा पापमय स्वभाबका बिरोध हुनाहान। क्याकि यिन दुइ एक अर्खाका सतुर हुन। तबइकिलाइ तमन सदाइ निको काम अद्द सक्दानु, जो तमन अद्द चाहान्छौ।

मत्ती 12:34

तमन बिखालु स्यापका छाउना जसाइ छौ! तमन आफइ दुष्ट छौ निकी कुरणी काँ बठेइ बोल्ल सकन्छौ? क्याकि जी हृदयमि भरियाको छ, तेइ मुख बठेइ बोलिन्या हो।