याकुब 2:8 - डोटेली नयाँ करार

⁸ यदि तमनले साँच्चि पबित्र सास्त्र अन्सार “तमनले आफना छिमेकिलाइ आफइलाइ जसेरि प्रेम अर” भण्न्या राजकिय कानुन पुरा अर्या भण्या तमनले ठीक अरन्छौ।

याकुब 2:8 Referans Kwoze

गलाती 5:14

क्याकि सब कानुन एकइ आज्ञामी छ, “तुइले आफ्नो छिमेकिलाइ आफलाइ जसेरि प्रेम अर।”

याकुब 2:12

तबइकिलाइ तमरो बोली रे ब्यबहार तिन मान्सन जसो होउ, जइको न्याय हामलाइ स्वतन्त्रता अद्द्या कानुन बठेइ हुन्या हो।

मत्ती 22:39

दोसरो लगइ तसोइ छ, तुइले आफना पडउसिलाइ आफइलाइ जसो प्रेम अरेइ।

गलाती 6:2

हामले एक अर्खालाइ सहयोग अददु पणन्छ, हाम मध्ये जो लगइ समस्यामि हुन्छ, रे इसेरि हामले ख्रीष्टको कानुन पालन अददाउ।

१ पत्रुस 2:9

तर तमन इसा होइनु, क्याकि तमन परमेश्वरका चुनिया मान्सन हौ, तमन परमेश्वरका पुजारि हौ, जो राजा हुन। तमन परमेश्वरको सेवा अददाइ समर्पित भया मान्सन रे परमेश्वरका निजि प्रजा हौ। उनले तमनलाइ अनारा बठेइ आफ्नो अदभूत ज्योतिमि लेया छ, ताकि तमनले परमेश्वरका अचम्मका कामको घोषणा अद्द सक।

याकुब 1:25

तर त्यो मान्स जइले पाप बठेइ स्वतन्त्र अद्द्या सिद्द कानुनलाइ ध्यान दिबर लगातार पणन्छ रे सुण्या कुरणी भुल्लइन तर जी कानुनले सिकाउन्छ तेइ अरन्छ। इसेरि उइले अर्या काममी परमेश्वरले आशिस दिनाहान।

१ थेसलोनिकि 4:9

तर बिश्वासि भाइनकिलाइ प्रेमको बारेमि कसइले तमनलाइ लेख्द जरुरी आथिन, क्याकि एक-अर्खालाइ प्रेम अद्दु भण्न्या कुरणी तमन आफइले लगइ परमेश्वर बठेइ शिक्षा पायाछौ।

फिलिप्पी 4:14

पइलगइ तमनले मलाइ भेटी दिबर मेरा दु:खमी सहभागी भया हुनाले धन्यबाद।

मत्ती 25:23

मालिकले तइलाइ भण्यो, “स्याबास असल रे बिश्वासि नौकर! तुइले कम सिक्‍कालाइ समालि। आब म तुलाइ भौत कुरणीको जिम्मा दिनउ। तु आफना मालिकका खुशिमि सहभागी हो।”

याकुब 2:19

तमन बिश्वास अरन्छौ कि परमेश्वर एकै छन। त्यो असल हो। भूतले लगइ बिश्वास अरन्छ रे त्यो थरथर कामन्छ।

मत्ती 25:21

मालिकले तइलाइ भण्यो, “स्याबास असल रे बिश्वासि नौकर! तुइले कम सिक्‍कालाइ समालि। आब म तुलाइ भौत कुरणीको जिम्मा दिनउ। तु आफना मालिकका खुशिमि सहभागी हो।”

मत्ती 7:12

तबइकिलाइ मान्सनले तमनसित जसो ब्यबहार अर भण्न्या तमन चाहान्छौ, तमन लगइ तिननसित तसोइ ब्यबहार अर, क्याकि यइ मोशाको कानुन रे परमेश्वरको अगमबक्ताले लेख्या लेखोटको निचोड हो।”

रोमी 13:10

प्रेमले पडउसीको खराबी अद्दइन। जइले प्रेम अरन्छ, तइले कानुन पुरा अरन्छ।

याकुब 4:11

बिश्वासि भाइन हो, एक-अर्खाका बिरोधमी खराब कुरणी जन अर। जइले आफना बिश्वासि भाइको बिरोधमी बोलन्छ, अथवा आफना बिश्वासि भाइलाइ दोस लाउछ, त्यो कानुनको बिरोधमी बोलन्छ, रे तइले कानुनलाइ दोस लाउछ। तर यदि तमनले कानुनलाइ दोस लाउन्छौ भण्या, तमन कानुन पालन अद्दया होइन, तर कानुनको न्यायकर्ता भया जसेरि दोस लाउन्छौ।