याकुब 1:1 - डोटेली नयाँ करार

¹ म, याकुब यो चिठ्ठी लेख्दाछु। म परमेश्वर रे प्रभु येशू ख्रीष्टका दास हु। म, यो चिठ्ठी इस्राएल देशका बार कुललाइ लेख्दाछु जो देस भरि फइलिबर रया छन, सबइलाइ मेरो अबिबादन।

याकुब 1:1 Referans Kwoze

१ पत्रुस 1:1

यो चिठ्ठी येशू ख्रीष्टको छान्या शिष्य पत्रुस बठेइ हो। यो चिठ्ठी परमेश्वरका चुनिया मान्सनकि निउति लेखिया हो, जो परदेशी जसाइ भइबर पोन्टस, गलातिया, कापाडोकिया, एसिया रे बिथिनिया प्रदेशका बिभिन्न सहरमि बस्साहान।

यूहन्नाले लेख्या सुसमाचार 7:35

तब यहुदि अगुवानले आपसमी भण्यो, “यिन काँ जानाइ बटिरइछन, कि हाम यिनलाइ भेटाउन्या होइन? सायद यिन यहुदि मान्सनका वाँ जान्या हुन जाँ ग्रीक देशमि छरबट्टीबर बस्या हुन, रे वाँ गइबर ग्रीक देशमि बस्या मान्सनलाइ सिकाउन चाहानाहन?”

प्रेरित 8:1

स्तिफानसका हत्यामि शाउल लगइ सहमत थ्या। तसइ दिन यरुशलेम सहरमि भया मण्डलिका बिरोधमी ठुलो सतावट सुरु भयो, रे येशू ख्रीष्टका छान्या शिष्या बाहेक तिनन सब यहुदिया जिल्ला रे सामरिया जिल्लातिर छरिया।

प्रेरित 26:7

परमेश्वरले प्रतिज्ञा अर्या कुरणी अद्द्या हुन, रे हामरा बारै कुलले यो प्रतिज्ञा पुरा अद्द्या हुन भण्न्या आसामि रातदिन परमेश्वरको आराधना अरन्थ्या, हे राजा अग्रिपास, यइ आसाका बारेमि यहुदि मान्सनले मलाइ दोस लाइराइछ।

प्रेरित 15:23

रे यहूदा भणिन्या बारनाबास रे सिलाससित तिननले यो चिठ्ठी पठायो, “एन्टिओखिया सहर, सिरिया प्रदेस रे किलिकिया प्रदेसमि रन्या गैर-यहुदि बिश्वासि भाइनलाइ, येशू ख्रीष्टका छान्या शिष्या रे मण्डलिका अगुवानको अबिबादन।

तितस 1:1

म, पावल यो चिठ्ठी तमनलाइ लेख्दाछु। म परमेश्वरको दास रे येशू ख्रीष्टको छान्या शिष्य हु। म परमेश्वरका चुनिया मान्सनको बिश्वासलाइ बलियो बनाउनाइ रे सत्य शिक्षालाइ जाण्नाइ सहयोग अददाइ नियुक्त भया हु, ताकि तिनन परमेश्वरलाइ खुशी बनाउन्या जीवन बिताउन सकुन।

गलाती 2:9

याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ।

प्रेरित 15:13

जब तिननले बोलिसक्या पछा याकुबले भण्यो, “भाइन हो, मेरा कुरणी सुण,

रोमी 1:1

म पावल, येशू ख्रीष्टको सेवक हु, छान्या शिष्य हुनाइ परमेश्वरले चुन्या हो, रे परमेश्वरको सुसमाचार प्रचार अददाइ अलग अरिया हु।

प्रेरित 21:18

भोलिबार पावल हामलाइ लैजाइबर याकुबका वाँ गया, याकुबका घरमि सब मण्डलिका अगुवान जम्मा होइरइथ्या।

यूहन्नाले लेख्या सुसमाचार 12:26

कसइले मेरो सेवा अरन्छ भण्या, शिष्या हुनाइलाइ मेरा पछा लाग्दु पणन्छ, रे म जाँ छु, मेरो सेवक लगइ ताँइ हुन्या हो, कसइले मेरो सेवा अरन्छ भण्या पिताले तइको कदर अद्द्या हुन।

मत्ती 19:28

येशूले तिननलाइ भण्यो, “साँच्चि, म तमनलाइ भण्नउ, तम जो मेरा पछा लागिरइछौ, नयाँ सृष्टिमि जब म, मान्सको चेलो आफ्ना महिमाको सिंहासनमि बसलो, तब तम लगइ बार सिंहासनमि बस्या हौ, रे इस्राएल देशका बार कुलमी इन्साफ अद्द्या हौ।

यहूदा 1:1

यो चिठ्ठी म यहूदा बठेइ हो। म येशू ख्रीष्टको दास रे याकुबको भाइ हु। म यो चिठ्ठी परमेश्वरमि बिश्वास अददाइ उन बठेइ बोलाइया मान्सनलाइ लेख्दाछु। तमनलाइ परमेश्वर हामरा पिताले प्रेम अददाहान रे येशू ख्रीष्टमी सुरक्षित राख्या छ।

२ पत्रुस 1:1

म, सिमोन पत्रुस तमनलाइ लेख्दाछु, म येशू ख्रीष्टको सेवक रे छान्या शिष्य हु। म तमन सबलाइ लेख्दाछु, जइले हाम सबइको समान अनमोल बिश्वास पाया छन, यो बिश्वास हामरा परमेश्वर रे मुक्तिदाता येशू ख्रीष्ट बठेइ हामलाइ दिइया हो, जइले हामलाइ परमेश्वरका नजरमि जी ठीक छ त्यो बनाउनाहान।

फिलिप्पी 1:1

येशू ख्रीष्टका दास म, पावल रे तिमोथीसित फिलिप्पी सहरमि भया मण्डलिका अगुवान, ख्रीष्टका दास, बिश्वासिनलाइ सेवा अद्द्या मान्सन रे जम्माइ पबित्र जनलाइ यो चिठ्ठी लेख्दाछु, जो येशू ख्रीष्टका हुन।

गलाती 2:12

पत्रुसले खतना नभया गैर-यहुदि मान्सनसित खान्या अरन्थ्या। तर जब याकुबले पठाया केइ बिश्वासि यरुशलेम सहर बठेइ आया, तब उइले गैर-यहुदि मान्सन सितको संगत रे खान छाडयो। क्याकि पत्रुस यहुदि मान्सन बठेइ डराया थ्या, जइले चाहानथ्या कि सब गैर-यहुदि मान्सनको खतना हुनु पणन्छ।

गलाती 1:19

मइले तइ बेला प्रभुका भाइ याकुब एक मान्तर येशू ख्रीष्टका छान्या शिष्य लाइ भेट्या।

प्रेरित 15:21

क्याकि पइल्लिका पुस्ता बठेइ गाउँ-गाउँमी मोशाको कानुन प्रचार होइरइछ, क्याकि यो हरेक यहुदि सभाघरमी हरेक बिश्राम दिनमि पणन्छ।”

प्रेरित 1:13

यरुशलेम सहरमि पुग्या पछा तिनन आफ बस्या घरको मल्लो तल्लाका एक कोठामी उकल्या। तिनन पत्रुस, यूहन्ना, याकुब, अन्द्रियास, फिलिप, रे थोमा, बारथोलोमाइ रे मत्ती, अल्फयसको चेलो याकुब रे उग्रपन्थी दलको सिमोन रे याकुबको चेलो यहूदा थ्या।

मत्ती 13:55

कि यिन सिकर्मिका चेला होइन्न ब? कि यिनरी इजा मरियम रे यिनरा भाइन याकुब, योसेफ, यहूदा रे सिमोन होइन्न ब?

प्रेरित 12:17

तर पत्रुसले “चुप लाग” भणि हातले इसारा अर्यो, रे प्रभुले तिनलाइ कसेरी झेल बठेइ बाइर निकाल्यो त्यो तिननलाइ भणिदियो। रे “यो रैबार याकुब रे और बिश्वासि भाइनलाइ भण” भणबर तिन ताँ बठेइ अर्खाइ ठाउँमि गया।

प्रकाश 7:4

जब स्वर्गदुतले चिह्न लाउन सक्यो, कसइले मलाइ भण्यो कि तिन मान्सनको जइका चानामि स्वर्गदुतले परमेश्वरको छाप लगाइया थ्यो तिनरो संख्या एक लाख चौवालिस हजार थ्यो। यिन मान्सन इस्राएल देशका सब बाह्र कुल बठेइ आयाथ्या।

प्रेरित 2:5

तइ बेला परमेश्वरको डर माणन्या भौत यहुदि मान्सन जो संसारको हरेक देस बठेइ काजबार माणन्नाइ आयाथ्या रे यरुशलेम सहरमि बसिरइथ्या।

लूका 22:30

कि मेरा राज्यमि तमन मेरा टेबलमि खान्या रे पिन्या लगइ हउ, रे इस्राएल देशका बारइ कुलको न्याय अरिबर सिंहासनमि बस्या हौ।

मत्ती 10:3

फिलिप रे बारथोलोमाइ, थोमा रे कर उठाउन्या मत्ती, अल्फयसका चेला याकुब रे थेदियस,

२ तिमोथी 4:21

सकभर हिउन लाग्दा हइ पइल्ली आउन्या कोशिस अर। और सब भाइन: युबुलस, पुडेस, लिनस, क्लौडियाले लगइ तिनरो अबिबादन पठाइराइछ।

प्रेरित 23:26

“माननीय ठुला हाकिम फेलिक्सलाइ, म क्लौडियस लुसियसका तिर बठेइ अबिबादन छ!

लूका 6:15

मत्ती रे थोमा, अल्फयसको चेलो याकुब, रे सिमोन, जइलाइ उग्रपन्थि भणिन्थ्यो,

मर्कुस 3:18

अन्द्रियास, फिलिप, बारथोलोमाइ, कर उठाउन्या मत्ती, थोमा, अल्फयसको चेलो याकुब, रे थेदियस, सिमोन जो देस भक्तथ्यो,