हिब्रु 7:18 - डोटेली नयाँ करार

¹⁸ क्याकि पुरानो कानुन केइ अद्द नसक्द्या रे काम नलाग्द्या भया हुनतक खारेज अरिया छ,

हिब्रु 7:18 Referans Kwoze

रोमी 8:3

क्याकि कानुनले अद्द नसक्या कुरणी परमेश्वरले अर्यो, रे हमरा पापी स्वभाबले कानुनलाइ कमजोर बनायो। उनले आफ्ना चेलोलाइ मानब सरीरमि पठायो, रे उनले ख्रीष्टको शरीरलाइ बलिदान अरिबर पापको न्याय अर्यो।

प्रेरित 13:39

येशूमि बिश्वास अद्द्या सब मान्सन निर्दोष ठहरिबर, परमेश्वरको अगाडी निका भइरइछन, जो छुटकारा मोशाको कानुन बठेइ तमरा निउति सम्भब थेइन।

हिब्रु 7:19

क्याकि मोशाको कानुनले त केइलगइ सिद्द पाड्ड सकेइन। रे हामसित एक असल आसा छ, त्यो आसा येशू ख्रीष्ट हुनु, जइले हामलाइ परमेश्वरको नजिकै पुर्याउनाहान।

गलाती 4:9

तर आब तमरो परमेश्वरसित सम्बन्ध छ, अथवा मइले भणनु पणन्छ कि उनले हामलाइ उनरा सन्तानका रुपमि स्वीकार अर्याछ। आजी क्याकि तमन कमजोर रे बेकामका शिक्षाका अधिनमि हुनाइ फर्कन्छौ? कि तमन आजी तिन कुरणिका अधिनमी हुन चाहन्छौ?

१ तिमोथी 4:8

क्याकि शारीरिक कसरतले तमरो शरीरलाइ सहायता अद्या हो, तर परमेश्वरको भक्ति हरेक किसमले फाइदाको हुन्छ, क्याकि यिन कुरणीले यइ जीवनमी रे आउन्या जीवनमी लगइ फाइदा हुन्छ।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

गलाती 3:17

मेरो भणाइको अर्थ यो हो: परमेश्वरले अब्राहामसित करार अर्यो। तबइकिलाइ चार सय तीस बर्ष पछा परमेश्वरले मोशालाइ दियाको कानुनले तइ करारलाइ रद्द अद्द सक्दइन, रे परमेश्वरले यइलाइ पुरा अद्दाहान।

गलाती 4:21

तमन, जो मोशाको कानुनका पालन अद्द चाहन्छौ मेरी कुरणी सुण! म तमनलाइ भणन्या छु कि मोशाका कानुनका किताबमी कि लेख्या छ।

गलाती 3:15

बिश्वासि भाइन हो, म सामान्य जीवन बठेइ एक उदाहरण दिन्नाछु, जब दुइ जानाले केइ कुरणी करार अददाहान रे तइ पक्‍का अददाहान, तब कसइले तइलाइ रद्द अद्द सक्दइन, अथवा न त तइमि केइ थप्द सक्दाहान।

रोमी 3:31

रे कि हाम इसइ बिश्वास बठेइ कानुनलाइ बेकामका बनाउनाउ? होइन, बिलकुल होइन! हाम कानुनलाइ यइको साँचो मुल्य दिन्नाछु।

गलाती 3:21

कि यइको अर्थ यो हो, मोशाको कानुन परमेश्वरका करारका बिरोधमी छ? होइन! बिलकुल होइन! क्याकि यदि मोशाको कानुनले हामलाइ अनन्त जीवन दिन्या भया, हाम तिन कानुन पालन अरिबर परमेश्वरसित धर्मि बनाइन्याइथ्या।