हिब्रु 7:13 - डोटेली नयाँ करार

¹³ हामले यिन कुरणी ख्रीष्टका बारेमि भण्नाछु, जो अर्खा कुलका थ्या। तइ कुल बठेइ कसइले लगइ कभइ बेदिमि पुजारिको रुपमि सेवा अर्या थेइन।

हिब्रु 7:13 Referans Kwoze

हिब्रु 7:11

मान्सनलाइ पुजारि को चलनको आधारमी कानुन दिन्या अरिनथ्यो, जो हारुनको बंस बठेइ लेवि कुलका थ्या तर तिनन तइ चलन बठेइ सिद्द हुन सकेइन। तबइकिलाइ अर्खो पुजारि आउनु आवश्यक थ्यो, त्यो पुजारि हारुन जसो होइन तर मल्कीसेदेक पुजारि जसोइ हुनु पणनथ्यो।

हिब्रु 7:14

क्याकि सबलाइ था छ कि हामरा प्रभु येशू यहूदाको बंस हुन, रे मोशाले यहूदाका कसइ बंस लगइ यहुदि पुजारि बन्नया कुरणिका बारेमि केइ भणेइन रे यहूदाका कोइ लगइ बंस कभइ पुजारि भया आथिन।

हिब्रु 7:12

क्याकि जब पुजारि छान्या नियम बद्लिन्छ, तब कानुन लगइ बद्लिनुइ पणन्छ।