हिब्रु 13:9 - डोटेली नयाँ करार

⁹ हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

हिब्रु 13:9 Referans Kwoze

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

एफिसी 5:6

यिन मान्सन बठेइ मुर्ख जन बन जो यिन पाप अद्दाइ बाहाना बनाउन्या कोशिस अददाहान, क्याकि यिन कुरणिका लाग्दा परमेश्वरको क्रोध आज्ञा नमान्या मान्सनमि पणन्छ।

रोमी 14:6

जइ मान्सले कसइ दिनलाइ बिसेस रुपले पालना अरन्छ, तइले प्रभुलाइ आदर धेकाउनाइ तसो अरन्छ। जइ मान्सले मासु लगइ खान्छ, तइले प्रभुका निउति खान्छ, क्याकि तइले परमेश्वरलाइ धन्यबाद दिन्छ। जइ मान्सले मासु खानइन तइले परमेश्वरको आदरको निउति खानइन रे परमेश्वरलाइ धन्यबाद दिन्छ।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

प्रेरित 20:30

याँ सम्मकि तमरा आफ्ना बिश्वासीनका बिच बठेइ यिसा मान्सन आउन्या हुन, जइले प्रभुका शिष्यालाइ आफ्ना खराब बाटामि लैजान्या हुन।

यहूदा 1:12

जब यिन मान्सनले प्रभुको प्रेम याद अरिबर तमरा प्रितिभोजमि तमनसित खानाहान, तिननले लाजकि कुरणी रे स्वार्थि काम अददाहान। तिनन डर लाग्दा चट्टान जसाइ हुन जो समुद्र भितर लुक्या हुनाहान रे तइले जहाजलाइ डुबाउन सक्दाहान। तिनन ग्वाला जसाइ हुन, जइले आफनो मान्तर हेरबिचार अददाहान। तिनन जमिन मल्तिर उड्डारया पानी नआउन्या बादल जसाइ हुन। तिनन हिउनका बोट जसाइ हुन, जो दुइ बेर मरिसक्या हुनाहान, क्याकि तिननले केइ फल फलाउनाइन रे जडाइ बठेइ उपाडिया छन।

१ तिमोथी 6:20

तिमोथी यो पक्‍का अर कि परमेश्वरले दिया काम तु अर। रे परमेश्वरलाइ महत्व नदिन्या रे दन्त्य काहानिमि छलफल अद्द्या रे त्यो शिक्षा जइले परमेश्वरको सत्य शिक्षालाइ बिरोध अरन्छ, जइलाइ तिननले गलत किसिमले “ज्ञान” भण्नाहान तइलाइ वास्ता जन अरइ।

यहूदा 1:3

प्रिय हो, हाम सबइ सहभागी भया येशू ख्रीष्ट बठेइ आउन्या हामरो मुक्ति रे नयाँ जीवनका बारेमि लेख्द्या मइले हरेक प्रयास अद्दाथ्या। तर आब म यइ चिठ्ठीका माध्यम बठेइ तमनलाइ उत्साहित हुनाइ आग्रह अद्दउ, ताकि तमनले ख्रीष्टिय बिश्वासलाइ बचाइ राख्दाइलाइ आजी कडा परिश्रम अद्द सक। परमेश्वरले आफ्ना मान्सनलाइ यो बिश्वास एकइ बेर दिइसक्या छ, रे यइलाइ परिबर्तन अद्द सकिनइन।

२ थेसलोनिकि 2:17

रे म प्रार्थना अद्दउ कि तिननले तमरो हृदय उत्साहले भरिउन ताकि तमन असल कुरणी अद्द रे बोल्लाइ सदाइ बलियो हुन सक।

मत्ती 24:24

क्याकि झुटा ख्रीष्ट रे झुटा अगमबक्ता आउन्या रे चिन्ह रे अदभूत काम धेकाउन्या छन, सक्या सम्म उन मान्सलाइ धोका दिन्या हुन, जइलाइ परमेश्वरले चुनीराइछ।

मत्ती 24:4

तब येशूले तिननलाइ भण्यो, “होस अर, कि कसइले तमलाइ भ्रममि जन पाडउ।

कलस्सी 2:4

म यो भण्नाउ कि कसइले तमनलाइ झुटा शिक्षामि बिश्वास अद्दाइलाइ धोका जन दिय।

२ कोरिन्थी 1:21

परमेश्वरइले हामलाइ तमनसित ख्रीष्टमी बलिया बनाया छ, रे हामलाइ आफ्ना निउति अलग अर्याछ।

१ कोरिन्थी 8:8

तर खान्या कुरणीले हामलाइ परमेश्वरका नजरमि ग्रहणयोग्य बनाउनइन। नखायाले परमेश्वरका नजरमि हाम अयोग्य हुनाइन, रे खाया हुनाले परमेश्वरका नजरमि हाम असल हुनाइन।

रोमी 14:17

क्याकि परमेश्वरको राज्यमि खान्या रे पिउन्या कुरणी महत्वपूर्ण होइन। महत्वपूर्ण कुरणी परमेश्वरसित धर्मि, सान्ति रे पबित्र आत्मामी आनन्दित भइबर जिउनु हो।

रोमी 14:2

कसइले सब चिज खानु पणन्छ भणि बिश्वास अरन्छ, तर बिश्वासमि कमजोर हुन्याले सागपात मान्तरइ खान्छ।

प्रेरित 20:32

आब म तमनलाइ परमेश्वरमि रे उनरा अनुग्रहको बचनमी सुम्पिदिनउ, जइले तमनलाइ बिश्वासमि बलिया बनाउन सकन्छ, रे परमेश्वरले तमनलाइ त्यो उत्तराधिकार दिनाहान जइलाइ दिन्या बाचा उनले तिनन सब मान्सनसित अर्याछ जो उन बठेइ पबित्र पाड्या छ।

२ थेसलोनिकि 2:2

तमन आफ्ना सोचाइमि छट्टाइ दु:खी जन होउ अथवा प्रभुको दिन आइ सक्या छ भण्या सुणिबर जनडरा। तिननले हामले दर्सन धेक्या हु अथवा प्रकाश पाया हु अथवा हामले यो चिठ्ठी पावल बठेइ पाया हु भणबर दाबि अर्या लगइ तमनले तिननमि बिश्वास जन अर।

१ कोरिन्थी 6:13

तमनले इसो लगइ भणन सकन्छौ, “भोजन हामरा शरीरकी निउति हो, रे हामरा शरीर भोजनकि निउति हो।” तर म तमनलाइ भणनउ कि परमेश्वरले दुएइलाइ नास अद्द्या हुन। शरीर ब्यभिचारको निउति होइन, तर हामरो शरीर प्रभुका हो रे उनरो सेवा अददाइ बन्या हो।

गलाती 6:1

बिश्वासि भाइन हो, यदि कसइ मान्सले पाप अर्या भेट्यो भण्या, तमन जइलाइ पबित्र आत्माले अगुवाइ अरन्छ, तइले नम्रतापुर्वक तिननलाइ सुधार अर। तमन होशियार रअ, ताकि तमन लगइ पाप अद्दया परीक्षामि जन पण।

लूका 5:38

नयाँ अंगुरको रस नयाँ छालाको थैलामि राख्दु पणन्छ।