हिब्रु 13:3 - डोटेली नयाँ करार

³ आफइ लगइ तिननसित कैदमी पड्या जसेरि झेलमि हुन्याको बिचार अर, रे आफ सतावटमी पण्या मान्सन जसेइ तमन तिनरा पिडा आफना सरीरमि अनुभव अरन्छौ।

हिब्रु 13:3 Referans Kwoze

मत्ती 25:36

जब म नाङङोइ थ्या तमनले मलाइ लाउनाइ लत्ता दिया, जब म बिरामी थ्या तमनले मेरो रेख देख अर्या, जब म झेलमि थ्या तमन मलाइ भेटाइलाइ आया।”

हिब्रु 10:34

कैदीमि तमनले दया धेकाया, आफ्नो सम्पत्ति लुटिइज्या लगइ खुसीसित सया, क्याकि तमन जाणन्थ्या, कि तमनसित आजी लगइ परमेश्वरले प्रतिज्ञा अर्या चिज छन, जो आजी उत्तम छन रे सदाइकि निउति रइरन्या हुन।

रोमी 12:15

आनन्द अद्द्यासित आनन्द अर। रुन्या सित रोअ।

१ कोरिन्थी 12:26

रे यदि हामरा सरिरको एक अंगलाइ कष्ट भयो भण्या, पुराइ शरीरलाइ कष्ट हुन्छ। तसेरि यदि हामरा सरिरको एक अंगलाइ आदर भयो भण्या, पुराइ शरिरले आनन्द मनाउनाहान।

कलस्सी 4:18

म पावल, यो चिठ्ठीको भाग तमनलाइ अबिबादन अददाइ आफनाइ हातले लेख्दाछु। याद अर कि म झेलमि छु रे मेरा निउति प्रार्थना अर। परमेश्वर तमन प्रति अनुग्रही होउन। आमेन।

१ पत्रुस 3:8

अन्त्यमि म तमनलाइ यो भणन चाहनउ, कि एकतामी बस, एक अर्खाकि निउति वास्ता अर, एकइ परिबारका सदस्य जसेइ एक अर्खालाइ प्रेम अर। एक अर्खा प्रति दयालु होउ, रे एक अर्खासित नम्र होउ।

मत्ती 25:43

जब म परदेशी थ्या तमनले मलाइ आफना घरमि निउतो दियानु, जब म नाङङोइ थ्या तमनले मलाइ लाउनाइ लत्ता दियानु, जब म बिरामी थ्या तमनले मेरो रेख देख अर्यानु, जब म झेलमि थ्या तमन मलाइ भेटाइलाइ आयानु।”

प्रेरित 24:23

तब उनले पावललाइ नीकेरि परेइबर राख्या रे तिनलाइ केइ स्वतन्त्रता दिया, रे तिनरा कसइ साथिनलाइ तिनका जरुरी कुरणी पुरा अद्दाइ जन रोक्या भणि कप्तानलाइ आज्ञा दियो।

एफिसी 4:1

तबइकिलाइ मइले प्रभुको सेवा अर्या हुनाले म झेलमि छु तमनलाइ बिन्ति अद्दउ, कि परमेश्वरले तमनलाइ आफ्नो सन्तान हुनाइलाइ बोलाया त्यो बोलावट अनसार आफ्नो जीवन बिता।

प्रेरित 27:3

भोलिबार हाम सिदोन सहरमि पुग्या। तइ ठाउँमि कप्तान युलियसले पावललाइ दया अरीबर तिनरा साथिनका वाँ गइबर चाइन्या कुरणी लेइबर आउन्या अनुमति दियो।

हिब्रु 11:37

तिनन मध्य कसइलाइ ढुङाले हाणिबर मार्यो। औरलाइ आरिले चिरिबर दुइ टुकरामि काट्यो, औरलाइ तरबारले मार्यो। और गरिब थ्या, रे तिननलाइ कष्ट दियो रे तिननसित ननिका ब्यबहार अर्यो। रे तिनन भेडा रे बाकराका छाला लाइबर इथउथ डुल्लाइ हिटनथ्या।