हिब्रु 12:4 - डोटेली नयाँ करार

⁴ तमनले पापको बिरुद्द अर्या सङ्घर्षमी, मान्सनले तमरो हत्या अर्या अबस्था सम्म त सहनु पण्या आथिन।

हिब्रु 12:4 Referans Kwoze

१ कोरिन्थी 10:13

तमन लगइ तसाइ परीक्षामि पड्याछौ जसेरि, और सब मान्सन परीक्षामि पड्या छन। तर परमेश्वर बिश्वासयोग्य छन, क्याकि उन तमनले सहन नसक्द्या परीक्षामि पड्ड दिन्या आथिन, बरु उनले तमनलाइ चाइन्या सक्ति दिन्या हुन, ताकि तमन पाप अद्द बठेइ बाच्च सक।

प्रकाश 2:13

मलाइ था छ कि तमन तइ सहरमि बसन्छौ जाँ सैतानले सासन अरन्छ। पइलगइ तमनले ममि बिश्वास अददाछौ। मलाइ यो लगइ था छ कि एन्टिपासलाइ कि भयाथ्यो जइले बिश्वासयोग्यसित मेरा बारेमि मान्सनलाइ भण्यो। तिननले एन्टिपासलाइ सैतानले सासन अद्द्या ठाउँमि मार्या बेला लगइ तमन मसित इमानदार भइरया।

हिब्रु 12:2

हामरा बिश्वास सुरु अद्द्या रे सिद्द अद्द्या येशूलाइ हाम हेरिराख्दाउ, जइले भविष्यमी पाइन्या आनन्दकी निउति अपमानलाइ केइ जसो नमाणिबर क्रुसको कष्ट भोग्यो, रे अइल उन परमेश्वरको सिंहासनको दाइन तिर उच्च सम्मानका ठाउँमि विराजमान छन।

प्रकाश 12:11

तिननले थुमाको रगत रे आफना साक्षिका बचनका कारणले तइलाइ जित्या हुन, रे तिननले आफना ज्यानको बरता प्रेम राखेइन रे तिनन मद्द डरायन बरु तिननले येशूलाइ इन्कार अर्यो।

मत्ती 24:9

तब जो मान्स तमरो बिरोध अरन्छ तमनलाइ संकटकि निउति दिन्या हुन, रे मारिदिन्या हुन। रे तमनलाइ सब जातिले घृणा अद्दया हुन क्याकि तमन ममि बिश्वास अर्न्छौ।

प्रकाश 18:24

परमेश्वरले बेबिलोनलाइ सजाय दियो क्याकि त्यो सहर अगमबक्तालाइ माद्द्या दोषि थ्यो, रे और सबइ जो परमेश्वरका पबित्र मान्सन हुन रे सारा संसारका मान्सन हुन।”

प्रकाश 17:6

पइ मइले धेक्या कि त्यो आइमाइ परमेश्वरका पबित्र मान्सनका रगतले मातिरइ थी जइलाइ मान्सनले येशूका निउति तिनरा बिश्वासयोग्यताका लाग्दा मर्याथ्या। त्यो धेकिबर म भौत अचम्म पर्या।”

फिलिप्पी 2:8

उन मान्सको रुपमि जन्मिबर आफइलाइ नम्र बनायो, रे परमेश्वरको आज्ञा माणिबर मद्दाइलाइ बटीया, याँ सम्मकि अपराधी जसाइ भइबर क्रुसमि मर्या।

हिब्रु 13:13

तबइकिलाइ हाम लगइ सिबिर बाइर उनरा वाँ जानाउ, रे जसेरि उनले अनादर सहयो तसेरि हाम लगइ अनादर सहउ।