हिब्रु 12:28 - डोटेली नयाँ करार

²⁸ तबइकिलाइ हलाउन नसकिन्या राज्य पायामि हामलाइ धन्यबादी हुन दिय। रे हाम भक्ति रे डरसित परमेश्वरलाइ ग्रहणयोग्य आराधना चढाऔ।

हिब्रु 12:28 Referans Kwoze

हिब्रु 13:15

तबइकिलाइ आस हाम परमेश्वरलाइ येशू बठेइ लगातार हामरा परमेश्वरको नाउको महिमाको घोषणा अददाइ प्रसंसाको बलिदान चढाऔ। यो उनमी भया हामरो बिश्वास स्वीकार अद्दाइ हामरा मुख बठेइ आउन्या प्रसंसा हो।

हिब्रु 4:16

तबइकिलाइ साहससित परमेश्वरको अगाडी जा, जो अनुग्रहले भरिया छन। ताँ खाँचो पड्या बेला हामले दया रे अनुग्रह पाउन्या हु।

प्रकाश 1:6

उनले हामलाइ एक जाति बनायो जइसित परमेश्वर उनरा राजाका रुपमि छन रे उनले हामलाइ परमेश्वर उनरा पिताकी निउति पुजारि बनायो। उनले सम्मान रे अधिकार सदाइकि निउति रे सबइ समय पाउनु पणन्छ। आमेन।

१ पत्रुस 1:17

परमेश्वरले हरेक ब्यक्तिले अर्या काम जाण्नाहान, रे उन हरेकको केइ पक्षपात बिना न्याय अददाहान। जब तमन परमेश्वरलाइ प्रार्थना अर्न्छौ, तमनले उनलाइ बा भणन्छौ। तबइकिलाइ, सदाइ उनलाइ आदर अर, जबसम्म तमन यइ संसारमी परदेशी जसा भइबर बसन्छौ।

रोमी 11:20

यो सत्य हो, तिनरा अविश्वासका लाग्दा हाँङा काटिया हुन। तमन तमरा बिश्वासले स्थिर छौ। तबइकिलाइ घमण्ड जन अर, तर डर माण।

प्रकाश 15:4

हे परमप्रभु, तमलाइ सब मान्सनले आदर अददाहान, रे तिनन सबले तमरा नाउँको सम्मान अददाहान, क्याकि तमइ मान्तरइ पबित्र परमेश्वर छौ। हरेक जाति तमरा वाँ आउनाहान रे तिननले तमरो आराधना अददाहान, क्याकि भण्या तमरा धार्मिक काम निक्केरि धेकिरइछन।”

१ पत्रुस 2:20

तर यदि तमन गलत काम अरिबर कुटाइ खान्छौ भण्या, तमरो सजायमि धैर्य हुनु केइ प्रसंसाको कारण आथिन। तर यदि तमनले राम्रो कामकी निउति दु:ख भोगन्छौ भण्या, रे तमन धैर्य हुन्छौ भण्या, तब परमेश्वर प्रसन्न हुनाहान।

प्रकाश 5:10

रे तमले तिननलाइ राजान बनाया रे तमले तिननलाइ पुजारि बनाया जो हामरा प्रभु परमेश्वरको सेवाको काम अददाहान, रे तिननले पृथ्बीमि राज्य अद्द्या हुन।”

हिब्रु 10:19

येशूले बलिका रुपमि आफ्नो रगत दियो। तबइकिलाइ बिश्वासि भाइन हो, हाम बिना डरले स्वर्गको महापबित्र ठाउँमि साहससित पस्स सक्दाउ।

हिब्रु 3:6

तर ख्रीष्ट भण्या परमेश्वरका घरका मान्सनसित चेलोका रुपमि बिश्वासयोग्य थ्या। यदि हाममि साहस रे हामरा आसामि भरोसा छ भण्या जो ख्रीष्ट बठेइको हो, तब हाम परमेश्वरका मान्सन हौ।

मत्ती 25:34

रे म, राजाले आफना दाइन तिरकालाइ भणन्या हु, “आस, तमन मेरा पिताका धन्यका मान्सन हो। संसारका उत्पति बठेइ तमरा निउति तयार पाड्याको राज्यमि अधिकार अर।

हिब्रु 5:7

येशू आफना संसारिक जीवनमी हुनज्या आफलाइ मर्या बठेइ बचाउन सक्द्या परमेश्वरसित रुनाइ आउस बगाइबर बिन्ति रे प्रार्थना चडायो। क्याकि उन नम्र रे भक्ति अद्द्या भया हुनाले परमेश्वरले उनरो प्रार्थना सुण्यो।

फिलिप्पी 4:18

मइले जो पाउनु हो तइ भण्न्ना बड्ता पाइराइछु। मइले इपाफ्रोडिटस बठेइ तमनले पठाया उपहार पाया। तमनले पठाया उपहार मेरा निउति पुजारिले परमेश्वरलाइ चडाया मिठो बास आउन्या भेटी रे बलिदान जसोइ हो। जो परमेश्वरलाइ भौत खुशी पडद्या रे ग्रहणयोग्य छ।

एफिसी 5:10

परमेश्वरलाइ खुशी बनाउन्यइ कुरणी सिक्द्या कोशिस अर।

एफिसी 1:6

तबइकिलाइ हाम उनरो प्रसस्त अनुग्रहकी निउति उनरो प्रसंसा अद्दाउ, हामरो उनरा प्यारा चेलो सितको सम्बन्धका लाग्दा उनले हामलाइ सितइमि अनुग्रह दिया छन।

लूका 1:33

उनले याकुबको बंशमि सदाइ राज्य अद्दया हुन, रे उनले राजाका रुपमि सदाइकिलाइ राज्य अद्द्या हुन।”