हिब्रु 11:6 - डोटेली नयाँ करार

⁶ उनमी बिश्वास अर्या मान्तर हामले परमेश्वरलाइ प्रसन्न बनाउन सक्दाउ। क्याकि परमेश्वरका वाँ आउन्याले बिश्वास अददु पणन्छ कि परमेश्वर छन रे साच्ची उनरो खोजी अद्द्यालाइ उनले इनाम दिन्या हुन।

हिब्रु 11:6 Referans Kwoze

मत्ती 6:33

तर पइल्ली परमेश्वरको राज्यलाइ महत्व दिय रे धार्मि जीवन जीअ रे यिन सब चिज तमरा निउति दिइन्याहुन।

लूका 12:31

तर परमेश्वरका राज्यको खोजी अर, रे यिन सब चिज तमनलाइ दिइन्या हो।

हिब्रु 7:25

तबइकिलाइ येशू बठेइ परमेश्वरका नजिक आउन्यालाइ उनले सदाइ बचाउन सक्दाहान। क्याकि तिननकी निउति मद्यस्थताको प्रार्थना चडाउनाइ उन सदाइ जिउना रनाहान।

रोमी 10:14

तर मान्सनले प्रभुलाइ सहयोगकिलाइ पुकाद्दाहइ पइल्ली, तिननले उनमी बिश्वास अददु पणन्छ, रे उनमी बिश्वास अददाइ तिननले उनरा बारेमि सुण्नु पणन्छ, रे मान्सनले प्रभुका बारेमि सुण्नाइकिलाइ कसइले तिननलाइ येशू ख्रीष्टमी बिश्वास अद्द्या बारेमि भण्नु पणन्छ।

हिब्रु 3:12

बिश्वासि भाइन हो, होस अर्या, तमनमि हइ कसइमी भया दुष्ट रे अबिश्वासी हृदयले तमनलाइ जीवन दिन्या परमेश्वरलाइ इन्कार जन अरउ।

यूहन्नाले लेख्या सुसमाचार 14:6

येशूले तइलाइ भण्यो, “म तेइ हु, जइमि बाटो, सत्य रे अनन्त जीवन छ। म बठेइ बाहेक कोइलगइ पिताका वाँ आउन सक्दैन।

२ पत्रुस 1:5

क्याकि तमन परमेश्वरको स्वभावमि सहभागी हुनाइ बनिया हौ, तमनले ख्रीष्टमी बिश्वास अद्द्या मान्तर होइन, तर तमनले औरकि निउति सदाइ असल काम अद्द्या कोशिस लगइ अददु पणन्छ। तमनले असल काम अद्द्या मान्तर होइन, तर तमन बुद्दिमान तरिकाले ब्यबहार अद्द्या मान्स लगइ बन्नु पणन्छ।

हिब्रु 4:6

पइल्ली सुसमाचार सुणन्या इस्रायल देशका मान्सन आफ्ना अनाज्ञाकारिताका लाग्दा बिश्रामको तइ ठाउँमि पस्स सकेइन। तर तइ बिश्रामको ठाउँमि प्रवेश अददाइकि निउति आजी लगइ मौका छ।

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

२ पत्रुस 3:14

तबइकिलाइ प्रिय हो, तमनले यिन कुरणीको प्रतिक्षा अर्या हुनाले परमेश्वरलाइ खुशी बनाउन्या, पबित्र रे दोस नभया जीवन बिताउन्या अर रे एक अर्खासित सान्तिमि बस।

यूहन्नाले लेख्या सुसमाचार 8:24

तबइकिलाइ मइले तमनलाइ भण्या, ‘तमन आफना पापको क्षमा नपाइबरइ मद्दया हउ,’ यदि ‘म जो हु तेइ हु’ भणबर तमनले ममि बिश्वास अर्यानु भण्या तमन मद्द्या हौ रे तमरा पापको क्षमा हुन्या आथिन।”

२ पत्रुस 1:10

तबइकिलाइ बिश्वासि भाइन हो, आफइलाइ रे और मान्सनलाइ यो धेकाउनाइ और बरता असल ब्यबहार अद्द्या कोशिस अर कि परमेश्वरले तमनलाइ आफ्नो मान्स हुनाइ चुन्या छ रे बोलाया छ। यदि तमनले तसो अर्न्छौ भण्या, तमन पक्‍कालगइ परमेश्वर बठेइ कभइ अलग हुन्या आथिनु,

हिब्रु 7:19

क्याकि मोशाको कानुनले त केइलगइ सिद्द पाड्ड सकेइन। रे हामसित एक असल आसा छ, त्यो आसा येशू ख्रीष्ट हुनु, जइले हामलाइ परमेश्वरको नजिकै पुर्याउनाहान।

हिब्रु 4:2

जसेरि हामले येशू ख्रीष्टका बारेमि सुसमाचार सुण्याछौ, इस्रायल देशका मान्सनले लगइ आरामका ठाउँमि प्रवेश अद्द्या सुसमाचार सुण्या थ्या। तर तिननले यइमि बिश्वास अरेइन। तबइकिलाइ त्यो सन्देश तिननकी निउति काम नलाग्द्या भयो।

प्रकाश 21:8

तर जइले ममि बिश्वास अद्दाइन, तिनन गंधकले बलल्या ठाउँमि सामेल हुन बाद्य हुन्या हुन, जो दोसरो मृत्यु हो। रे यइ परिणाम तिनरो हुन्या हो, जो मान्सनका अगाडी मलाइ चिन्न डराउनाहान, कुकर्म अददाहान, हत्यारा हुन, अनैतिक यौन सम्बन्ध राख्दाहान, जादु अददाहान, मुर्तिपुजा अददाहान वाँ झुट बोल्लाहान।”

हिब्रु 11:26

मिश्र देशको धन-दौलत भण्ना ख्रीष्टको निउति निन्दित हुनाइ तइले किमति सम्पत्ति माण्यो। क्याकि तइले आफ्नो इनाम पाउन्या बाटो हेरिराइथ्यो।

मर्कुस 16:17

जइले ममि बिश्वास अरन्छ, तिननले यिन अचम्मका काम प्रमाणका रुपमि अद्द्या हुन: तिनन मेरा नाउँमि भूतलाइ बाइर निकाल्या हुन, रे म तिननलाइ नयाँ भासा बोल्ल सिकाउन्या हु।

लूका 6:35

तर आफना शत्तुरलाइ प्रेम अर, रे तिनरो भलो अर। आजी पाउन्या आसा नराखिबर ऋण दिय, रे तमरो इनाम ठुलो हुन्या हो, रे तमन परमप्रधानका सन्तान हुन्या हउ, क्याकि उन बैगुनि रे दुष्ट मान्सनलाइ लगइ कृपा अददाहान।

मत्ती 6:16

“जब तम बर्त बसन्छौ, तब कपटि अनार जन धेका। क्याकि मान्सनलाइ बर्त बस्या धेकाउनाइलाइ तिनन आफना मुख अनारा बनाउनाहान। साँच्चि म तमनलाइ भण्नउ, तिननले मान्सन बठेइ प्रसंसा पाइ सक्या छ।

मत्ती 6:5

“जब तु प्रार्थना अरन्छइ तब कपटि मान्स जसो जन होइ, क्याकि तिनन यहुदि सभाघरमी रे सडकका कुना-कुनामि मान्सनले धेकुन रे तिननलाइ महिमा अरुन भणि कलिबर प्रार्थना अद्दया मन अद्दाहन। साँच्चि म तमनलाइ भण्नउ, तिननले आफ्नो पुरा इनाम पाइ सक्या छन, त्यो भण्या मान्सनको प्रसंसा हो।

मत्ती 5:12

तइ बेला तमन रमा रे भौत खुशी हो, क्याकि स्वर्गमि तमरो इनाम ठुलो हुन्या हो। क्याकि इसेरि तमन भण्ना अगाडी रन्या अगमबक्तालाइ तिननले सताइराइथ्यो।”

मत्ती 11:26

हो पिता, क्याकि इसेरि अददु तमलाइ निको लाग्यो।