हिब्रु 11:36 - डोटेली नयाँ करार

³⁶ केइ मान्सनले गिल्ला सनु पण्यो, कोर्रा खानु पण्यो रे बाँधिबर कैदी हुनुपण्यो।

हिब्रु 11:36 Referans Kwoze

हिब्रु 10:34

कैदीमि तमनले दया धेकाया, आफ्नो सम्पत्ति लुटिइज्या लगइ खुसीसित सया, क्याकि तमन जाणन्थ्या, कि तमनसित आजी लगइ परमेश्वरले प्रतिज्ञा अर्या चिज छन, जो आजी उत्तम छन रे सदाइकि निउति रइरन्या हुन।

मत्ती 23:34

तबइकिलाइ, हेर, म तमरा वाँ अगमबक्तान, बुद्दिमान मान्सन रे मोशाको कानुन सिकाउन्यावालालाइ पठाउनउ। तिन मध्ये कति जनालाइ तमनले माद्याहउ रे क्रुसमि टाँग्द्या हौ। रे कति जनालाइ आफना यहुदि सभाघरमी कोर्रा हाण्न्याहौ, रे तिननलाइ सहर बठेइ सहर खेद्द्याहौ।

प्रकाश 2:10

तमनले पाउन्या पिडा बठेइ जनडरा। सैतानले तमन मध्ये केइ जानालाइ मान्सन बठेइ पकोडन्छ रे तमरो जाँच अददाइलाइ तमनलाइ झेलमि पठाउनछ। तमले दस दिनकि निउति ठुलो समस्या अनुभव अद्द्या हौ। तर ममि बिश्वास अर्या हुनाले तमलाइ मारिया लगइ तमन कभइ हरेस जन खा, क्याकि म तमनलाइ अनन्त जीवन दिन्या हु, त्यो तमरो जितको पुरुस्कार हो।

२ तिमोथी 2:9

क्याकि म यो सुसमाचार प्रचार अद्दउ, म एक अपराधी जसेइ दुःख भोग्दाछु, याँ सम्मकि म झेलमि छु, तर परमेश्वरको बचन फइलाउनाइ बठेइ केइले लगइ रोक्द सक्दइन।

२ तिमोथी 1:16

प्रभुले ओनेसिफरसको घरानामि कृपा राखुन, क्याकि भण्या उइले मलाइ भेट्टाइ आया रे भौत बेर मलाइ उत्साह दियो, रे मलाइ याँ झेलमि आइबर भेट्टाइ लाज माणेइन।

एफिसी 4:1

तबइकिलाइ मइले प्रभुको सेवा अर्या हुनाले म झेलमि छु तमनलाइ बिन्ति अद्दउ, कि परमेश्वरले तमनलाइ आफ्नो सन्तान हुनाइलाइ बोलाया त्यो बोलावट अनसार आफ्नो जीवन बिता।

प्रेरित 24:27

तर दुइ बर्ष पछा जब हाकिम फेलिक्सको बदलामि अर्खा ठुला हाकिम पर्किअस फेस्तस आयो, तब ठुला हाकिम फेलिक्सले यहुदिलाइ खुशी राख्दाइ निउति पावललाइ नछाडीबर आजी झेलमि राखिबर गयो।

प्रेरित 21:33

रोमी सेनापति नजिकै आइबर पावललाइ पकड्यो रे उनलाइ दुइ साङलाले बाद भणि आज्ञा दियो। पइ मान्सनलाइ सोध्यो, “यो को हो? रे यइले कि अर्याछ?”

प्रेरित 8:3

तर शाउलले मण्डलिलाइ नास अद्दाथ्या, तिन घर-घर पसिबर बिश्वासि बैकान रे स्वानी मान्सनलाइ घसाणीबर लैजान्थ्या रे झेल हाल्दिन्थ्या।

प्रेरित 5:40

तब तिननले तिनरो सल्लाह माण्यो। पइ तिननले येशू ख्रीष्टका छान्या शिष्यालाइ भितर बोलाइबर हाण्यो, रे आब बठेइ येशूका नाउँमि प्रचार जन अर्या भण्न्या आज्ञा दिइबर तिननलाइ छाडदियो।

प्रेरित 5:18

रे छान्या शिष्यालाइ पकोडीबर सरकारि झेलमि हाल्दियो।

प्रेरित 4:3

तब तिननले यिननलाइ पकोड्यो, रे भोलिबार सम्म थुनामि राख्यो, क्याकि तइ बेला बसाइतक भइगइथ्यो।

लूका 23:36

सिपाइ लगइ आइबर उनलाइ सिर्का दिनाइ यिसो भणबर गिल्ला अर्यो,

लूका 23:11

राजा हेरोदले आफना सिपाइनसित मिलिबर उनलाइ तिरस्कारपूर्ण ब्यबहार अर्यो, रे उनरो खिसि काट्यो। तइ पछा उनलाइ चहकिलो लत्ता लाइबर पिलातस हाकिमका वाँ पठाइदियो।

लूका 18:32

क्याकि उ और गैर-यहुदि मान्सनका हातमि सुम्पिन्या हो, रे तिननले उइको खिसि काट्ट्या हुन, रे उइसित दुर्ब्यहार अद्दया हुन, रे उइलाइ थुक्द्या हुन।

मर्कुस 10:34

रे तिननले मलाइ खिसि काट्ट्या हुन, रे मलाइ थुक्द्या हुन, मलाइ कोर्रा लाउन्या हुन, रे मलाइ मारिदिन्या हुन, तर तेसरा दिनमि म मर्या बठेइ जिउनो हुन्या हु।”

मत्ती 27:26

तब तिनले भिडलाइ सन्तुष्ट पड्डया इच्छाले तिनका निउति बरब्बालाइ छाडिदियो रे येशूलाइ कोर्रा लाइबर क्रुसमि माद्दाइ रोमी सिपाइलाइ सुम्पि दियो।

मत्ती 21:35

तर अदिया बनाउन्यावाला खेतालाले तिनरा एक नौकरलाइ चुट्यो अर्खालाइ मार्यो तेसरालाइ ढुंगाले हाण्यो।

मत्ती 20:19

उइलाइ खिसि काट्ट्या हुन, कोर्रा लाउन्या हुन, रे क्रुसमि झुण्न्याउन भणि तिननले उइलाइ गैर-यहुदि मान्सनका हातमि सुम्पिन्या हुन, तर उ तेसरा दिनमि मर्या बठेइ जिउनो होइबर उठन्छ।”

एफिसी 3:1

तबइकिलाइ म, पावल तमनकीलाइ प्रार्थना अद्दउ। मइले तमन, गैर-यहुदिलाइ सुसमाचार प्रचार अर्या रे येशू ख्रीष्टकी निउति काम अर्या हुनाले म झेलमि छु।